Manyadali 20:21 - BAIBLO ALOO NGMAMI KLƆUKLƆU Ɔ

²¹ Benyamin bi ɔmɛ je Gibea ma a mi ba na mɛ, nɛ a gbe Israel ta buli akpe nyingmi enyɔ kɛ enyɔ jamɛ a ligbi ɔ.

Manyadali 20:21 ပူးပေါင်းရင်းမြစ်များ

Manyadali 20:25

Benyamin bi ɔmɛ je Gibea ma a mi ekohu ba na Israel bi ɔmɛ, nɛ a gbe Israel ta buli akpe nyɔngma kɛ kpaanyɔ.

Hosea 10:9

Yawɛ ke, “Kɛ je be nɛ Israel pee yayami kɛ si mi ngɛ Gibea a, anɛ e sɛ kaa ta ba naa mɛ ngɛ Gibea lo?

Yeremia 12:1

Yawɛ, ke i ke i kɛ mo ma hla níhi a nya a, mo lɛ o nɔ́ da. Se kɛ̃ ɔ, i kɛ sane nɛ ɔ maa fɔ o hɛ mi. Mɛni he je lɛ nimli yayamihi yaa nɔ ɔ? Mɛni he je lɛ yiwutsotsɛmɛ a he mi jɔɔ mɛ ɔ?

La 77:19

O nyɛɛ kɛ gu wo ɔ mi; o po wo nɛ mi kuɔ ɔ kɛ be, se o nane mami he ɔmɛ lɛɛ nɔ ko nɔ ko li.

La 33:16

Pi ta buli babauu nɛ haa matsɛ yeɔ kunimi; ta bulɔ be nyɛe maa ngɔ e kã kɛ he lɛ nitsɛ e yi wami.

Kronika II, 28:10

Amlɔ nɛ ɔ, nyɛ to kaa nyɛ maa pee nyumuhi kɛ yihi nɛ ngɛ Yerusalem kɛ Yuda a nyɛ nyɔguɛhi. Anɛ nyɛ li kaa nyɛ hu nyɛ pee yayamihi kɛ si Yawɛ, nyɛ Mawu ɔ lo?

Mose V, 23:9

“Ke o hia ta nɛ o kɛ o he nyɛli yaa kpe ɔ, moo hyɛ saminya nɛ o ko pee nɔ́ ko nɛ ma ble mo.

Mose I, 49:27

“Benyamin ngɛ kaa ogbetee nɛ tsɔtslɔɔ e he nyɛli a mi. Mɔtu ɔ, e gbeɔ mɛ nɛ e yeɔ. Gbɔkuɛ ɔ, e dlaa ta yibu ní.”

Manyadali 20:20

A wo za, nɛ a gba ta kɛ wo Benyamin bi ɔmɛ a he ngɛ Gibea.

Manyadali 20:22

Kɛkɛ nɛ Israel bi ɔmɛ ho nɛ a ya wo yana ngɛ Yawɛ hɛ mi kɛ ya si gbɔkuɛ; nɛ a bi Yawɛ ke, “Anɛ waa ya nɛ waa kɛ wa nyɛmimɛ Benyamin bi ɔmɛ ya hwu ta ekohu lo?” Yawɛ he nɔ ke, “Ee, nyɛɛ ya nɛ nyɛɛ kɛ mɛ ya kpe!” Enɛ ɔ ha Israel bi ɔmɛ na he wami he. A wo za nɛ a gba ta ekohu ngɛ he nɛ a gba ta ngɛ kekleekle ligbi ɔ.

La 78:62

E mi mi fu lɛ nitsɛ e ma a wawɛɛ nitsɛ, nɛ e ngɔ mɛ ngɔ ha a he nyɛli nɛ a gbe mɛ kɛ klaate.