Manyadali 2:18 - BAIBLO ALOO NGMAMI KLƆUKLƆU Ɔ

¹⁸ Be tsuaa be nɛ Yawɛ ma ha Israel manyadalɔ ko ɔ, e piɛɔ e he kɛ kpɔɔ ma a kɛ jeɔ a he nyɛli ɔmɛ a dɛ mi e wami ligbi ɔmɛ tsuo. Ejakaa kɛmɛmi nɛ a hii kɛmɛe ngɛ a yi mi wali, kɛ ni nɛmɛ nɛ haoɔ mɛ ɔ a dɛ mi ɔ peeɔ Yawɛ mɔbɔ.

Manyadali 2:18 ပူးပေါင်းရင်းမြစ်များ

Mose I, 6:6

e dɔ lɛ nɛ e pia e he kaa e bɔ nɔmlɔ nɛ e kɛ lɛ wo je ɔ mi.

Matsɛmɛ II, 13:4

Kɛkɛ nɛ Yehoahaz fa kue ha Yawɛ, nɛ Yawɛ bu lɛ tue; ejakaa e na haomi nɛ Siria matsɛ ɔ ngɛ Israel bi ɔmɛ haoe ɔ.

La 12:5

Se Yawɛ ke, “Akɛnɛ a ngɛ ohiatsɛmɛ yi mi wae, nɛ dɛgutsɛmɛ ngɛ kɛmɛe he je ɔ, jehanɛ lɛɛ ma te si, nɛ ma ha mɛ he jɔmi nɛ a ngɛ hlae ɔ.”

La 90:13

Mɛni be o mi mi fumi ɔ se maa po? Yawɛ, naa wɔ, o tsɔli ɔmɛ mɔbɔ!

Mose II, 2:24

Benɛ Mawu nu a kɛmɛmi ɔ, e kai somi nɛ e kɛ a nɛmɛ Abraham, Isak, kɛ Yakob so ɔ.

Mose II, 3:12

Mawu ha lɛ heto ke, “Ma piɛ o he. Ke o ya jé ma a kɛ je Egipt kɛ ba a, nyɛ ma ba ja mi ngɛ yo nɛ ɔ nɔ. Jamɛ a be ɔ loko o maa le niinɛ kaa imi nɛ i tsɔ mo.”

Mose II, 32:14

Kɛkɛ nɛ Yawɛ kpale e nya se, nɛ yayami nɛ jinɛ e to kaa e maa ba ma a nɔ ɔ bɛ a nɔ hu.

Hosea 11:8

“Israel ma, kɛ maa pee kɛɛ nɛ ma ngmɛɛ nyɛ he? Kɛ maa pee kɛɛ nɛ ma kua nyɛ? Kɛ maa pee kɛɛ nɛ ma kpata nyɛ hɛ mi kaa bɔ nɛ i pee Adma a? Kɛ maa pee kɛɛ nɛ ma wa nyɛ yi mi kaa bɔ nɛ i pee Zeboyim ɔ? Ye tsui be mi blɔ ngmɛe kaa ma pee jã! Suɔmi nɛ i ngɛ kɛ ha nyɛ ɔ nya wa tsɔ!

Yona 3:10

Benɛ Mawu na nɔ́ nɛ ni ɔmɛ pee, kɛ bɔ nɛ a tsake a je mi babɛ ɔ, e kpale e nya se. Nɛ yi mi nɛ e to kaa e ma kpata a hɛ mi ɔ, e pee we ja hu.

Mose IV, 10:9

Ke he nyɛli ba tua nyɛ ngɛ nyɛ nitsɛmɛ nyɛ zugba nɔ, nɛ e ba mi kaa nyɛ gba ta kɛ fa nyɛ he ɔ, nyɛ kpa titimati ɔmɛ, nɛ nyɛ he ose. Kɛkɛ ɔ, Yawɛ, nyɛ Mawu ɔ ma kai nyɛ, nɛ e ma kpɔ nyɛ kɛ je nyɛ he nyɛli ɔmɛ a dɛ mi.

Mose V, 32:36

Yawɛ ma kpɔ e ma a kɛ je he nyɛli a dɛ mi be mi nɛ e na kaa a he wami tsuo ta. Nihi nɛ sɔmɔɔ lɛ ɔ lɛɛ ke e na bɔ nɛ peepee ta a he ha a, e maa na mɛ mɔbɔ.

Yoshua 1:5

Nɔ ko nɔ ko be mo nyɛe o wami be ɔ tsuo. Bɔ nɛ i kɛ Mose hi si ɔ, jã kɛ̃ i kɛ mo, Yoshua hu maa hi si. I be mo sie, nɛ i be mo kuae hulɔ.

Manyadali 10:16

Lɔ ɔ he ɔ, a je mawu kpa amɛ kɛ je a kpɛti, nɛ a sɔmɔ Yawɛ. Amanehlu nɛ Israel bi ɔmɛ ngɛ nae ɔ hao Yawɛ.

Manyadali 11:32

Yefta po pa a kɛ ya na Amon bi ɔmɛ, nɛ e kɛ mɛ hwu ta; nɛ Yawɛ ngɔ mɛ ngɔ wo e dɛ mi.

Manyadali 2:19

Se ke manyadalɔ ɔ gbo pɛ, ma a kpaleɔ a se kɛ ya nyɛɛɔ a blɔ momo ɔmɛ a nɔ ekohu; nɛ a peeɔ yayami nɛ nya wa pe a nɛmɛ ɔmɛ po. A ya nyɛɛɔ mawu kpahi a se; a sɔmɔɔ mɛ, nɛ a jaa mɛ. Nɛ a ngmɛɛ we a yayami ɔmɛ, kɛ a kuɛ mi timi ɔ he.

Manyadali 3:9

Se Israel bi ɔmɛ fa kue ha Yawɛ, nɛ Yawɛ je nyumu ko ha mɛ, nɛ e ba kpɔ mɛ. Lɛ ji Otniel, Kaleb senɔ nyumu Kenaz binyumu ɔ.

Manyadali 6:12

Yawɛ bɔfo ɔ je e he si tsɔɔ lɛ, nɛ e de lɛ ke, “Mo nyumu katsɛ, Yawɛ kɛ mo ngɛ!”

Manyadali 6:16

Se Yawɛ de lɛ ke, “Ma piɛ o he; o maa fia Midian bi ɔmɛ nɔ nɛ o maa gbe mɛ kaa a gbeɔ nɔ kake.”