Manyadali 2:22 - BAIBLO ALOO NGMAMI KLƆUKLƆU Ɔ

²² Ma ngɔ mɛ kɛ ka Israel nɛ ma hyɛ kaa a maa nyɛɛ ye blɔ ɔmɛ a nɔ kaa bɔ nɛ a nɛmɛ ɔmɛ pee ɔ, loo a be ja pee.”

Manyadali 2:22 ပူးပေါင်းရင်းမြစ်များ

Mose V, 8:2

Nyɛ kai kaa Yawɛ, nyɛ Mawu ɔ kpaka nyɛ ngɛ blɔ gagaa nɛ ɔ nɔ kɛ gu nga kplanaa a nɔ jeha nyingmi eywiɛ sɔuu. E ha hɛdo níhi kɛ nyɛ kpe kɛ ka nyɛ hyɛ, konɛ e kɛ le nɔ́ nɛ ngɛ nyɛ tsui mi, kaa nyɛ maa ye e mlaa amɛ a nɔ, loo nyɛ be a nɔ yee.

Mose V, 8:16

Ngɛ nga a nɔ ɔ, e ha nyɛ mana, niye ní nɛ nyɛ nɛmɛ yi hyɛ, nɛ nyɛ ye. E ha nyɛ na hɛdo ní, nɛ e kɛ ka nyɛ hyɛ, konɛ lɔ ɔ se ɔ, e gbaa nyɛ kɛ ní kpakpahi.

Mose V, 13:3

nyɛ ko bu lɛ tue fɛɛ. Yawɛ, nyɛ Mawu ɔ gu nɔ́ nɛ ɔ nɔ kɛ ngɛ nyɛ kae nɛ e hyɛ kaa nyɛ suɔ lɛ, Yawɛ ɔ saminya ngɛ nyɛ tsui mi lo.

Abɛ Womi 17:3

La a kɛ tsuɔ sika tsu kɛ sika hiɔ he, se Yawɛ lɛ kaa adesa tsui hyɛɔ.

Mose I, 22:1

Pee se ɔ, Mawu ka Abraham. Mawu tsɛ Abraham ke, “Abraham!” Nɛ Abraham he nɔ ke, “Ne mi!”

La 66:10

Mo Mawu, o ka wɔ hyɛ ha, o tsu wa he kaa bɔ nɛ a tsuɔ sika hiɔ he ɔ.

Hiob 23:10

Se Mawu le blɔ nɛ i nyɛɛɔ nɔ ɔ; ke e ka mi ɔ, e maa na kaa ye he tsɔ kaa sika tsu.

Kronika II, 32:31

Benɛ ni ɔmɛ nɛ Babilonia ganɔ ɔmɛ tsɔ kɛ ba Hezekia ngɔ ba bi lɛ sane ngɛ nyakpɛ níhi nɛ ba zugba a nɔ ɔ a he pohu ɔ, Mawu ngmɛɛ Hezekia jemi he ngɔ ha lɛ. Mawu pee kikɛmɛ a nɔ́ nɛ ɔ konɛ e kɛ ka lɛ, nɛ e kɛ na nɔ́ tsuaa nɔ́ nɛ ngɛ e tsui mi.

Mose II, 15:25

Mose kɛ hɛdɔ tsɛ Yawɛ, nɛ Yawɛ tsɔɔ lɛ tso ko. Mose sake tso ɔ ngɔ fɔ nyu ɔ mi, kɛkɛ nɛ nyu ɔ jɔ. Lejɛ ɔ nɛ Yawɛ wo mɛ mlaa ngɛ, nɛ lejɛ ɔ nɛ e ka mɛ ngɛ.

Manyadali 2:23

Lɔ ɔ he ɔ, Yawɛ si jamɛ a je ma amɛ ngɛ zugba a nɔ; e ngɔɛ mɛ ngɔ wui Yoshua dɛ mi, nɛ Yoshua gbenɔ se hu e fie we mɛ nɔuu kɛ ji zugba a nɔ.