Manyadali 20:34 - BAIBLO ALOO NGMAMI KLƆUKLƆU Ɔ

³⁴ Ta buli akpe nyɔngma amɛ nɛ a je blɔ hla kɛ je Israel tsuo ɔ, ya tua Gibea ma a. Ta a mi wa wawɛɛ nitsɛ, se Benyamin bi ɔmɛ lɛɛ a li tete kaa a hɛ mi kpatami be ɔ su ta.

Manyadali 20:34 ပူးပေါင်းရင်းမြစ်များ

Yoshua 8:14

Benɛ Ai matsɛ ɔ na Yoshua ta a, e kɛ e ta buli ɔmɛ tsuo te si mɔtu kpla nɛ a ya tua Israel bi ɔmɛ ngɛ Yordan kɔ̃ ɔ mi, he nɛ a kɛ mɛ kpe ngɛ kekle ɔ. Se matsɛ ɔ li tete kaa a wo lɛ ka ngɛ ma a se je.

Yesaya 47:11

Lɔ ɔ he ɔ, haomi maa ba o nɔ, nɛ o be nya nyɛe maa da. Oslaa ma ba na mo, se o be e nya nyɛe maa tsi. O hɛ mi ma kpata tlukaa be nɛ o li o he be.

Hiob 21:13

A yeɔ a be ɔ ngɛ kplɔkɔtɔ mi, nɛ a gboɔ ngɛ tue mi jɔmi mi.

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Luka 21:34

“Nyɛɛ hyɛ nɛ hi nɛ nyɛ ko ya di ní yemi, kɛ ní numi, kɛ je nɛ ɔ mi níhi nɛ ngɔɔ nɔ nya a a se tsɔ. Ke pi ja a, jamɛ a ligbi ɔ ma ba ti nyɛ si tlukaa

Mateo 24:44

Lɔ ɔ he ɔ, nyɛ hu nyɛ dla nyɛ he kɛ to; ejakaa Nɔmlɔ Bi ɔ maa ba tlukaa be mi nɛ nyɛ hɛ be nɔ.

Fiɛlɔ 9:12

Nɔmlɔ adesa li e be. Be yayami ba naa nɔ tlukaa kaa bɔ nɛ lo duɔ ya, aloo kaa bɔ nɛ lohwe pɛlitsɛ duɔ klama a.

Abɛ Womi 29:6

Nɔmlɔ yaya a, lɛ nitsɛ e ní yayamihi lɛ peeɔ klama ha lɛ nɛ e duɔ; se nɔ nɛ peeɔ nɔ́ nɛ da a, lɛɛ pe e laa, nɛ e nyaa.

Abɛ Womi 4:19

Yayami peeli lɛɛ a blɔ nɔ woɔ diblii kpii kaa nyɔ mi. A tɛɔ nɔ́ nɛ a nɔɔ si, se a li nɔ́ nɛ ji.

Manyadali 20:35

Yawɛ ha Israel ye Benyamin nɔ, nɛ jamɛ a ligbi ɔ, Israel bi ɔmɛ kpata Benyamin ta buli akpe nyingmi enyɔ kɛ enuɔ kɛ e nya lafa a hɛ mi;