Manyadali 3:7 - BAIBLO ALOO NGMAMI KLƆUKLƆU Ɔ

⁷ Israel bi ɔmɛ a hɛ je Yawɛ, a Mawu ɔ nɔ; a pee yayami kɛ si lɛ, nɛ a ya sɔmɔ Baalhi kɛ Ashera.

Manyadali 3:7 ပူးပေါင်းရင်းမြစ်များ

Mose II, 34:13

Dɛbi, nyɛɛ hule a bɔ sami la tɛ ɔmɛ; nyɛɛ gbɛ a wɔ piɛ ɔmɛ, nɛ nyɛɛ ywia a yo wɔ ɔ nɛ a tsɛɛ lɛ Ashera a we amaga amɛ.

Matsɛmɛ II, 23:6

E je amaga a nɛ a puɛ ngɔ ha yo mawu ɔ nɛ a tsɛɛ Ashera a kɛ je Yawɛ we ɔ, nɛ e ya sã lɛ ngɛ Kidron kɔ̃ ɔ mi ngɛ Yerusalem ma a nya. E wɛɛ jakati ɔ nɛ piɛ ɔ bukɔbukɔ kaa la zu, nɛ e ngɔ kɛ ya fĩa gɔ ɔ mi.

Kronika II, 33:19

A ngma Manase he ní nɛ ɔmɛ hu ngɛ Gbali ɔmɛ a Blema Sanehi Womi ɔ mi: kue nɛ Manase fa, kɛ bɔ nɛ Mawu bu lɛ tue ha, yayamihi nɛ e pee loko e ba tsake e tsui, jami hehi nɛ e po, yo mawu ɔ nɛ a tsɛɛ Ashera a we amagahi nɛ e puɛ, kɛ amagahi nɛ e ja.

Kronika II, 33:3

Jami hehi nɛ e tsɛ Hezekia gbɛ ɔ, e kpale po mɛ ekohu. E ma bɔ sami la tɛhi kɛ ha Baal, nɛ e pee amagahi kɛ ha yo mawu ɔ nɛ a tsɛɛ Ashera a. E ja dodoehi hulɔ.

Kronika II, 24:18

Nɔ́ nɛ ɔ ha nɛ a jɔɔ Yawɛ, a nɛmɛ a Mawu ɔ we ɔ yami, nɛ a ya ja amagahi, kɛ yo mawu ɔ nɛ a tsɛɛ Ashera a. Yayami nɛ a pee nɛ ɔ ha nɛ Yawɛ mi mi fu Yuda, kɛ Yerusalem.

Kronika II, 15:16

Matsɛ Asa kpa e nyɛ Maaka tete po manyɛ yemi, ejakaa e pee amaga ko nɛ a hiee kɛ ha yo mawu ɔ nɛ a tsɛɛ Ashera a. Asa ku amaga a ngɔ pue si. E wɛɛ lɛ mɔnyɔmɔnyɔ, nɛ e ya sã lɛ ngɛ Kidron kɔ̃ ɔ mi.

Matsɛmɛ II, 23:14

Matsɛ Yosia ywia tɛ titimahi, kɛ amagahi nɛ a puɛ ha yo mawu Ashera a dukuduku; nɛ e ya muɔ nimli a wuhi kɛ ba pue a ma he ɔmɛ.

Matsɛmɛ I, 18:19

Lɔ ɔ he ɔ, moo tsɔ nɛ a ya bua Israel ma a tsuo nya nɛ a kɛ mi ba kpe ngɛ Karmel yo ɔ nɔ. Ngɔɔ Baal gbali lafa eywiɛ kɛ nyingmi enuɔ ɔmɛ, kɛ yo mawu Ashera gbali lafa eywiɛ ɔmɛ nɛ a nyɛɛɔ Manyɛ Yezebel se ɔ hu kɛ ba.”

Matsɛmɛ I, 16:33

Jehanɛ, e puɛ amaga kɛ ha yo mawu ɔ nɛ a tsɛɛ Ashera a. Ahab pee yayami kɛ wo Yawɛ, Israel Mawu ɔ mi mi la pe Israel matsɛmɛ ɔmɛ tsuo nɛ nyɛɛ e hɛ mi ɔ.

Manyadali 6:25

Jamɛ a nyɔ ɔ mi nɔuu ɔ, Yawɛ de Gideon ke, “Yaa nu o tsɛ na ku ɔ, kɛ na ku kpa nɛ ye jeha kpaago; nɛ o ya ku bɔ sami la tɛ ɔ nɛ o tsɛ pee kɛ ha Baal ɔ, kɛ yo wɔ Ashera nɛ ngɛ e kasa nya a,

Manyadali 3:12

Israel bi ɔmɛ pee yayami kɛ si Yawɛ ekohu. Enɛ ɔ he je ɔ, Yawɛ ya piɛ Moab matsɛ, Eglon he, nɛ e kɛ Israel to ní.

Mose V, 16:21

“Ke nyɛ ma bɔ sami la tɛ ha Yawɛ, nyɛ Mawu ɔ, nyɛ ko ngɔ yo Ashera a mawu we amaga nɛ a kɛ tso kpɛ kɛ ma e kasa nya.

Mose V, 4:9

Nyɛɛ hyɛ saminya! Nyɛ hɛ nɛ hi nyɛ he nɔ ngɛ níhi nɛ nyɛ na kɛ nyɛ nitsɛmɛ nyɛ hɛngmɛ ɔ a he. Nyɛ hɛ ko je nɔ ligbi ko ligbi ko nyɛ wami be tsuo. Nyɛɛ tsɔɔ nyɛ bimɛ, kɛ nyɛ bibimɛ nɛ a le,

Kronika II, 34:7

Yosia ywia bɔ sami la tɛ ɔmɛ, kɛ Ashera amaga amɛ. E wɛɛ amaga amɛ nɛ a pee mɔnyɔmɔnyɔ kaa la zu, nɛ e ywia tsopa kɛ e he via bɔ sami la tɛ ɔmɛ ngɛ Israel zugba a nɔ tsuo loko e kpale kɛ ba Yerusalem.

Kronika II, 34:3

Yosia matsɛ yemi be ɔ jeha nɛ ji kpaanyɔ ɔ mi ɔ, be mi nɛ e wɛ saasaa a, e bɔni e nɛ̃ David Mawu ɔ jami. Jeha nɛ ji nyɔngma kɛ enyɔ ɔ mi ɔ, e bɔni jami he ɔmɛ nɛ ngɛ Yerusalem kɛ Yuda a gbɛmi; e ywia yo mawu ɔ nɛ a tsɛɛ Ashera a we amaga amɛ, kɛ amaga kpa amɛ tsuo.

Manyadali 3:8

Lɔ ɔ he ɔ, Yawɛ mi mi fu Israel, nɛ e ngɔ mɛ kɛ wo Mesopotamia matsɛ, Kushan Rishataim dɛ mi; nɛ Israel bi ɔmɛ sɔmɔ Kushan Rishataim jeha kpaanyɔ.

Manyadali 8:34

Israel bi ɔmɛ a hɛ je Yawɛ Mawu ɔ nɛ je mɛ kɛ je a he nyɛli ɔmɛ tsuo nɛ bɔle mɛ ɔ a dɛ mi ɔ nɔ.

Samuel I, 12:9

Se a hɛ je Yawɛ, a Mawu ɔ nɔ. Enɛ ɔ he je ɔ, lɛ hu e ngɔ mɛ ngɔ wo Hazor tatsɛ Sisera, kɛ Filisti bi ɔmɛ, kɛ Moab matsɛ ɔ a dɛ mi, nɛ a kɛ mɛ hwu ta.

Samuel I, 12:10

Kɛkɛ nɛ a fa kue ha Yawɛ, nɛ a de ke, ‘Wa pee yayami, ejakaa wa je Yawɛ se nɛ wa ya ja Baal amaga amɛ, kɛ yo wɔ Ashtarot ɔ hu e we amaga amɛ. Mo kpɔ wɔ kɛ je wa he nyɛli ɔmɛ a dɛ mi, nɛ wa ma sɔmɔ mo!’

La 106:7

Nyakpɛ níhi nɛ Hiɔwe No ɔ pee ngɛ Egipt ɔ, wa nɛmɛ ɔmɛ nui sisi. Suɔmi babauu nɛ e je kpo kɛ tsɔɔ mɛ ɔ, a kaii we. Mohu ɔ, a te si wo lɛ ngɛ Wo Tsu ɔ nya.

Yeremia 23:27

Nlamihi nɛ a sɛɛɔ kɛ haa a sibi ɔ, a susuɔ kaa lɔ ɔmɛ ma ha nɛ ye ma a hɛ maa je ye nɔ kaa bɔ nɛ a nɛmɛ ɔmɛ a hɛ je ye nɔ nɛ a ya sɔmɔ Baal ɔ.

Mose V, 8:11

“Nyɛɛ hyɛ nɛ hi nɛ nyɛ hɛ ko je Yawɛ, nyɛ Mawu ɔ nɔ. Nyɛ hɛ nɛ hi mlaa amɛ nɛ i ngɛ nyɛ woe mwɔnɛ ɔ a nɔ, nɛ nyɛɛ ye a nɔ.

Mose V, 8:14

nyɛɛ hyɛ saminya nɛ nyɛ ko wo nyɛ he nɔ, nɛ nyɛ hɛ ba je Yawɛ, nyɛ Mawu ɔ nɔ. Lɛ nɛ je nyɛ kɛ je Egipt, he nɛ a ye nyɛ nyɔguɛ ngɛ ɔ.

Mose V, 8:18

Nyɛ kai kaa Yawɛ, nyɛ Mawu ɔ ji nɔ nɛ haa nyɛ he wami nɛ nyɛ kɛ naa ní. E ngɛ enɛ ɔmɛ pee, ejakaa e ngɛ anɔkuale yee kɛ mwɔɔ ngɛ somi nɛ e kɛ nyɛ nɛmɛ ɔmɛ so ɔ he.

Manyadali 8:33

Benɛ Gideon gbo ɔ, Israel bi ɔmɛ kua Mawu ekohu, nɛ a ngɔ Baal Berit ngɔ pee a mawu.

La 106:35

Mohu ɔ, a ya futu je ma amɛ, nɛ a kase a ní peemi ní ɔmɛ.

La 106:36

A sɔmɔ a we amaga amɛ, nɛ enɛ ɔ ha nɛ a kpa Mawu se nyɛɛmi.