Manyadali 20:22 - BAIBLO ALOO NGMAMI KLƆUKLƆU Ɔ

^22-23 Kɛkɛ nɛ Israel bi ɔmɛ ho nɛ a ya wo yana ngɛ Yawɛ hɛ mi kɛ ya si gbɔkuɛ; nɛ a bi Yawɛ ke, “Anɛ waa ya nɛ waa kɛ wa nyɛmimɛ Benyamin bi ɔmɛ ya hwu ta ekohu lo?” Yawɛ he nɔ ke, “Ee, nyɛɛ ya nɛ nyɛɛ kɛ mɛ ya kpe!” Enɛ ɔ ha Israel bi ɔmɛ na he wami he. A wo za nɛ a gba ta ekohu ngɛ he nɛ a gba ta ngɛ kekleekle ligbi ɔ.

Manyadali 20:22 ပူးပေါင်းရင်းမြစ်များ

La 64:5

A peeɔ yi wu tso ní nɛ ɔmɛ ngɛ laami mi; a tsɔɔ klamahi babauu; a woɔ a sibi he wami, nɛ a deɔ ke, “Mɛnɔ maa na wɔ?”

Samuel II, 11:25

David de tsɔlɔ ɔ ke, “Yaa nɛ o ya wo Yoab he wami, nɛ o de lɛ ke e ko ha nɛ sane nɛ ɔ nɛ hao lɛ; ejakaa klaate ngɛ nɛ ɔ, e hlɛ nɔ mi nɛ e gbee. De lɛ ke e ngɔ e he wami tsuo kɛ tua ma a, nɛ e ngɔ ma a.”

Samuel I, 30:6

David hao wawɛɛ nitsɛ; ejakaa e we bi ɔmɛ a hɛ dɔ ngɛ a bimɛ ɔmɛ nɛ a be ɔ a he. Jehanɛ hu a de ke a maa fia lɛ tɛ. Se Yawɛ, David Mawu ɔ wo lɛ he wami.

Manyadali 20:17

Israel wɛtso kpa amɛ nɛ piɛ ɔ hu bua ta buli akpe lafa eywiɛ nya.

Manyadali 20:15

Benyamin bi nɛ je ma amɛ a mi kɛ ba nɛ a kane mɛ jamɛ a ligbi ɔ ji ta buli akpe nyingmi enyɔ kɛ ekpa; a je blɔ hla ta buli lafa kpaago hu kɛ je Gibea ma a nitsɛ mi.

Manyadali 20:21

Benyamin bi ɔmɛ je Gibea ma a mi ba na mɛ, nɛ a gbe Israel ta buli akpe nyingmi enyɔ kɛ enyɔ jamɛ a ligbi ɔ.