Manyadali 20:41 - BAIBLO ALOO NGMAMI KLƆUKLƆU Ɔ

⁴¹ Israel bi ɔmɛ hu plɛ a se, kɛkɛ nɛ sawale nu Benyamin bi ɔmɛ; ejakaa a na kaa sane ye mɛ.

Manyadali 20:41 ပူးပေါင်းရင်းမြစ်များ

2 Petro 2:12

Se kikɛmɛ a nimli nɛ ɔmɛ ngɛ kaa pu mi lohwehi; a be juɛmi. A bɔ mɛ nɛ a nuu mɛ nɛ a gbe kɛkɛ; nɔ́ ko nɛ a nui sisi ɔ, a tuɔ he munyu yaya. A ma kpata a hɛ mi kaa pu mi lohwehi,

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Luka 21:26

Níhi nɛ ma je ɔ mi ɔ maa wo nihi a he gbeye, nɛ a maa hɛli, ejakaa he wamihi nɛ ngɛ hiɔwe ɔ, a maa fie mɛ kɛ je a blɔ hehi.

Yesaya 33:14

Yayami peeli nɛ ngɛ Zion ɔ nu sawale, nɛ a he ngɛ doe blibliibli. Nɔ́ nɛ a ngɛ a he bie ji, “La nɛ ngɛ ní puɛe nɛ ɔ, wa ti mɛnɔ ma nyɛ nya maa da? La nɛ ngɛ tsoe nɛ gbo we gblegbleegble nɛ ɔ nɛ, wa ti mɛnɔ ma nyɛ nya maa da?”

Abɛ Womi 5:22

Yiwutsotsɛ ɔ, lɛ nitsɛ e he yayamihi nɔuu lɛ maa du lɛ klama; e he yayami kpa amɛ nɔuu a kɛ maa fi lɛ.

Abɛ Womi 11:5

Nɔ nɛ pee we nɔ́ ko nɛ dɛ ɔ, anɔkuale nɛ e yeɔ he je ɔ, e je mi si himi daa lɛ. Se yiwutsotsɛ lɛɛ lɛ nitsɛ e ní yayamihi lɛ ma kpata e hɛ mi.

Abɛ Womi 11:6

Nɔ nɛ peeɔ nɔ nɛ da a, anɔkuale nɛ e yeɔ ɔ, jeɔ lɛ kɛ jeɔ níhi a mi. Se nihi nɛ yi anɔkuale ɔ, mɛ nitsɛmɛ a jiklɔɔ lɛ kpataa a hɛ mi.

Abɛ Womi 29:6

Nɔmlɔ yaya a, lɛ nitsɛ e ní yayamihi lɛ peeɔ klama ha lɛ nɛ e duɔ; se nɔ nɛ peeɔ nɔ́ nɛ da a, lɛɛ pe e laa, nɛ e nyaa.

Yoshua 8:20

Benɛ Ai bi ɔmɛ hyɛ a se ɔ, ne la su ku nɛ ngɛ jee ngɛ ma a mi kɛ yaa hiɔwe. A nɛ he nɛ a maa ma fo kɛ gu. Ejakaa Israel bi ɔmɛ nɛ ngɛ fo tue kɛ gu nga a nɔ blɔ ɔ plɛ a hɛ mi kɛ kpee mɛ jehanɛ.