Manyadali 2:2 - BAIBLO ALOO NGMAMI KLƆUKLƆU Ɔ

² Nyɛ hu nyɛɛ kɛ zugba nɛ ɔ nɔ bi ɔmɛ nɛ ko so somi ko; se mohu nyɛɛ ku a bɔ sami la tɛ ɔmɛ.’ Se nyɛ bui mi tue. Nyɛɛ hyɛ nɔ nɛ nyɛ ya pee!

Manyadali 2:2 ပူးပေါင်းရင်းမြစ်များ

Mose I, 12:18

Kɛkɛ nɛ Farao ɔ tsɔ ya tsɛ Abram kɛ ba, nɛ e bi lɛ ke, “Mɛni o pee mi nɛ ɔ? Mɛni he je o de we mi ke o yo ji yo ɔ?

Mose I, 4:10

Jehanɛ, Yawɛ bi lɛ ke, “Mɛni ji nɔ́ nɛ o pee nɛ ɔ?” E ya nɔ nɛ e de Kain ke, “O senɔ ɔ muɔ ɔ nɛ ngɛ zugba a mi ɔ, e hia kaa ma ye e he lue.

Mose II, 32:21

Mose bi Aaron ke, “Mɛni ma nɛ ɔ pee mo loko o ha nɛ a pee yayami agbo kaa kikɛ nɛ ɔ?”

Yeremia 2:18

Mɛni o susu kaa o ma na ngɛ Egipt loko o ya lejɛ ɔ? Nɛ́ o ya nu Nilo pa a mi nyu, pi ja lo? Mɛni o susu kaa o ma na ngɛ Asiria loko o ya lejɛ ɔ? Nɛ́ o ya nu Yufrate pa a mi nyu, pi ja lo?

Yeremia 2:36

Nyɛɛ hyɛ bɔ nɛ nyɛ nane nya ngɛ sɔe kɛ ngɛ yae kɛ ngɛ bae, nɛ nyɛ ngɛ yemi kɛ buami hlae ngɛ je ma amɛ a ngɔ! Nyɛ hɛ mi ma pue si ngɛ Egipt kaa bɔ nɛ nyɛ hɛ mi pue si be ko ngɛ Asiria a.

Yeremia 2:5

Yawɛ ke, “Mɛni tɔmi nyɛ nɛmɛ ɔmɛ na ngɛ ye he loko a tsɔ a he kɛ je ye he ɔ? A ya nyɛɛ níhi nɛ he be se nami a se, nɛ mɛ nitsɛmɛ a plɛ pee yaka nimli.

Mose V, 7:16

Ma tsuaa ma nɛ Yawɛ, nyɛ Mawu ɔ ma je ngɔ wo nyɛ dɛ ɔ, nyɛ kpata a hɛ mi; nyɛ ko na mɛ mɔbɔ. Nyɛ ko ja a mawu ɔmɛ. Ke nyɛ pee ja a, nyɛ hɛ mi ma kpata.

2 Tesalonikabi 1:8

kɛ la nɛ ngɛ tsoe plamplam. Nihi nɛ li Mawu, kɛ ni nɛmɛ nɛ bui Nyɔmtsɛ Yesu sane kpakpa a, e kɛ mɛ maa to ní.

Yoshua 9:7

Se Israel bi ɔmɛ he nɔ ke, “Mɛni he je waa kɛ nyɛ maa so ɔ? Eko piɔ, kpo nya hiɛ ɔ he ko nyɛ je.”

1 Petro 4:17

Be ɔ nɛ a maa je kojomi sisi ɔ su ta, nɛ Mawu maa kojo lɛ nitsɛ e ni ɔmɛ kekle. Ke a kɛ wɔ je sisi ɔ, nihi nɛ he we sane kpakpa a nɛ je Mawu ngɔ ɔ yi ɔ, mɛɛ lɛ a nyagbe maa pee gbeye!

Manyadali 2:20

Kɛkɛ ɔ, Yawɛ mi mi ma fu Israel, nɛ e ma de ke, “Akɛnɛ ma nɛ ɔ yi somi ɔ nɛ i wo a nɛmɛ ɔmɛ mlaa ngɛ he ɔ nɔ, nɛ imi nitsɛ hu a bui mi he je ɔ,

Manyadali 6:10

nɛ i de nyɛ ke, ‘Imi ji Yawɛ, nyɛ Mawu ɔ, lɔ ɔ he ɔ, nyɛ ko ja Amor bi ɔmɛ nɛ nyɛ ngɛ a zugba a nɔ ɔ a mawu ɔmɛ.’ Se nyɛ bui mi tue.”

Manyadali 6:8

Yawɛ tsɔ gbalɔ ko kɛ ba a ngɔ, nɛ e ba de mɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: Imi lɛ i kpaka nyɛ kɛ je nyɔguɛ yemi mi ngɛ Egipt kɛ ba hiɛmɛ nɛ ɔ nɛ.

Manyadali 8:27

Gideon ngɔ ní ɔmɛ kɛ pee amaga, nɛ e kɛ to Ofra nɛ ji e ma a mi. Israel bi ɔmɛ tsuo je Mawu se, nɛ a ya ja amaga nɛ ɔ ngɛ lejɛ ɔ; nɛ nɔ́ nɛ ɔ plɛ pee klama kɛ ha Gideon kɛ e we ɔ.