Manyadali 2:19 - BAIBLO ALOO NGMAMI KLƆUKLƆU Ɔ

¹⁹ Se ke manyadalɔ ɔ gbo pɛ, ma a kpaleɔ a se kɛ ya nyɛɛɔ a blɔ momo ɔmɛ a nɔ ekohu; nɛ a peeɔ yayami nɛ nya wa pe a nɛmɛ ɔmɛ po. A ya nyɛɛɔ mawu kpahi a se; a sɔmɔɔ mɛ, nɛ a jaa mɛ. Nɛ a ngmɛɛ we a yayami ɔmɛ, kɛ a kuɛ mi timi ɔ he.

Manyadali 2:19 ပူးပေါင်းရင်းမြစ်များ

Manyadali 8:33

Benɛ Gideon gbo ɔ, Israel bi ɔmɛ kua Mawu ekohu, nɛ a ngɔ Baal Berit ngɔ pee a mawu.

Manyadali 4:1

Ehud gbenɔ se ɔ, Israel bi ɔmɛ pee yayami kɛ si Yawɛ ekohu.

Mateo 23:32

Lɔ ɔ he ɔ, nyɛɛ ya nɔ! Ní tsumi nɛ nyɛ nɛmɛ ɔmɛ je sisi ɔ, nyɛ tsu kɛ gbe nya!

Yeremia 23:17

Daa nɛ ɔ, bɔ nɛ a deɔ ni nɛmɛ nɛ sume nɛ a buɔ ye munyu ɔ tue ji, ‘Nyɛ ko ye tsui tete! Nɔ́ tsuaa nɔ́ maa hi.’ Tue wali ɔmɛ lɛɛ bɔ nɛ a deɔ mɛ ji, ‘Haomi ko haomi ko be nyɛ nɔ bae fɛɛ.’ ”

Yeremia 16:12

Se nyɛɛ lɛɛ nyɛ nɔ́ pa pe nyɛ nɛmɛ ɔmɛ a nɔ́ ɔ po. Nyɛ tsuo pɛpɛɛpɛ nyɛ tue wa; nyɛ peeɔ yayami bɔ nɛ nyɛ suɔ, nɛ nyɛ bui mi fɛɛ.

Yeremia 3:17

Ke jamɛ a be ɔ su ɔ, a ma tsɛ Yerusalem ke, ‘Yawɛ matsɛ sɛ,’ nɛ je ma amɛ tsuo ma ba bua a he nya ngɛ lejɛ ɔ, nɛ a ma ja mi. A pa be a tsui kpliie nɛ a pee mɛ nitsɛmɛ a suɔmi nya ní yayamihi hu.

La 78:8

konɛ a ko ba wa tue, nɛ a ko ba tsɔ atuã kaa bɔ nɛ a nɛmɛ ɔmɛ pee ɔ. Mɛɛ a ngɔɛ a hɛ kɛ fɔɛ Mawu nɔ kɛ pi si; anɔkuale hu a yi lɛ bɔ nɛ sa.

Samuel I, 15:23

Atuã tsɔmi ɔ, e ji yayami; e ngɛ kaa klaami, nɛ tue wami hu ngɛ kaa wɔ jami. Akɛnɛ o bui Yawɛ fami ɔ tue he je ɔ, lɛ hu e kua mo kaa matsɛ.”

Manyadali 2:7

Yoshua wami ligbi ɔmɛ tsuo ɔ, ma a sɔmɔ Yawɛ. Yoshua gbenɔ se, be mi nɛ ma nimeli nɛ na ní nguanguahi tsuo nɛ Yawɛ tsu ha Israel ɔ na we nɛ a gbo ɔ, a ya nɔ nɛ a sɔmɔ Yawɛ ja nɔuu.

Yoshua 24:31

Yoshua wami ligbi ɔmɛ tsuo ɔ, ma a sɔmɔ Yawɛ. Yoshua gbenɔ se, be mi nɛ ma nimeli nɛ na ní nguanguahi tsuo nɛ Yawɛ tsu ha Israel ɔ na we nɛ a gbo lolo ɔ, a ya nɔ nɛ a sɔmɔ Yawɛ ja nɔuu.

Mose I, 6:11

Se nimli kpa amɛ lɛɛ a peeɔ yayami ngɛ Mawu hɛ mi, nɛ basabasa ngɛ je ɔ mi he tsuaa he.

Mose V, 31:29

I le paa kaa ye gbenɔ se ɔ, nyɛ ma puɛ nyɛ he kulaa, nɛ nyɛ maa je blɔ nɛ i tsɔɔ nyɛ ɔ nɔ. Lɔ ɔ he ɔ, e be kɛe nɛ nyɛ maa na amanehlu; ejakaa nyɛ maa pee yayami kɛ si Yawɛ. Nyɛ ní peepee maa wo e mi mi la.”

Manyadali 2:18

Be tsuaa be nɛ Yawɛ ma ha Israel manyadalɔ ko ɔ, e piɛɔ e he kɛ kpɔɔ ma a kɛ jeɔ a he nyɛli ɔmɛ a dɛ mi e wami ligbi ɔmɛ tsuo. Ejakaa kɛmɛmi nɛ a hii kɛmɛe ngɛ a yi mi wali, kɛ ni nɛmɛ nɛ haoɔ mɛ ɔ a dɛ mi ɔ peeɔ Yawɛ mɔbɔ.

Manyadali 2:20

Kɛkɛ ɔ, Yawɛ mi mi ma fu Israel, nɛ e ma de ke, “Akɛnɛ ma nɛ ɔ yi somi ɔ nɛ i wo a nɛmɛ ɔmɛ mlaa ngɛ he ɔ nɔ, nɛ imi nitsɛ hu a bui mi he je ɔ,

Ezekiel 20:30

Lɔ ɔ he ɔ, de Israel bi ɔmɛ ke bɔ nɛ imi Nyɔmtsɛ Yawɛ, i ngɛ mɛ dee ji, mɛni he je nyɛ ngɛ nyɛ he blee kaa bɔ nɛ nyɛ nɛmɛ ɔmɛ pee ɔ, nɛ nyɛ ngɛ ajuama bɔe kɛ ngɛ a ní hiemi níhi a se nyɛɛe ɔ?

Mose II, 32:7

Yawɛ de Mose ke, “Mo kple si esɔesɔ; ejakaa o ma nɛ ji ni ɔmɛ nɛ o kpaka kɛ je Egipt zugba a nɔ kɛ ba a, a ble a he.

Manyadali 10:13

Se nyɛɛ lɛɛ nyɛ kua mi, nɛ nyɛ ya sɔmɔ mawu kpahi. Enɛ ɔ he je ɔ, imi hu i be nyɛ yi wami hee hu.

Nehemia 9:28

Benɛ a na tue mi jɔmi ɔ, a pee yayami ekohu; kɛkɛ nɛ o je a se, nɛ a he nyɛli ɔmɛ ba ye a nɔ ekohu. Se benɛ a tsake a tsui, nɛ a fa kue kɛ tsɛ mo ekohu ɔ, o bu mɛ tue kɛ je hiɔwe; nɛ o na mɛ mɔbɔ, nɛ o kpɔ mɛ si abɔ.