Manyadali 3:29 - BAIBLO ALOO NGMAMI KLƆUKLƆU Ɔ

²⁹ Jamɛ a ligbi ɔ, a gbe Moab bi a ta buli kpanakpanaa, kɛ katsɛmɛ maa pee akpe nyɔngma; nɔ kake ngmelu po ji mi.

Manyadali 3:29 ပူးပေါင်းရင်းမြစ်များ

La 17:10

Mɔbɔ nami ko be a mi; he nɔ womi munyuhi lɛ jeɔ a nya.

Manyadali 3:17

nɛ e ngɔ nike ní ɔmɛ kɛ ya ha Moab matsɛ, Eglon. Eglon ɔ, nɔmlɔ nɛ wo lo saminya ji lɛ.

Mose V, 32:15

“Yawɛ ma a na ní kpɔtɔɔ; kɛkɛ nɛ a tsɔ atuã; a ye ní kpakpa nɛ a tɔ saminya. Se a je Mawu nɛ ji a bɔlɔ ɔ he, nɛ a kua a yi wami helɔ nɛ se be ɔ.

Mose V, 3:18

“Jamɛ a be ɔ mi nɔuu ɔ, i fa nyɛ ke, ‘Yawɛ, nyɛ Mawu ɔ ngɔ zugba nɛ ɔ ngɔ ha nyɛ kaa nyɛ weto ní. Nyɛ nihi nɛ nyɛ su ta yami ɔ, nyɛɛ mia kɛ ta hwumi ní kɛ nyɛɛ nyɛ nyɛmimɛ Israel wɛtso kpa amɛ a hɛ mi kɛ ya po Yordan pa a, nɛ nyɛɛ piɛ a he nɛ ngɔ a zugba a.

Manyadali 3:28

E de mɛ ke, “Nyɛɛ nyɛɛ ye se! Yawɛ ngɔ nyɛ he nyɛli, Moab bi ɔmɛ kɛ wo nyɛ dɛ mi.” Nɛ a nyɛɛ e se kɛ ya ngɔ he nɛ a poo Yordan pa a ngɛ kɛ yaa Moab ɔ; a ha we nɛ nɔ ko nɔ ko nɛ po pa a.

Manyadali 3:30

Israel ye Moab nɔ kunimi jamɛ a ligbi ɔ. Nɛ zugba a nɔ jɔ jeha nyingmi kpaanyɔ.