Manyadali 2:21 - BAIBLO ALOO NGMAMI KLƆUKLƆU Ɔ

²¹ kɛ je mwɔnɛ ɔ kɛ yaa a, je ma amɛ nɛ piɛ benɛ Yoshua gbo ɔ, i be mɛ fiee kɛ je zugba a nɔ.

Manyadali 2:21 ပူးပေါင်းရင်းမြစ်များ

Yoshua 23:13

nyɛ na nɛ nyɛɛ le kaa, ke nyɛ hia kɛ yaa a, Yawɛ, nyɛ Mawu ɔ be je ma nɛ ɔmɛ fiee kɛ je nyɛ blɔ mi hu. Mohu ɔ, nyɛ he nyɛli ɔmɛ maa pee kaa klama ko nɛ a tsɔ nyɛ, loo muɔ nɛ a tsua ngɛ nyɛ sisi. A maa pee kaa kpa nɛ a kɛ ngɛ nyɛ se mi fiae, nɛ maa sãã nyɛ, loo mio nɛ ngɛ nyɛ hɛngmɛ mi gbɔɔe. Nɔ́ nɛ ɔ ma tsa nɔ kɛ yaa si be nɛ nyɛ ti nɔ ko nɔ ko be piɛe ngɛ zugba kpakpa nɛ ɔ nɛ Yawɛ, nyɛ Mawu ɔ ngɔ ha nyɛ ɔ nɔ.

Manyadali 2:3

Lɔ ɔ he ɔ, imi hu i ngɛ nyɛ dee ke i be ni ɔmɛ fiee kɛ je nyɛ blɔ ɔ nɔ. A ma plɛ pee nyɛ he nyɛli, nɛ a mawu ɔmɛ hu ma plɛ pee klama nɛ a tsɔ nyɛ.”

Ezekiel 20:24

I pee nɔ́ nɛ ɔ, ejakaa a bui ye blɔ nya tomi ɔmɛ, nɛ ye mlaa amɛ hu, a yi nɔ; jehanɛ hu, a ble ye Hejɔɔmi ligbi ɔmɛ, nɛ a nɛmɛ ɔmɛ a we amaga amɛ mohu a suɔ wawɛɛ.

Manyadali 3:3

Je ma amɛ ji Filisti bi a matsɛmɛ enuɔ ɔmɛ, Sidon bi, kɛ Hiv bi nɛ ngɛ Lebanon yo ɔmɛ a nɔ kɛ je Baal Hermon yo ɔ he kɛ ya si Hamat yo kpɛ blɔ ɔ nya.

Yoshua 23:4

I dla weto ní ngɔ ha nyɛ wɛtso ɔmɛ momo. Lɔ ɔ ji je ma amɛ nɛ a yi a nɔ lolo ɔ, kɛ je ma amɛ tsuo nɛ i ye a nɔ momo ɔ a zugba amɛ, kɛ je Yordan pa a nya ngɛ beleku je, kɛ ya su Mediterenia wo ɔ nya ngɛ bonyoku je.

Yoshua 23:5

Yawɛ, nyɛ Mawu ɔ ma ha nyɛ he nyɛli ɔmɛ maa gbee senyasenya; nɛ e maa fie mɛ kɛ je nyɛ blɔ mi. Nyɛ maa ngɔ a zugba a kaa bɔ nɛ Yawɛ, nyɛ Mawu ɔ wo nyɛ si ɔ.

Manyadali 1:1

Yoshua gbenɔ se ɔ, Israel bi ɔmɛ bi Yawɛ ke, “Wa kpɛti mɛnɔmɛ ma ya tua Kanaan bi ɔmɛ kekleekle?”

Manyadali 3:1

Yawɛ si je ma komɛ, konɛ e ngɔ mɛ kɛ ka Israel bi nɛ a hwui ta hyɛ ngɛ Kanaan ɔ.