Manyadali 3:5 - BAIBLO ALOO NGMAMI KLƆUKLƆU Ɔ

⁵ Lɔ ɔ he ɔ, Israel bi ɔmɛ hi Kanaan, Hit, Amor, Periz, Hiv, kɛ Yebus bi ɔmɛ a kpɛti.

Manyadali 3:5 ပူးပေါင်းရင်းမြစ်များ

Mose II, 3:8

Lɔ ɔ he ɔ, i kple si kɛ ba, konɛ ma ba kpɔ mɛ kɛ je Egipt bi ɔmɛ a dɛ mi, nɛ ma je mɛ kɛ je zugba nɛ ɔ nɔ kɛ ya zugba kpakpa nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.

Nehemia 9:8

O na kaa e ye mo anɔkuale, lɔ ɔ he ɔ, o kɛ lɛ so. O wo lɛ si ke o maa ngɔ Kanaan, Hit, Amon, Periz, Yebus, kɛ Girgash bi ɔmɛ a zugba a kɛ ha e nina. O ye o siwo ɔ nɔ, ejakaa o yeɔ anɔkuale.

Yoshua 9:1

Kunimihi nɛ Israel bi ɔmɛ ye ɔ, ha a he sanehi gbɛ fĩa zugba a tsuo kulaa nɔ kɛ ya su ma amɛ nɛ ngɛ Yordan pa a se, ngɛ bonyoku je, ngɛ yoku ɔmɛ a nɔ, kɔ̃ ɔmɛ a mi, Mediterenia wo ɔ nya tsuo, kɛ Lebanon ngɛ omleyi je. Matsɛmɛ nɛ ngɛ zugba a nɔ ji Hit bi, Amor bi, Kanaan bi, Periz bi, Hiv bi, kɛ Yebus bi a matsɛmɛ ɔmɛ.

Mose V, 7:1

“Yawɛ, nyɛ Mawu ɔ maa ngɔ nyɛ kɛ ya su zugba a nɛ nyɛ yaa ngɔ ɔ nɔ, nɛ e maa fie je mahi babauu kɛ je zugba a nɔ ha nyɛ. Je ma kpaago nɛ a he hiɛ, nɛ a he wa kulaa pe nyɛ Yawɛ maa fie ngɛ nyɛ blɔ ɔ nɔ: Hit bi, Girgash bi, Amor bi, Kanaan bi, Periz bi, Hiv bi, kɛ Yebus bi.

Mose II, 3:17

nɛ i ngɛ si woe kaa ma je nyɛ kɛ je Egipt nɔ́ nami ɔ mi, kɛ ya zugba nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.’

Mose I, 13:7

Enɛ ɔ he je ɔ, pɛ ba sɛ Abram lohwe nɔ hyɛli ɔmɛ kɛ Lot lohwe nɔ hyɛli ɔmɛ a kpɛti. Jamɛ a be ɔ mi ɔ, Kanaan bi ɔmɛ, kɛ Periz bi ɔmɛ ngɛ zugba a nɔ kɛ mwɔɔ.

Yoshua 11:3

Jehanɛ, e tsɔ ya de Kanaan bi ɔmɛ nɛ ngɛ Yordan pa a kpo he hiɛ kɛ hiɛ, kɛ Amor bi ɔmɛ, Hit bi ɔmɛ, Periz bi ɔmɛ, Yebus bi ɔmɛ nɛ a ngɛ yo ɔmɛ a nɔ ɔ, kɛ Hiv bi ɔmɛ nɛ ngɛ Hermon yo ɔ sisi ngɛ Mizpa zugba a nɔ ɔ.

Mose II, 34:16

Jehanɛ hu, nyɛ ma ya ngɔ a biyi ɔmɛ ekomɛ ba ha nyɛ binyumu ɔmɛ. Nɛ ke a biyi ɔmɛ ngɛ a mawu ɔmɛ jae ɔ, a maa gbla nyɛ binyumu ɔmɛ kɛ ya piɛ a he kɛ ja a mawu ɔmɛ.

Mose IV, 13:29

Amalek bi ngɛ zugba a leneyi je; Hit bi, Yebus bi, kɛ Amor bi ngɛ yoku ɔmɛ a nɔ, nɛ Kanaan bi ngɛ wo ɔ nya, kɛ Yordan pa a he.”

Manyadali 1:4

Benɛ Yuda bi ɔmɛ hia nɛ a gba ta a, Yawɛ ngɔ Kanaan bi ɔmɛ, kɛ Periz bi ɔmɛ ngɔ wo a dɛ mi, nɛ a gbe a kpɛti nihi akpe nyɔngma ngɛ Bezek.

Manyadali 1:5

A ya na Adonibezek ngɛ Bezek, nɛ a kɛ lɛ hwu ta.

Matsɛmɛ I, 9:20

Benɛ Israel bi ɔmɛ ya ngɔ Kanaan zugba a, Kanaan bi nɛ piɛ ngɛ lejɛ ɔ nɛ Israel bi ɔmɛ gbi mɛ ɔ, mɛ ji nihi nɛ Matsɛ Salomo nyɛ a nɔ kɛ tsu nyɔguɛ ní tsumi kpakpataa nɛ ɔmɛ ɔ. Mɛ ji Amor bi, Hit bi, Periz bi, Hiv bi, kɛ Yebus bi nɛ a nina ngɛ nyɔguɛ yee we kɛ ba si mwɔnɛ ligbi nɛ ɔ.