Manyadali 3:4 - BAIBLO ALOO NGMAMI KLƆUKLƆU Ɔ

⁴ A si mɛ, bɔ nɛ pee nɛ a ngɔ mɛ kɛ ka Israel, nɛ a hyɛ kaa a maa ye Yawɛ mlaa amɛ nɛ e wo a nɛmɛ ɔmɛ kɛ gu Mose nɔ ɔ a nɔ lo.

Manyadali 3:4 ပူးပေါင်းရင်းမြစ်များ

Mose II, 15:25

Mose kɛ hɛdɔ tsɛ Yawɛ, nɛ Yawɛ tsɔɔ lɛ tso ko. Mose sake tso ɔ ngɔ fɔ nyu ɔ mi, kɛkɛ nɛ nyu ɔ jɔ. Lejɛ ɔ nɛ Yawɛ wo mɛ mlaa ngɛ, nɛ lejɛ ɔ nɛ e ka mɛ ngɛ.

1 Korintobi 11:19

Niinɛ, e he hia kaa mi gbami ko kɛ̃ nɛ hi nyɛ kpɛti, konɛ a na Kristo se nyɛɛli kpakpa amɛ paa.

Mose V, 33:8

Jehanɛ, Mose gbaa Levi wɛtso ɔ hulɔ ke, “Yawɛ, mo je o suɔmi kpo kɛ gu Tumim kɛ Urim a nɔ. Ní nɛ ɔmɛ ji níhi nɛ Levi bi ɔmɛ, nɛ ji sɔmɔli nɛ yeɔ mo anɔkuale ɔ kɛ biɔ mo gbi ɔ nɛ. O ka Levi wɛtso ɔ ngɛ Masa, nɛ o kɛ mɛ pɛ ngɛ Meriba pa a nya.

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

Manyadali 2:22

Ma ngɔ mɛ kɛ ka Israel nɛ ma hyɛ kaa a maa nyɛɛ ye blɔ ɔmɛ a nɔ kaa bɔ nɛ a nɛmɛ ɔmɛ pee ɔ, loo a be ja pee.”

Manyadali 3:1

Yawɛ si je ma komɛ, konɛ e ngɔ mɛ kɛ ka Israel bi nɛ a hwui ta hyɛ ngɛ Kanaan ɔ.