Manyadali 3:8 - BAIBLO ALOO NGMAMI KLƆUKLƆU Ɔ

⁸ Lɔ ɔ he ɔ, Yawɛ mi mi fu Israel, nɛ e ngɔ mɛ kɛ wo Mesopotamia matsɛ, Kushan Rishataim dɛ mi; nɛ Israel bi ɔmɛ sɔmɔ Kushan Rishataim jeha kpaanyɔ.

Manyadali 3:8 ပူးပေါင်းရင်းမြစ်များ

Mose I, 24:10

Tsɔlɔ ɔ nɛ hyɛɛ Abraham weto níhi a nɔ ɔ, ngɔ e nyɔmtsɛ ɔ we afukpɔngɔ nyɔngma, nɛ e mia mɛ kɛ e nyɔmtsɛ ɔ nike ní kpakpa, nɛ e pue nɔ kɛ ho Nahor e ma a mi ya, ngɛ Mesopotamia.

La 106:41

E ngɔ mɛ ngɔ wo je mahi a dɛ mi; nɛ a he nyɛli ɔmɛ ye a nɔ.

La 129:1

Israel, jehanɛ de, “Kɛ je ye jokuɛwi a si tɔɔ ɔ, ye he nyɛli wa mi yi mi wawɛɛ nitsɛ!”

La 44:12

O jua o ma a, nɛ o he nɔ́ ko nyafii kɛkɛ, kaa nɔ́ nɛ o ma a he be se nami ko kulaa.

La 6:1

Yawɛ, koo ngɔ abofu kɛ ka ye hɛ mi; koo ngɔ mi mi la kɛ gbla ye tue.

La 85:3

O mi mi la nɛ nya wa a se po, nɛ o mi mi fu we wɔ hu.

Mose II, 22:24

nɛ ye mi mi ma fu wawɛɛ, nɛ ma gbe nyɛ ngɛ ta mi. Nyɛ yi ɔmɛ maa pee yalɔyihi, nɛ nyɛ bimɛ ɔmɛ maa pee awusahi.

Yesaya 50:1

Yawɛ ke, “Anɛ nyɛ susuɔ kaa i ha ye ma a je ye he kɛ ho kaa bɔ nɛ nyumu kɛ e yo poɔ gba mi, nɛ e haa yo ɔ gba mi pomi womi ɔ lo? Ke ja nyɛ susu ɔ, jije gba mi pomi womi ɔ ngɛ mɔ? Anɛ nyɛ susuɔ kaa i jua nyɛ kɛ ho ma se ya kaa bɔ nɛ a juaa bimɛ kaa nyɔguɛhi lo? Dɛbi, nyɛ yayami ɔmɛ a he nɛ a jua nyɛ ɔ nɛ; nyɛ mlaa tɔmi ɔmɛ a he a fie nyɛ kɛ ho ɔ nɛ.

Mose III, 26:17

Ye hɛ maa dɔ kɛ wo nyɛ, nɛ nyɛ he nyɛli ɔmɛ maa fia nyɛ ní nɛ a gbe; a maa ye nyɛ nɔ wawɛɛ, nɛ ke nɔ ko nyɛɛ we nyɛ se po nyɛ maa hi fo nɔ pulɛpulɛ.

Habakuk 3:7

I na nɛ sawale nu Kushan bi ɔmɛ, nɛ Midian bi ɔmɛ hu a he ngɛ doe blibliibli.

Romabi 7:14

Wa le kaa mlaa a mumi mi nɔ, se imi lɛɛ nɔmlɔ adesa kɛkɛ ji mi, nɛ yayami he mi nyɔguɛ.

Mose V, 29:20

Yawɛ be nɔ nɛ tue wa nɛ ɔ he yayami ngɔe kɛ pa lɛ. Niinɛ, Yawɛ mi mi ma fu wawɛɛ kɛ wo lɛ, nɛ gbiɛmihi tsuo nɛ a ngma ngɛ womi nɛ ɔ mi ɔ maa ba e nɔ kɛ yaa si Yawɛ ma kpata e hɛ mi kulaa kɛ pi si.

Mose V, 32:30

Kɛ pee kɛɛ nɛ nɔ kake maa fie nihi akpe? Kɛ pee kɛɛ nɛ nihi enyɔ pɛ maa wo nihi akpe nyɔngma fo? Yawɛ, a Mawu ɔ kua mɛ; a Mawu ngua a ngmɛɛ a he.

Manyadali 2:14

Yawɛ mi mi fu Israel; nɛ e ngmɛɛ a he ngɔ ha ní hali, nɛ a ha a níhi. E je a he gbi ngɔ ha a he nyɛli nɛ bɔle mɛ ɔ; nɛ a nyɛ we a he nyɛli ɔmɛ a hɛ mi nɛ a da hu.

Manyadali 2:20

Kɛkɛ ɔ, Yawɛ mi mi ma fu Israel, nɛ e ma de ke, “Akɛnɛ ma nɛ ɔ yi somi ɔ nɛ i wo a nɛmɛ ɔmɛ mlaa ngɛ he ɔ nɔ, nɛ imi nitsɛ hu a bui mi he je ɔ,

Manyadali 3:10

Yawɛ mumi ɔ ba e nɔ, nɛ e nyɛɛ Israel ma a hɛ mi. E gba ta, nɛ Yawɛ ngɔ Mesopotamia matsɛ, Kushan Rishataim ngɔ wo e dɛ mi nɛ e ye e nɔ.

Manyadali 3:7

Israel bi ɔmɛ a hɛ je Yawɛ, a Mawu ɔ nɔ; a pee yayami kɛ si lɛ, nɛ a ya sɔmɔ Baalhi kɛ Ashera.

Manyadali 3:9

Se Israel bi ɔmɛ fa kue ha Yawɛ, nɛ Yawɛ je nyumu ko ha mɛ, nɛ e ba kpɔ mɛ. Lɛ ji Otniel, Kaleb senɔ nyumu Kenaz binyumu ɔ.

Manyadali 4:9

Debora he nɔ ke, “I kɛ mo maa ya tsɔ. Se mohu blɔ nɛ o ngɛ hiae nɛ ɔ, hɛ mi nyami nɛ maa ba a be o nɔ́ pee; ejakaa Yawɛ maa ngɔ Sisera kɛ wo yo dɛ mi.” Kɛkɛ nɛ Debora te si nɛ e kɛ Barak je kɛ ho Kedesh ya.

Samuel I, 12:9

Se a hɛ je Yawɛ, a Mawu ɔ nɔ. Enɛ ɔ he je ɔ, lɛ hu e ngɔ mɛ ngɔ wo Hazor tatsɛ Sisera, kɛ Filisti bi ɔmɛ, kɛ Moab matsɛ ɔ a dɛ mi, nɛ a kɛ mɛ hwu ta.