Manyadali 3:19 - BAIBLO ALOO NGMAMI KLƆUKLƆU Ɔ

¹⁹ Se lɛ nitsɛ lɛɛ benɛ e su amaga amɛ a he ngɛ Gilgal ɔ, e kpale e se kɛ ba Eglon ngɔ, nɛ e ba de lɛ ke, “Nɛnɛ, i ngɛ laami sane ko nɛ ma de mo.” Matsɛ ɔ fa ke lejɛ ɔ nɛ e jɔ dii; kɛkɛ nɛ e tsɔli ɔmɛ tsuo je lejɛ ɔ.

Manyadali 3:19 ပူးပေါင်းရင်းမြစ်များ

Yoshua 4:20

Yoshua ngɔ tɛ nyɔngma kɛ enyɔ ɔmɛ nɛ a tloo kɛ je Yordan pa a mi ɔ ngɔ ma si ngɛ lejɛ ɔ.

Manyadali 3:20

Jehanɛ, benɛ lɛ matsɛ ɔ nɔ kake too e hii si ngɛ e hiɔwe tsu nɛ e mi jɔ ɔ mi ɔ, Ehud ba e ngɔ nɛ e ba de lɛ ke, “I hɛɛ sɛ ko kɛ je Mawu ngɔ kɛ ma mo hami.” Matsɛ ɔ te si pam!

Mose I, 45:1

Jehanɛ lɛɛ Yosef nyɛ we nɛ e mia e hɛ mi hu ngɛ e tsɔli ɔmɛ nɛ daa si ɔ a hɛ mi. Lɔ ɔ he ɔ, e fa mɛ ke mɛ tsuo a je tsu ɔ mi. Benɛ tsɔli ɔmɛ tsuo je lejɛ ɔ, Yosef je e he si ngɔ tsɔɔ e nyɛmimɛ ɔmɛ.

Manyadali 3:18

Benɛ Ehud ngɔ nike ní ɔmɛ kɛ ya ha lɛ se ɔ, e wo nihi nɛ tloo nike ní ɔmɛ kɛ ya a blɔ.

Samuel II, 13:9

Lɔ ɔ se ɔ, e plɛ tatale ɔ ngɛ nisi kã a mi, nɛ e ngɔ kɛ ya ma Amnon hɛ mi; se e kua yemi. Amnon de ke, “Nɔ tsuaa nɔ nɛ e je hiɛ ɔ!” Nɛ ni ɔmɛ tsuo je lejɛ ɔ.

La 78:58

A kɛ a jami he ɔmɛ wo e mi mi la, nɛ a we amaga amɛ ha nɛ e pee kaa hunga jelɔ.