Manyadali 20:26 - BAIBLO ALOO NGMAMI KLƆUKLƆU Ɔ

²⁶ Kɛkɛ nɛ Israel tabo ɔ, kɛ ma a tsuo pue nɔ kɛ ho Betel ya, nɛ a ya wo yana. A ya hi si ngɛ Yawɛ hɛ mi, nɛ a ha hwɔ jamɛ a ligbi ɔ kɛ ya si gbɔkuɛ. A sã sami bɔhi, kɛ tue mi jɔmi bɔhi ngɛ Yawɛ hɛ mi;

Manyadali 20:26 ပူးပေါင်းရင်းမြစ်များ

Ezra 8:21

Benɛ wa ngɛ Ahava pa a nya a, i fa ke nɔ tsuaa nɔ nɛ ha hwɔ, nɛ́ wɔ tsuo waa ba wa he si ngɛ wa Mawu ɔ hɛ mi, konɛ waa fa kue ha lɛ ke e fia blɔ mi tso ha wɔ, nɛ́ e baa wɔ, wa bimɛ, kɛ wa weto ní tsuo yi.

Manyadali 20:18

Israel bi ɔmɛ pue nɔ kɛ ho Betel ya, nɛ a ya bi Mawu ga womi ke, “Wa ti mɛnɔmɛ maa nyɛɛ tabo ɔ hɛ mi kɛ ya tua Benyamin bi ɔmɛ?” Nɛ Yawɛ de mɛ ke, “Yuda wɛtso ɔ maa hia kekle.”

Yoel 1:14

Nyɛɛ wo mlaa nɛ ma a tsuo nɛ ha hwɔ; nɛ a ba bua a he nya. Nyɛ bua Yuda ma nimeli ɔmɛ, kɛ ma a tsuo a nya ngɛ Yawɛ, nyɛ Mawu ɔ we ɔ nɛ nyɛɛ fa kue ha lɛ.

Kronika II, 20:3

Yehoshafat tsui po, nɛ e fa kue ha Yawɛ, nɛ e bi lɛ ga womi. Yehoshafat ha nɛ a fiɛ ke nɔ tsuaa nɔ nɛ ha hwɔ ngɛ Yuda zugba a nɔ tsuo.

Samuel I, 7:6

Lɔ ɔ he ɔ, ma a tsuo ba bua a he nya ngɛ Mizpa. A yɛ nyu kɛ pue si ngɛ Yawɛ hɛ mi, nɛ a ha hwɔ jamɛ a ligbi ɔ tsuo, nɛ a de ke, “Wa pee yayami kɛ si Yawɛ.” Mizpa ji he nɛ Samuel hyɛɛ Israel bi ɔmɛ a kpɛti sanehi a mi haa mɛ ngɛ.

Manyadali 20:25

Benyamin bi ɔmɛ je Gibea ma a mi ekohu ba na Israel bi ɔmɛ, nɛ a gbe Israel ta buli akpe nyɔngma kɛ kpaanyɔ.

Manyadali 21:2

Kɛkɛ nɛ ma a ba Betel nɛ a ba hi si ngɛ Mawu hɛ mi ngɛ lejɛ ɔ kɛ ya si gbɔkuɛ. A wo yana boboobo, nɛ a bi ke,

Samuel I, 11:4

Tsɔli ɔmɛ ba su Gibea, he nɛ Saul ngɛ ɔ. Benɛ a bɔ ma a amaniɛ ɔ, ma a wo yana yuuyuuyuu.

Yeremia 36:9

Yuda matsɛ, Yehoyakim, Yosia bi ɔ yi nɔ jeha nɛ ji enuɔ ɔ we nyɔhiɔ nɛɛne ɔ mi ɔ, Yerusalem ma mi bi ɔmɛ tsuo, kɛ nihi nɛ je Yuda ma amɛ tsuo a mi kɛ ba Yerusalem ɔ ha hwɔ ngɛ Yawɛ hɛ mi.

Mose I, 28:19

E wo lejɛ ɔ biɛ ke Betel, se sa a, a tsɛɛ ma nɛ ngɛ lejɛ ɔ ke Luz.

Yoshua 7:6

Kɛkɛ nɛ Yoshua kɛ Israel ma nimeli ɔmɛ kɛ aywilɛho hía a tade ɔmɛ ngɛ a he, nɛ a ya bu si ngɛ Yawɛ somi daka a hɛ mi kɛ a yi mi zu kɛ ye kɔmɔ kɛ ya si gbɔkuɛ.

Yoshua 24:1

Yoshua bua Israel wɛtso ɔmɛ a nya kɛ ba kpe ngɛ Shekem. E tsɛ ma nimeli ɔmɛ, asafoatsɛmɛ ɔmɛ, kojoli ɔmɛ, kɛ Israel tsɔli ɔmɛ kɛ ba Mawu hɛ mi.

Manyadali 21:4

E nɔ jena a, ma a te si makɛ mla nɛ a ma bɔ sami la tɛ ngɛ lejɛ ɔ, nɛ a sã sami bɔhi, kɛ tue mi jɔmi bɔhi.

Samuel II, 3:35

Ma a nyɛ David nɔ ligbi ɔ tsuo ke e ye nɔ́ ko. Se David ka kita nɛ e de ke, “Ke i wo ye nya mi nɔ́ ko loko pu nɔ si ɔ, Mawu nɛ fia mi nɔ́ nɛ e gbe!”