Manyadali 21:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, ma kpekpemi ɔ tsɔ a katsɛmɛ kpanakpanaa akpe nyɔngma kɛ enuɔ, nɛ a fa mɛ ke, “Nyɛɛ ya nɛ nyɛ ya gbe Yabesh Gilead bi ɔmɛ tsuo kɛ klaate, nyumuhi, yihi, kɛ jokuɛwi.

Manyadali 21:10 ပူးပေါင်းရင်းမြစ်များ

Samuel I, 11:7

E nu na enyɔ nɛ e poo a mi kpɔ nya kpɔ nya, nɛ e ngɔ ha tsɔli ke a ya kpa Israel ma amɛ tsuo a mi nɛ a de ke, “Nɔ nɛ be bae nɛ e ba nyɛɛ Saul kɛ Samuel a se ɔ, jamɛatsɛ ɔ, bɔ nɛ a maa pee e nahi ji nɛ ɔ nɛ!” Yawɛ ha sawale nu ma a, nɛ mɛ tsuo kulaa a je kpo kɛ ba; e píɛ nɔ ko.

Manyadali 21:5

Israel bi ɔmɛ bi ke, “Anɛ Israel wɛtso ɔmɛ ekomɛ ngɛ nɛ mɛɛ a bɛ gua a mi ngɛ Yawɛ hɛ mi lo?” A ka kita agbo ke, nɔ tsuaa nɔ nɛ bɛ Yawɛ hɛ mi ngɛ Mizpa a, a gbe lɛ.

Manyadali 5:23

Yawɛ bɔfo ɔ de ke, “Nyɛɛ gbiɛ Meroz; nyɛɛ gbiɛ ma mi bi ɔmɛ wawɛɛ! Ejakaa a bɛ nɛ a ba piɛ Yawɛ he benɛ e kɛ he nyɛli ɔmɛ ngɛ hwue ɔ.”

Samuel I, 15:3

Yaa nɛ o ya tua Amalek bi ɔmɛ, nɛ o kpata a nɔ́ tsuaa nɔ́ hɛ mi. Ko si nɔ́ ko nɔ́ ko; se mohu o gbe nyumuhi kɛ yihi, jokuɛwi kɛ bimwɔwi, nahi kɛ tohi, kɛ afukpɔngɔhi kɛ tejihi tsuo pɛpɛɛpɛ.”

Yoshua 7:24

Kɛkɛ nɛ Yoshua kɛ Israel bi ɔmɛ tsuo nu Akan, Zera bi ɔ, e binyumu ɔmɛ, e biyi ɔmɛ, kɛ e we mi lohwe ɔmɛ tsuo: na, teji, kɛ to. Jehanɛ, a muɔ e bo tsu ɔ, kɛ musu ní ɔmɛ nɛ ji sika hiɔ ɔ, bo ɔ, sika tsu kpɔ kake ɔ, kɛ e nɔ́ tsuaa nɔ́. A kɛ nimli ɔmɛ, lohwe ɔmɛ, kɛ ní ɔmɛ tsuo ho Haomi Kɔ̃ ɔ mi ya.

Mose V, 13:15

lɛɛ nyɛɛ gbe jamɛ a ma a mi bi ɔmɛ tsuo, kɛ a lohwe ɔmɛ tsuo. Nyɛɛ ngɔ klaate kɛ kpata ma a hɛ mi pɛsɛpɛsɛ.

Mose IV, 31:17

Lɔ ɔ he ɔ, nyɛɛ gbe nyumuyo tsuaa nyumuyo, kɛ yo tsuaa yo nɛ le nyumu.

Manyadali 21:8

Benɛ a bi si ke Israel wɛtso ɔmɛ a ti mɛnɔ yɛ Yawɛ hɛ mi ngɛ Mizpa a, a na kaa nɔ ko nɔ ko ji Yabesh Gilead kɛ yɛ kpe ɔ,

Manyadali 21:9

ejakaa benɛ a kane ma a, a na kaa Yabesh Gilead bi ɔmɛ a ti nɔ ko nɔ ko be lejɛ ɔ.