Manyadali 2:7 - BAIBLO ALOO NGMAMI KLƆUKLƆU Ɔ

⁷ Yoshua wami ligbi ɔmɛ tsuo ɔ, ma a sɔmɔ Yawɛ. Yoshua gbenɔ se, be mi nɛ ma nimeli nɛ na ní nguanguahi tsuo nɛ Yawɛ tsu ha Israel ɔ na we nɛ a gbo ɔ, a ya nɔ nɛ a sɔmɔ Yawɛ ja nɔuu.

Manyadali 2:7 ပူးပေါင်းရင်းမြစ်များ

Filipibi 2:12

Ye nyɛmimɛ nɛ i suɔ! E he hia wawɛɛ kaa amlɔ nɛ ɔ tete nɛ i be nyɛ ngɔ ɔ, nyɛɛ bu mi tue wawɛɛ pe kekle ɔ po. Nyɛɛ kɛ gbeye yemi, kɛ he domi blibliibli nɛ tsu ní wawɛɛ, konɛ a he nyɛ yi wami.

Yoshua 24:31

Yoshua wami ligbi ɔmɛ tsuo ɔ, ma a sɔmɔ Yawɛ. Yoshua gbenɔ se, be mi nɛ ma nimeli nɛ na ní nguanguahi tsuo nɛ Yawɛ tsu ha Israel ɔ na we nɛ a gbo lolo ɔ, a ya nɔ nɛ a sɔmɔ Yawɛ ja nɔuu.

Kronika II, 24:2

Yoash pee Yawɛ suɔmi nya ní, be mi nɛ osɔfo Yehoyada ngɛ je mi ɔ.

Matsɛmɛ II, 12:2

Yoash pee Yawɛ suɔmi nya ní e wami be ɔ tsuo, ejakaa osɔfo Yehoyada ji nɔ nɛ tsɔse lɛ.

Manyadali 2:6

Jehanɛ, Yoshua wo ma a blɔ, nɛ Israel bi ɔmɛ a ti nɔ tsuaa nɔ ho konɛ e ya ngɔ zugba a nɛ ji lɛ nitsɛ e weto ní ɔ.

Manyadali 2:8

Yawɛ tsɔlɔ Yoshua, Nun binyumu ɔ gbo benɛ e ye jeha lafa kɛ nyɔngma.

Manyadali 2:17

Se manyadali ɔmɛ po a bui mɛ; nɛ Yawɛ hu a yi lɛ anɔkuale. Mohu ɔ, a ya nyɛɛ mawu kpahi a se, nɛ a ja mɛ; nɛ a je blɔ nɛ a nɛmɛ ɔmɛ nyɛɛ nɔ ɔ nɔ. A nɛmɛ ɔmɛ ye Yawɛ mlaa amɛ a nɔ; se mɛɛ lɛɛ a pee we ja.