Manyadali 20:13 - BAIBLO ALOO NGMAMI KLƆUKLƆU Ɔ

¹³ Nyɛ je Gibea nyumuhi yakayaka nimli ɔmɛ ha wɔ nɛ waa gbe mɛ kɛ kpa musu ngɛ Israel.” Se Benyamin bi ɔmɛ bui a nyɛmimɛ Israel bi ɔmɛ tue.

Manyadali 20:13 ပူးပေါင်းရင်းမြစ်များ

Manyadali 19:22

Benɛ a bua jɔ a he ɔ, yakayaka nyumu komɛ nɛ ngɛ ma a mi ɔ ba bɔle we ɔ kɛ kpe. A si sinya a kɛ he wami, nɛ a de nɔmoyo ɔ nɛ ji wetsɛ ɔ ke, “Nyumu ɔ nɛ ba o we ɔ mi ɔ, je lɛ ha wɔ nɛ waa kɛ lɛ nɛ hwɔ.”

Mose V, 17:12

Se nɔ nɛ ma tsɔ atuã kɛ si kojolɔ, loo osɔfo ɔ nɛ ngɛ sɔmɔe jamɛ a be ɔ mi ɔ, nyɛɛ gbe lɛ; kikɛmɛ a blɔ nɛ ɔ nɔ nyɛɛ gu kɛ je yayami kɛ je Israel ma a mi.

Mose V, 13:13

yakayaka nimli komɛ nɛ ji Israel fɔfɔɛhi puɛ ma a mi bi ɔmɛ a tue nɛ a ya ja mawu kpahi nɛ nyɛ ja we hyɛ ɔ,

Romabi 1:32

A le kaa Mawu de ke nihi nɛ tsuɔ ní nɛ ɔmɛ ɔ, a sa gbenɔ, se kɛ̃ pi kaa mɛ nitsɛmɛ a peeɔ yayami nɛ ɔmɛ kɛkɛ, se mohu a jeɔ nihi nɛ peeɔ ní nɛ ɔmɛ ɔ a yi.

Hosea 10:9

Yawɛ ke, “Kɛ je be nɛ Israel pee yayami kɛ si mi ngɛ Gibea a, anɛ e sɛ kaa ta ba naa mɛ ngɛ Gibea lo?

Hosea 9:9

Ma a puɛ kulaa kɛ yayami peemi kaa bɔ nɛ a pee ngɛ Gibea be ko ɔ. Yayami nɛ a pee ɔ, Mawu hɛ be nɔ jee; e maa gbla a tue kokooko.

Fiɛlɔ 11:10

Lɔ ɔ he ɔ, nyɛ ko ye tsui, nɛ nyɛ ko hao; ejakaa jokuɛwi a si, kɛ nihe be ɔ tsuo yaka.

Abɛ Womi 29:1

Nɔ nɛ ke a ka e hɛ mi, nɛ e waa tue kɛ mwɔɔ ɔ, e maa ku kɛ pue si tlukaa, nɛ e be hie tsami.

Kronika II, 25:20

Se Amazia tsi e tue. Mamoo Mawu suɔmi nya ji kaa a ye Amazia nɔ kunimi, ejakaa e ya ja Edom amaga amɛ.

Kronika II, 25:16

Se benɛ gbalɔ ɔ ngɛ munyu tue kɛ mwɔɔ ɔ, Amazia po munyu ngɛ e nya, nɛ e bi lɛ ke, “Kɛ je mɛni be lɛ wa wo mo matsɛ ga wolɔ? Jɔɔ mo; ke pi ja a, ma ha a gbe mo piɔ!” Kɛkɛ nɛ gbalɔ ɔ kpa. Se loko e maa pee dii ɔ, e de matsɛ ɔ ke, “Jehanɛ lɛɛ i le kaa Mawu to e yi mi kaa e ma kpata o hɛ mi; ejakaa o bui ye ga womi ɔ tue, nɛ o ya tsu nɔ́ nɛ ɔ.”

Kronika II, 13:7

Pee se ɔ, e bua yaka nimli komɛ a nya, nɛ e kɛ mɛ ya na Salomo binyumu Rehoboam. A nyɛ e nɔ nɛ e pee a suɔmi nya ní. Rehoboam nyɛ we mɛ, ejakaa e wɛ, nɛ e kpa we je mi si lolo.

Matsɛmɛ I, 21:13

Yaka nimli enyɔ ɔmɛ ba nɛ a ba po Nabot nya ngɛ ma a hɛ mi ke e jɛ Mawu, kɛ matsɛ ɔ. Lɔ ɔ he ɔ, a ngɔ lɛ kɛ je ma a mi, nɛ a ya fia lɛ tɛ nɛ a gbe.

Samuel II, 23:6

Se yakayaka nimli ɔmɛ lɛɛ a ngɛ kaa mio nɛ a sake ngɔ fɔ he, nɛ nɔ ko kɛ e nine be nyɛe maa ta he.

Samuel II, 20:1

E ba mi kaa yakayaka nɔmlɔ ko nɛ a tsɛɛ lɛ Sheba ba je Gilgal. Benyamin no, Bikri bi ji lɛ. Sheba kpa titimati nɛ e de ke, “Wa be blɔ nya ko ngɛ David ngɔ; Ishai binyumu ɔ, pi e ní yeli ji wɔ. Israel bi, nɔ tsuaa nɔ nɛ ho lɛ nitsɛ e we mi ya!”

Samuel I, 30:22

Se amimitsɛmɛ kɛ yaka nimli nɛ nyɛɛ David se ɔ de ke, “Akɛnɛ a kɛ wɔ yɛ he je ɔ, wa be mɛ ta yibu ní ɔmɛ nɛ wa ya kpɔ ɔ eko hae. A ba ngɔ a yi ɔmɛ, kɛ a bimɛ ɔmɛ kɛkɛ nɛ a ho.”

Samuel I, 2:25

Ke nɔ ko pee e nyɛmi adesa yayami ɔ, Mawu maa da mi ha lɛ; se ke nɔ ko pee yayami kɛ si Yawɛ ɔ, mɛnɔ maa da mi ha lɛ?” Se a bui a tsɛ ɔ munyu ɔmɛ tue; ejakaa Yawɛ to momo kaa e maa gbe mɛ.

Mose V, 24:7

“Nɔ tsuaa nɔ nɛ maa ju e nyɛmi Israel no, nɛ e maa pee lɛ nyɔguɛ, aloo e maa jua lɛ ɔ, á gbe lɛ. Bɔ nɛ o maa pee kɛ je yayami nɛ ɔ kɛ je nyɛ kpɛti ji nɛ ɔ nɛ.

Mose V, 22:24

A kɛ mɛ ni enyɔ ɔmɛ tsuo nɛ je ma a mi, nɛ a ya fiaa mɛ tɛ nɛ a gbo. A gbe yiheyo ɔ, ejakaa ma a mi he nɛ a tsu zo ní nɛ ɔ ngɛ ɔ, kaa e kpa ngmlaa jinɛ ni komɛ maa nu, nɛ a ma ba je ngmlaa ha lɛ. Nyumu ɔ hu, á gbe lɛ, ejakaa e kɛ yiheyo nɛ nɔ ko bi e si ya na bɔmi. Pee jã kɛ je yayami nɛ ɔ kɛ je nyɛ kpɛti.

Mose V, 22:21

lɛɛ a kɛ yiheyo ɔ nɛ ba e tsɛ we ɔ agbo ɔ nya, nɛ́ e ma a mi nyumu ɔmɛ nɛ a fiaa lɛ tɛ nɛ e gbo. E tsu zo ní ngɛ wa ma mi bi ɔmɛ a kpɛti, kaa e le nyumu be mi nɛ e ngɛ e tsɛ we mi loko a ba ngɔ lɛ. Pee jã kɛ je yayami nɛ ɔ kɛ je nyɛ kpɛti.

Mose V, 21:21

Jehanɛ, ma a mi nyumu ɔmɛ nɛ a fiaa lɛ tɛ nɛ e gbo; kɛkɛ ɔ, o ma je yayami nɛ ɔ kɛ je nyɛ kpɛti. Nɔ tsuaa nɔ ngɛ Israel maa nu nɔ́ nɛ ba a, nɛ a maa ye gbeye.

Mose V, 19:19

a gbla e tue sisiisi kaa bɔ nɛ e susu kaa a ko pee e nyɛmi ɔ pɛpɛɛpɛ. Nyɛɛ pee jã kɛ je nɔ́ yayami nɛ ɔ kɛ je nyɛ kpɛti.

Mose V, 17:7

Odase yeli ɔmɛ nɛ a fiaa lɛ tɛ ɔ kekle, konɛ ma a tsuo nɛ fiaa nɔ ɔ tɛ ɔ; nyɛɛ pee ja kɛ je nɔ́ yayami nɛ ɔ kɛ je nyɛ kpɛti.

Mose V, 13:5

Se gbalɔ, loo nlami sisi tsɔɔlɔ ko nɛ maa wo nyɛ yi mi ke nyɛɛ te si kɛ si Yawɛ, nyɛ Mawu ɔ nɛ je nyɛ kɛ je Egipt zugba a nɔ, he nɛ nyɛ ye nyɔguɛ ngɛ ɔ, nyɛɛ gbe lɛ. Kikɛmɛ a nɔmlɔ ɔ, e ji nɔmlɔ yayami nɛ ngɛ nyɛ kae kaa e maa mlɔɔ nyɛ kɛ je si himi kpakpa nɛ Yawɛ fa nyɛ ke nyɛɛ hi ɔ he. Nyɛɛ gbe lɛ, konɛ nɔ́ yayami nɛ ɔ ko hi nyɛ kpɛti hu.

2 Korintobi 6:15

Kɛ Kristo kɛ Abosiami maa ye kɛɛ? Nɔ nɛ heɔ yeɔ, mɛni mi e kɛ nɔ nɛ he we yi ɔ ngɛ?

Manyadali 20:12

Israel wɛtso ɔmɛ tsɔ nihi kɛ ho Benyamin wɛtso ɔ tsuo ngɔ ya, nɛ a ya de mɛ kɛ, “Mɛni musu nyɛ bɔ nɛ ɔ?

Manyadali 20:14

Mohu ɔ, Benyamin bi ɔmɛ je a ma amɛ a mi kɛ ba bua a he nya ngɛ Gibea konɛ a kɛ Israel bi kpa amɛ nɛ hwu.

Mose V, 13:6

“O nyɛminyumu nɛ ji o nyɛ muklii mi bi, loo o binyumu, loo o biyo, loo o yo nɛ o suɔ lɛ, loo o huɛ nɛ nyu bi ngɛ nyɛ kpɛti po ma nyɛ maa mlɔɔ mo nɛ o ma ya ja mawu kpahi nɛ mo, loo o nɛmɛ ja we hyɛ.