Manyadali 2:20 - BAIBLO ALOO NGMAMI KLƆUKLƆU Ɔ

²⁰ Kɛkɛ ɔ, Yawɛ mi mi ma fu Israel, nɛ e ma de ke, “Akɛnɛ ma nɛ ɔ yi somi ɔ nɛ i wo a nɛmɛ ɔmɛ mlaa ngɛ he ɔ nɔ, nɛ imi nitsɛ hu a bui mi he je ɔ,

Manyadali 2:20 ပူးပေါင်းရင်းမြစ်များ

Manyadali 2:14

Yawɛ mi mi fu Israel; nɛ e ngmɛɛ a he ngɔ ha ní hali, nɛ a ha a níhi. E je a he gbi ngɔ ha a he nyɛli nɛ bɔle mɛ ɔ; nɛ a nyɛ we a he nyɛli ɔmɛ a hɛ mi nɛ a da hu.

Yoshua 23:16

Ke nyɛ yi somi nɛ Yawɛ, nyɛ Mawu ɔ kɛ nyɛ so ɔ nɔ, nɛ nyɛ ya sɔmɔ mawu kpahi, nɛ nyɛ ja mɛ ɔ, lɔ ɔ lɛɛ e kɛ abofu maa gbla nyɛ tue, nɛ e be kɛe kulaa nɛ nyɛ ti nɔ ko nɔ ko be piɛe ngɛ zugba kpakpa nɛ ɔ nɛ e ngɔ ha nyɛ ɔ nɔ.”

Ezekiel 20:37

“Ye nine si maa wa ngɛ nyɛ nɔ, nɛ ma ha nyɛ maa ye ye somi ɔ nɔ.

Yeremia 31:32

Somi nɛ ɔ maa je kpa ngɛ somi nɛ i kɛ a nɛmɛ ɔmɛ so ɔ he. Benɛ i kɛ a nɛmɛ ɔmɛ so ɔ, jamɛ a be ɔ nɛ i nu a kɔni si nɛ i kpaka mɛ kɛ je Egipt zugba a nɔ. I kɛ mɛ hi si kaa a huno, se somi nɛ i kɛ mɛ so ɔ lɛɛ a yi nɔ fɛɛ.

Manyadali 10:7

Enɛ ɔ he je ɔ, Yawɛ mi mi fu Israel, nɛ e ngɔ mɛ kɛ wo Filisti bi ɔmɛ, kɛ Amon bi ɔmɛ a dɛ mi.

Manyadali 3:8

Lɔ ɔ he ɔ, Yawɛ mi mi fu Israel, nɛ e ngɔ mɛ kɛ wo Mesopotamia matsɛ, Kushan Rishataim dɛ mi; nɛ Israel bi ɔmɛ sɔmɔ Kushan Rishataim jeha kpaanyɔ.

Mose V, 32:22

Ye mi mi fumi nya maa wa wawɛɛ kaa la nɛ ngɛ tsoe; e maa sã nɔ́ tsuaa nɔ́ ngɛ je ɔ mi kɛ ya su gbeje tɔɔ; e maa sã yo ɔmɛ a sisi tomi ɔmɛ hulɔ.

Manyadali 2:19

Se ke manyadalɔ ɔ gbo pɛ, ma a kpaleɔ a se kɛ ya nyɛɛɔ a blɔ momo ɔmɛ a nɔ ekohu; nɛ a peeɔ yayami nɛ nya wa pe a nɛmɛ ɔmɛ po. A ya nyɛɛɔ mawu kpahi a se; a sɔmɔɔ mɛ, nɛ a jaa mɛ. Nɛ a ngmɛɛ we a yayami ɔmɛ, kɛ a kuɛ mi timi ɔ he.

La 78:10

Somi nɛ Mawu kɛ mɛ so ɔ, a yi nɔ; e mlaa a hu a kua nɔ yemi.

Mose IV, 32:13

Lɔ ɔ he ɔ, Yawɛ mi mi fu Israel, nɛ e ha a wo lalaalo ngɛ nga a nɔ jeha nyingmi eywiɛ, kɛ ya si be mi nɛ jamɛ a yi nɔ bi ɔmɛ nɛ pee nɔ́ nɛ dɛ ngɛ Yawɛ hɛ mi ɔ tsuo pɛpɛɛpɛ gbo ta.

Samuel II, 24:1

Yawɛ mi mi fu Israel ekohu, nɛ e ha David kɛ haomi ba ma a nɔ. Yawɛ de lɛ ke, “Yaa nɛ o ya kane Israel kɛ Yuda!”

La 106:40

Enɛ ɔ he je ɔ, Yawɛ mi mi fu lɛ nitsɛ e ma a, nɛ e kua mɛ.