Manyadali 20:1 - BAIBLO ALOO NGMAMI KLƆUKLƆU Ɔ

¹ Israel ma kpekpemi ɔ tsuo hia, nɛ a ba bua a he nya ngɛ Yawɛ hɛ mi ngɛ Mizpa. A je Dan kɛ ya si Beersheba, kɛ Gilead zugba a hu nɔ.

Manyadali 20:1 ပူးပေါင်းရင်းမြစ်များ

Manyadali 11:11

Lɔ ɔ he ɔ, Yefta kɛ Gilead ma nimeli ɔmɛ ho, nɛ a wo lɛ tsɛ, kɛ asafoatsɛngua. Nɛ Yefta ma e munyu ɔmɛ tsuo a nɔ mi ngɛ Yawɛ hɛ mi ngɛ Mizpa.

Samuel I, 10:17

Jehanɛ Samuel ha Israel ma a tsuo ba bɔ gua ngɛ Mawu hɛ mi ngɛ Mizpa,

Samuel I, 3:20

Lɔ ɔ he ɔ, Israel ma a tsuo, kɛ je Dan kɛ ya si Beersheba ba na le kaa Samuel ɔ, Yawɛ nitsɛ gbalɔ ji lɛ.

Manyadali 21:5

Israel bi ɔmɛ bi ke, “Anɛ Israel wɛtso ɔmɛ ekomɛ ngɛ nɛ mɛɛ a bɛ gua a mi ngɛ Yawɛ hɛ mi lo?” A ka kita agbo ke, nɔ tsuaa nɔ nɛ bɛ Yawɛ hɛ mi ngɛ Mizpa a, a gbe lɛ.

Yoshua 22:12

Benɛ Israel ma kpekpemi ɔ ba nu sane nɛ ɔ, mɛ tsuo a ya bua a he nya ngɛ Shilo, konɛ a kɛ Ruben bi ɔmɛ, Gad bi ɔmɛ, kɛ Manase wɛtso fa a ya hwu ta.

Nehemia 8:1

Nyɔhiɔ kpaago ɔ mi ɔ, Israel bi ɔmɛ ba he si ngɛ a ma amɛ a mi. Jamɛ a nyɔhiɔ ɔ kekleekle ligbi ɔ, ma a tsuo ba bua a he nya ngɛ Yerusalem, ngɛ ma kpe he ɔ, ngɛ Nyu Agbo ɔ nya. A de osɔfo Ezra, mlaa tsɔɔlɔ ɔ ke e ngɔ womi ɔ nɛ mlaa a nɛ Yawɛ ha Israel kɛ gu Mose nɔ ɔ ngɛ mi ɔ kɛ ba.

Samuel II, 24:2

Lɔ ɔ he ɔ, matsɛ ɔ de e tatsɛ Yoab, kɛ asafoatsɛmɛ ɔmɛ nɛ piɛ e he ɔ ke, “Nyɛɛ ya nɛ nyɛ ya kpa Israel wɛtso ɔmɛ tsuo a nɔ kɛ je Dan hluu kɛ yaa si Beersheba, nɛ nyɛɛ kane ni ɔmɛ, konɛ ma le ma a yibɔ.”

Ezra 3:1

Nyɔhiɔ kpaagone ɔ, benɛ Israel bi ɔmɛ kpale ba he si ngɛ a ma amɛ a mi ɔ, ma a tsuo ba bua a he nya ngɛ Yerusalem.

Kronika II, 30:5

Lɔ ɔ he ɔ, a to kaa á ya kpee Israel bi ɔmɛ tsuo kɛ ba Yerusalem, konɛ a ba ye Hetsɔmi ɔ kaa bɔ nɛ mlaa a tsɔɔ ɔ. Á je Dan ngɛ omleyi je, kɛ Beersheba ngɛ leneyi je kɛ ba, nɛ a he nɛ hiɛ babauu pe bɔ nɛ a baa daa a.

Kronika I, 21:2

Lɔ ɔ he ɔ, David fa Yoab, kɛ asafoatsɛmɛ ɔmɛ ke, “Nyɛɛ ya nɛ nyɛ ya kane Israel ma a, kɛ je Beersheba kɛ yaa si Dan, nɛ nyɛ ba de mi. Ma suɔ nɛ ma le ma a hiɛmi.”

Matsɛmɛ II, 25:23

Benɛ Yuda asafoatsɛmɛ ɔmɛ, kɛ ta buli ɔmɛ nɛ mɛɛ a ngɔɛ a he ngɔ ha we ɔ nu kaa Babilonia matsɛ ɔ wo Gedalia amlaalo ɔ, mɛ tsuo pɛpɛɛpɛ a ba nɛ a ba piɛ Gedalia he ngɛ Mizpa. Mɛ ji nɛ ɔmɛ nɛ: Netania binyumu Ishmael, Karea binyumu Yohanan, Tanhumet binyumu Seraya nɛ je Netofa a, kɛ Yezania nɛ je Maaka a.

Samuel II, 19:14

Sɛ nɛ David kɛ mane Yuda bi ɔmɛ ɔ ha a yi mi plɛ, nɛ a pee kake. Lɔ ɔ he ɔ, a tsɔ kɛ ba de matsɛ ɔ ke, “Moo kpale o se kɛ ba kɛ o tsɔli ɔmɛ tsuo.”

Samuel II, 2:9

Abner ya wo lɛ matsɛ ngɛ lejɛ ɔ kɛ ha Gilead, Asher, Yezreel, Efraim, Benyamin, kɛ Israel ma amɛ nɛ piɛ ɔ tsuo.

Manyadali 20:26

Kɛkɛ nɛ Israel tabo ɔ, kɛ ma a tsuo pue nɔ kɛ ho Betel ya, nɛ a ya wo yana. A ya hi si ngɛ Yawɛ hɛ mi, nɛ a ha hwɔ jamɛ a ligbi ɔ kɛ ya si gbɔkuɛ. A sã sami bɔhi, kɛ tue mi jɔmi bɔhi ngɛ Yawɛ hɛ mi;

Manyadali 20:18

Israel bi ɔmɛ pue nɔ kɛ ho Betel ya, nɛ a ya bi Mawu ga womi ke, “Wa ti mɛnɔmɛ maa nyɛɛ tabo ɔ hɛ mi kɛ ya tua Benyamin bi ɔmɛ?” Nɛ Yawɛ de mɛ ke, “Yuda wɛtso ɔ maa hia kekle.”

Manyadali 20:11

Lɔ ɔ he ɔ, Israel nyumu ɔmɛ tsuo a nya sɔ nɛ a te si kɛ wo ma a he.

Manyadali 20:8

Kɛkɛ nɛ ma a tsuo te da si nɛ a de ke, “Wa ti nɔ ko nɔ ko be e se kpalee kɛ ya e bo tsu, loo e we mi.

Manyadali 20:2

Ma nimeli, kɛ Israel wɛtsoyihi, kɛ ta buli akpe lafa eywiɛ nɛ nyɛɛɔ nane ji nihi nɛ ba bua a he nya ngɛ Mawu ma ngua a mi.

Manyadali 18:29

A kɛ a tsɛ Dan, Yakob binyumu ɔ biɛ wo ma a; jinɛ sa a, a tsɛɛ ma a ke Laish.

Manyadali 10:17

Jehanɛ, Amon bi ɔmɛ dla a he kɛ ha ta hwumi, nɛ a ya bua a he nya ngɛ Gilead. Israel bi ɔmɛ hu ya bua a he nya ngɛ Mizpa.

Yoshua 17:1

A ngɔ zugba a nɛ ngɛ Yordan pa a bonyoku je ɔ fa ko ngɔ ha we puɔ nya amɛ ekomɛ nɛ ji Yosef binyumu nɔkɔtɔma Manase nina. Akɛnɛ Gilead tsɛ Makir, Manase bitɛte ɔ, tatsɛ kpanaa ji lɛ he je ɔ, a ha lɛ Gilead kɛ Bashan ngɛ Yordan pa a beleku je.

Mose IV, 32:1

Ruben bi ɔmɛ, kɛ Gad bi ɔmɛ ngɛ lohwehi babauu nitsɛ. Benɛ a na kaa Yazer zugba a, kɛ Gilead zugba a hi ha lohwe lɛmi ɔ,

Yoshua 18:26

Mizpa, Kefira, Moza,

Yoshua 15:38

Dilean, Mizpa, Yokteel,

Mose IV, 32:40

Lɔ ɔ he ɔ, Mose ngɔ Gilead ngɔ ha Manase binyumu Makir bimɛ ɔmɛ, nɛ a hi lejɛ ɔ.

Yeremia 40:6

Kɛkɛ nɛ i je kɛ ho Ahikam bi Gedalia ngɔ ya ngɛ Mizpa, nɛ i kɛ ma mi bi ɔmɛ nɛ piɛ ngɛ zugba a nɔ ɔ ya hi si.

Yoshua 4:13

Nihi maa pee akpe nyingmi eywiɛ nɛ́ dla a he kɛ ha ta hwumi nyɛɛ Yawɛ hɛ mi kɛ ho Yeriko nga kplanaa a nɔ ya.

Yoshua 22:9

Lɔ ɔ he ɔ, Ruben wɛtso ɔ, Gad wɛtso ɔ, kɛ Manase wɛtso fa a kpale kɛ ho a zugba amɛ a nɔ ya. A je Israel bi ɔmɛ nɛ piɛ ɔ a he ngɛ Shilo, ngɛ Kanaan zugba a nɔ, nɛ a pue nɔ kɛ ho mɛ nitsɛmɛ a zugba a nɔ ya, ngɛ Gilead, he nɛ a ngɔ ha mɛ momo ɔ, kaa bɔ nɛ Yawɛ gu Mose nɔ fa mɛ ke a pee ɔ.

Manyadali 11:34

Benɛ Yefta kpale kɛ ma e we ɔ mi ngɛ Mizpa, nɛ e maa hyɛ ɔ, e biyo ɔ ji nɛ ɔ nɛ je kpo kɛ ma lɛ kpee mi kɛ fao fiami, kɛ domi. Lɛ pɛ ji e bi; e be binyumu, loo biyo kpa ko ngɛ e se.

Matsɛmɛ I, 5:5

Yawɛ wo tsaatsɛ David si ke, ‘O binyumu, nɔ nɛ ma ha nɛ e ye tsɛ ngɛ o se ɔ, lɛ ji nɔ nɛ maa ma tsu nɛ a ma ja mi ngɛ mi.’ I to ye yi mi kaa ma ma jamɛ a tsu ɔ ha Yawɛ, ye Mawu ɔ, nɛ́ a ja lɛ ngɛ mi.

Nehemia 11:27

Hazarshual, Beersheba, kɛ a he kɔpe ɔmɛ a mi.