Manyadali 2:17 - BAIBLO ALOO NGMAMI KLƆUKLƆU Ɔ

¹⁷ Se manyadali ɔmɛ po a bui mɛ; nɛ Yawɛ hu a yi lɛ anɔkuale. Mohu ɔ, a ya nyɛɛ mawu kpahi a se, nɛ a ja mɛ; nɛ a je blɔ nɛ a nɛmɛ ɔmɛ nyɛɛ nɔ ɔ nɔ. A nɛmɛ ɔmɛ ye Yawɛ mlaa amɛ a nɔ; se mɛɛ lɛɛ a pee we ja.

Manyadali 2:17 ပူးပေါင်းရင်းမြစ်များ

Galatabi 1:6

Nyɛ he pee mi nyakpɛ. Hyɛ kaa e yi be ko kulaa nɛ nɔ nɛ tsɛ nyɛ kɛ gu Kristo dloomi ɔ nɔ ɔ, nyɛ kua lɛ, nɛ nyɛ ya ngɛ sane kpakpa kpa se nyɛɛe.

Mose V, 9:12

“Kɛkɛ nɛ Yawɛ de mi ke, ‘Kple si kɛ je yo ɔ nɔ esɔ; o ma a nɛ o ya je kɛ je Egipt ɔ tla blɔ momo, nɛ a pee yayami. Amlɔ nɛ ɔ nɔuu ɔ, a gba kɛ je nɔ́ nɛ i fa mɛ ke a pee ɔ he; a puɛ amaga, nɛ a ngɛ lɛ jae.’

Manyadali 2:7

Yoshua wami ligbi ɔmɛ tsuo ɔ, ma a sɔmɔ Yawɛ. Yoshua gbenɔ se, be mi nɛ ma nimeli nɛ na ní nguanguahi tsuo nɛ Yawɛ tsu ha Israel ɔ na we nɛ a gbo ɔ, a ya nɔ nɛ a sɔmɔ Yawɛ ja nɔuu.

Hosea 2:2

Israel bi ngɛ kaa imi Mawu, ye bimɛ. E ngɛ mi kaa i kɛ Israel be bɔmi kaa nɔ kɛ e yo hu lɛɛ, se kɛ̃ ɔ, nyɛɛ kɛ lɛ nɛ tu, konɛ e kpa gba puɛmi kɛ yahomi ɔ.

La 106:43

Yawɛ je e ma a kɛ je a haomihi a mi si abɔ. Se pee se ɔ, a tsɔɔ e hɛ mi atuã nɛ a ya peeɔ yayamihi nɛ pe kekle ní ɔmɛ po.

La 106:39

A kɛ a ní peemi ble mɛ nitsɛmɛ a he, nɛ Mawu hu a yi lɛ anɔkuale.

La 73:27

Nihi nɛ kua mo ɔ, a hɛ mi ma kpata. Ni nɛmɛ nɛ yi mo anɔkuale ɔ, o ma kpata mɛ tsuo a hɛ mi.

Samuel I, 12:19

nɛ a de Samuel ke, “Kpa Yawɛ, o Mawu ɔ pɛɛ ha wɔ, konɛ wa ko gbo; ejakaa wa na jehanɛ kaa ngɛ wa yayami kpa amɛ a se ɔ, wa pee yayami kaa wa bi ke a ha wɔ matsɛ.”

Samuel I, 12:17

Anɛ pi ngma kpami be ji nɛ ɔ? Se ma tsɛ Yawɛ nɛ e ma ha hiɔwe ma si, nɛ hiɔmi maa nɛ konɛ nyɛ na nyɛɛ le kaa nyɛ pee Yawɛ yayami agbo kaa nyɛ bi ke a ha nyɛ matsɛ.”

Samuel I, 12:12

Se benɛ nyɛ na kaa Amon matsɛ, Nahash ma nyɛ tuami ɔ, nyɛ de mi ke, ‘Dɛbi, ja wa ná matsɛ nɛ e ye wa nɔ,’ be mi nɛ Yawɛ, nyɛ Mawu ɔ ji nyɛ matsɛ.

Yoshua 24:31

Yoshua wami ligbi ɔmɛ tsuo ɔ, ma a sɔmɔ Yawɛ. Yoshua gbenɔ se, be mi nɛ ma nimeli nɛ na ní nguanguahi tsuo nɛ Yawɛ tsu ha Israel ɔ na we nɛ a gbo lolo ɔ, a ya nɔ nɛ a sɔmɔ Yawɛ ja nɔuu.

Yoshua 24:24

Ma a de Yoshua ke, “Wa ma sɔmɔ Yawɛ, wa Mawu ɔ. Wa maa ye e mlaa amɛ a nɔ.”

Mose V, 9:16

I na kaa mlaa a nɛ Yawɛ, nyɛ Mawu ɔ wo nyɛ ɔ, nyɛ tɔ̃ nɔ mo. Nyɛ pee yayami kɛ si Yawɛ, nyɛ Mawu ɔ. Nyɛ ngɔ dade kɛ ya sɔ̃ amaga nɛ ngɛ kaa na bi.

Mose III, 17:7

Enɛ ɔ ma ha Israel bi ɔmɛ maa jɔɔ bɔ sami ha mumi yayamihi nɛ hɛɛ apletsi su nɛ a jee Mawu se nɛ a ya jaa a. Enɛ ɔ maa pee mlaa nɛ fɔɔ si ha mɛ, kɛ a nina kɛ yaa neneene.

Mose II, 32:8

Blɔ nɛ i fa mɛ ke a nyɛɛ nɔ ɔ, a gba kɛ je nɔ momo; a puɛ na bi amaga nɛ a ja lɛ, nɛ a sã bɔ ha lɛ nɛ a de ke, ‘Israel, o mawu ɔ nɛ je mo kɛ je Egipt zugba a nɔ ɔ, lɛ ji nɛ ɔ nɛ!’ ”

Amos 2:4

Yawɛ ke, “Yuda ma mi bi ɔmɛ pee yayamihi nɔtonɔto babauu. A yi imi Yawɛ, ye mlaa amɛ a nɔ fɛɛ. Yaka mawuhi nɛ a nɛmɛ ɔmɛ sɔmɔ ɔ, jamɛ a mawu ɔmɛ nɔuu a se lɛ a ya nyɛɛ. Enɛ ɔ he je ɔ, ja i gbla a tue kokooko.

Mose V, 31:16

Yawɛ de Mose ke, “E be kɛe nɛ o ma gbo; nɛ o gbenɔ se ɔ, Israel ma a be mi anɔkuale yee hu; a be somi nɛ i kɛ mɛ so ɔ nɔ yee. A maa je ye se ya ja ma se mawuhi nɛ ngɛ zugba a nɔ he nɛ a yaa a.

Mose V, 31:18

Jamɛ a be ɔ mi ɔ, i be a he piɛe hu; ejakaa a pee yayami kaa a ya ja mawu kpahi.

Manyadali 8:33

Benɛ Gideon gbo ɔ, Israel bi ɔmɛ kua Mawu ekohu, nɛ a ngɔ Baal Berit ngɔ pee a mawu.

Yeremia 3:6

Benɛ Yosia ngɛ matsɛ yee ɔ, Yawɛ de mi ke, “Tse o na nɔ́ nɛ Israel pee? Israel je ye se nɛ e ya ja mawu kpahi ngɛ yokuhi tsuo nɛ ya hiɔwe a nɔ, kɛ tsohi tsuo nɛ bɔ kusuu a sisi. E ngɛ kaa yo yaholɔ pɛ.

Yeremia 6:16

Yawɛ de e ma a ke, “Nyɛ ya da blɔ gbla nya nɛ nyɛɛ hyɛ. Nyɛ bi nɛ a tsɔɔ nyɛ blema nane blɔ kpakpa amɛ nɛ nyɛɛ nyɛɛ nɔ. Nyɛɛ pee ja, konɛ nyɛ na tue mi jɔmi.” Se ma a he nɔ ke, “Dɛbi, wa be pee fɛɛ!”