Manyadali 20:7 - BAIBLO ALOO NGMAMI KLƆUKLƆU Ɔ

⁷ Ye nyɛmimɛ Israel bi, kɛ nyɛ susu kɛɛ? Mɛni wa ngɛ pee ngɛ nɔ́ nɛ ɔ he?”

Manyadali 20:7 ပူးပေါင်းရင်းမြစ်များ

Manyadali 19:30

Nɔ tsuaa nɔ nɛ na nɔ́ nɛ ɔ de ke, “Kɛ je ligbi ɔ nɛ Israel bi ɔmɛ je Egipt zugba a nɔ hluu kɛ ba si mwɔnɛ ligbi nɛ ɔ, nɔ́ nɛ ɔ eko bɛ hyɛ; nɛ a nɛ eko hu hyɛ. Nyɛ susu he; nyɛɛ wo he ga, nɛ nyɛ de nɔ́ ko!”

Yakobo 1:5

Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.

1 Korintobi 5:6

E sɛ kaa nyɛ woɔ nyɛ he nɔ. Blema abɛ ɔ nɛ deɔ ke, “Masa bɔbɔyoo haa nɛ ma a tsuo fuɔ” ɔ, tse nyɛ le?

1 Korintobi 5:1

A ngɛ dee ke yo kɛ nyumu yakayaka fiɛmi sanehi ngɛ asafo ɔ mi. Nɔ́ nɛ ba nɛ ɔ, wɔ jali tete po pee we. I nu kaa nɔ ko kɛ lɛ nitsɛ e tsɛ yo ngɛ si hwɔe.

Abɛ Womi 24:6

E sa kaa o toɔ ga saminya loko o yaa ta. Ke o ngɛ ga woli babauu ɔ, o yeɔ kunimi.

Abɛ Womi 20:18

Ke o maa pee nɔ́ ko ɔ, bi ga womi, kɛkɛ e maa hi ha mo. Too ga kpakpa loko o ya hwu ta.

Yoshua 9:14

Israel bi ɔmɛ bi we Yawɛ ga womi kulaa, kɛkɛ nɛ a he ni ɔmɛ a dɛ mi niye ní ɔ.

Mose V, 4:6

Nyɛɛ ye a nɔ pɛpɛɛpɛ, konɛ ma amɛ tsuo nɛ maa nu blɔ nya tomi nɛ ɔmɛ tsuo a he ɔ, a de ke, ‘Niinɛ, ma kpetekpleenyɛ nɛ le ní, nɛ ngɛ juɛmi saminya ji nɛ ɔ nɛ!’

Manyadali 20:8

Kɛkɛ nɛ ma a tsuo te da si nɛ a de ke, “Wa ti nɔ ko nɔ ko be e se kpalee kɛ ya e bo tsu, loo e we mi.