Manyadali 20:6 - BAIBLO ALOO NGMAMI KLƆUKLƆU Ɔ

⁶ Benɛ ye plã a gbo ɔ, i poo e mi kpɔ nya kpɔ nya, nɛ i tsɔ kɛ ya ha Israel wɛtso nyɔngma kɛ enyɔ ɔmɛ tsuo kakaaka; ejakaa nimli nɛ ɔmɛ bɔ musu, nɛ a tsu zo ní ngɛ Israel.

Manyadali 20:6 ပူးပေါင်းရင်းမြစ်များ

Manyadali 19:29

Benɛ e ya su e we ɔ mi ɔ, e ngɔ ha nɛ e poo e plã a mi kpɔ nya kpɔ nya nyɔngma kɛ enyɔ, nɛ e tsɔ nɛ a kɛ ya ha Israel wɛtso nyɔngma kɛ enyɔ ɔmɛ tsuo kakaaka.

Manyadali 19:23

Se wetsɛ ɔ je kpo kɛ ya na mɛ, nɛ e de mɛ ke, “Dɛbi! Ye nyɛmimɛ, nyɛ ko pee yayami ko nɛ ngɛ kaa kikɛ nɛ ɔ! Nyumu nɛ ɔ, ye nubwɔ ji lɛ; nyɛ ko tsu kikɛmɛ a zo ní nɛ ɔ!

Yoshua 7:15

Nɔ nɛ a maa na musu ní ɔmɛ ngɛ e dɛ ɔ, a kɛ la maa sã lɛ, kɛ e weku li, kɛ e nɔ́ tsuaa nɔ́. Ejakaa e tsu zo ní ngɛ Israel, nɛ imi Yawɛ, ye somi ɔ hu e yi nɔ.”

Mose I, 34:7

Jamɛ a be ɔ mi nɔuu ɔ, Yakob binyumu ɔmɛ hu je nga nɔ kɛ ba. Benɛ a nu sane nɛ ba a, a mi mi fu wawɛɛ nitsɛ kaa Shekem tsu zo ní kaa kikɛ nɛ ɔ ngɛ Israel; kaa e nu Yakob biyo pani nya, nɛ e kɛ lɛ hwɔ. Nɔ́ nɛ Shekem pee nɛ ɔ, a hiɔ̃.

Manyadali 20:10

Wa maa hla nyumuhi nyɔngma ngɛ nyumuhi lafa mi kɛ maa je Israel wɛtso ɔmɛ tsuo a mi; nyumuhi lafa ngɛ nyumuhi akpe mi, kɛ nyumuhi akpe ngɛ nyumuhi akpe nyɔngma mi. Nimli nɛ ɔmɛ ma ya hla niye ní kɛ ba, nɛ ma a nɛ piɛ ɔ, kɛ Gibea Benyamin bi ɔmɛ ma ya to ní saminya ngɛ zo ní nɛ a tsu ngɛ Israel ɔ he.”

Mose III, 18:24

“Je ma amɛ nɛ i ngɛ fiee kɛ ngɛ nyɛ blɔ mi jee ɔ, níhi nɛ a pee nɛ a kɛ ble a he,

Mose III, 18:30

Yawɛ de kɛ gbe nya ke, “Lɔ ɔ he ɔ, nyɛɛ ye ye mlaa amɛ a nɔ. Musu bɔmi níhi nɛ ni nɛmɛ nɛ hi zugba a nɔ kekle ɔ pee ɔ, nyɛ ko pee nɛ nyɛ ba ble nyɛ he. Imi ji Yawɛ, nyɛ Mawu ɔ nɛ.”

Manyadali 19:22

Benɛ a bua jɔ a he ɔ, yakayaka nyumu komɛ nɛ ngɛ ma a mi ɔ ba bɔle we ɔ kɛ kpe. A si sinya a kɛ he wami, nɛ a de nɔmoyo ɔ nɛ ji wetsɛ ɔ ke, “Nyumu ɔ nɛ ba o we ɔ mi ɔ, je lɛ ha wɔ nɛ waa kɛ lɛ nɛ hwɔ.”