Manyadali 3:27 - BAIBLO ALOO NGMAMI KLƆUKLƆU Ɔ

²⁷ Benɛ e ya su Efraim yo ɔmɛ a nɔ ɔ, e kpa titimati, nɛ e nyɛɛ Israel bi ɔmɛ a hɛ mi kɛ kple yoku ɔ.

Manyadali 3:27 ပူးပေါင်းရင်းမြစ်များ

Samuel I, 13:3

Yonatan ya gbe Filisti bi a nyatsɛ ɔ nɛ ngɛ Geba a, nɛ Filisti bi ɔmɛ tsuo nu he. Kɛkɛ nɛ Saul ha nɛ a kpa titimati kɛ kpa zugba a nɔ tsuo kɛ tsɛ Hebri bi ɔmɛ kɛ ha ta hwumi.

Manyadali 6:34

Kɛkɛ nɛ Yawɛ mumi ɔ ba Gideon nɔ, nɛ e kpa titimati kɛ tsɛ Abiezer bi ɔmɛ ke a ba piɛ e he.

Matsɛmɛ II, 9:13

Amlɔ nɔuu ɔ, Yehu nyɛmimɛ asafoatsɛmɛ ɔmɛ je a he tade ɔmɛ, nɛ a kɛ ha kpoku ɔ nɔ ha lɛ nɛ e da nɔ. A kpa titimati nɛ a de ke, “Yehu ji matsɛ!”

Samuel II, 20:22

Kɛkɛ nɛ yo ɔ ho nɛ e ya wo ma mi bi ɔmɛ ga; nɛ a po Sheba yi nɛ a fɔ ngɔ mane Yoab. Yoab kpa titimati, nɛ e we bi ɔmɛ gbɛ kɛ je ma a he; nɛ nɔ tsuaa nɔ ho e ma mi ya. Yoab kpale kɛ ba matsɛ ɔ ngɔ ngɛ Yerusalem.

Manyadali 19:1

Jamɛ a be ɔ mi nɛ Israel na we matsɛ lolo ɔ, Levi no ko ya to nubwɔ ngɛ Efraim yo ɔmɛ a nɔ tsitsaa lokoo; nɛ e ya su yo ko ngɛ Betlehem Yuda.

Manyadali 17:1

Nyumu ko nɛ a tsɛɛ lɛ Mika a hi Efraim yo ɔmɛ a nɔ be ko.

Manyadali 7:24

Gideon tsɔ nihi kɛ ho Efraim yoku ɔmɛ a nɔ tsuo ya, nɛ a ya de ke, “Nyɛ kple si nɛ nyɛɛ kɛ Midian bi ɔmɛ ba hwu ta. Nyɛɛ tsi mɛ blɔ ngɛ Yordan pa pomi he ɔmɛ hluu kɛ yaa si Betbara kɛ Yordan pa a nya!” A ya kpee Efraim nyumu ɔmɛ tsuo kɛ ba, nɛ a ba ngɔ Yordan pa a, kɛ pa tsɔwi ɔmɛ kɛ ya si Betbara.

Manyadali 5:14

A je Efraim kɛ ba kɔ̃ ɔ mi. A nyɛɛ mo Benyamin, kɛ o ma mi bi ɔmɛ a se. Tatsɛmɛ je Makir kɛ ba, nɛ tatsɛ tso hɛɛli hu je Zebulun kɛ ba.

Yoshua 17:18

Yo nɔ zugba a maa pee nyɛ nɔ́. Akɛnɛ hue ngɛ lejɛ ɔ he je ɔ, nyɛɛ gba hue ɔ, nɛ nyɛɛ ngɔ, kɛ zugba nɛ tsa nɔ kɛ yaa a tsuo. E ngɛ mi kaa Kanaan bi ɔmɛ ngɛ dade ta zugba lɛhi nɛ a he wa mohu, se nyɛ maa fie mɛ kɛ̃.”

Yoshua 17:15

Yoshua he nɔ ke, “Ke nyɛ he hiɛ babauu nɛ Efraim yo ɔ nɔ be nyɛ kpee ɔ, nyɛ ya gba hue ɔ ngɛ Periz bi ɔmɛ, kɛ Refaim bi ɔmɛ a zugba a nɔ, nɛ nyɛɛ hi lejɛ ɔ.”

Manyadali 3:26

Benɛ matsɛ ɔ tsɔli ɔmɛ ngɛ mlɛe ɔ, Ehud je momo; e ya be ngɛ he nɛ amaga amɛ ngɛ ɔ, nɛ e tsa nɔ kɛ ho Seira ya.

Manyadali 10:1

Abimelek gbenɔ se ɔ, Pua binyumu Tola, Dodo bibi ɔ ba he Israel yi wami. Tola je Isakar wɛtso ɔ mi, nɛ e hi Shamir ngɛ Efraim yo ɔmɛ a nɔ.

Nehemia 4:14

Jehanɛ, i na kaa ni ɔmɛ hao; lɔ ɔ he ɔ, i de ma nimeli ɔmɛ, ma ní tsuli ɔmɛ, kɛ ma a tsuo ke, “Nyɛ ko ye wa he nyɛli ɔmɛ gbeye. Nyɛ kai kaa Nyɔmtsɛ ɔ kle, nɛ e he ngɛ gbeye, konɛ nyɛɛ hwu ha nyɛ nyɛmimɛ ɔmɛ, nyɛ bimɛ ɔmɛ, nyɛ yi ɔmɛ, kɛ nyɛ we ɔmɛ.”