Manyadali 2:12 - BAIBLO ALOO NGMAMI KLƆUKLƆU Ɔ

¹² A kua Yawɛ, a nɛmɛ a Mawu ɔ nɛ je mɛ kɛ je Egipt zugba a nɔ ɔ; nɛ a ya nyɛɛ mawu kpahi nɛ ji nihi nɛ bɔle mɛ ɔ a mawu ɔmɛ a se. A ja mɛ, nɛ a kɛ nɔ́ nɛ ɔ wo Yawɛ mi mi la.

Manyadali 2:12 ပူးပေါင်းရင်းမြစ်များ

Mose II, 20:5

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛ mi ɔ, kɛ a bimɛ, kɛ a bibimɛ a tue hluu kɛ yaa si yi nɔ etɛne kɛ eywiɛne bimɛ a nɔ.

Mose V, 29:25

Mɛni he je e mi mi fu wawɛɛ kikɛ nɛ ɔ?’ Heto nɛ a ma na ji, ‘Nɔ́ he je nɛ e ba ja a ji kaa Yawɛ ma a yi somi nɛ a kɛ lɛ, a nɛmɛ a Mawu ɔ so ɔ nɔ. Lɛ ji nɔ nɛ kpaka mɛ kɛ je Egipt ɔ nɛ.

Mose V, 13:5

Se gbalɔ, loo nlami sisi tsɔɔlɔ ko nɛ maa wo nyɛ yi mi ke nyɛɛ te si kɛ si Yawɛ, nyɛ Mawu ɔ nɛ je nyɛ kɛ je Egipt zugba a nɔ, he nɛ nyɛ ye nyɔguɛ ngɛ ɔ, nyɛɛ gbe lɛ. Kikɛmɛ a nɔmlɔ ɔ, e ji nɔmlɔ yayami nɛ ngɛ nyɛ kae kaa e maa mlɔɔ nyɛ kɛ je si himi kpakpa nɛ Yawɛ fa nyɛ ke nyɛɛ hi ɔ he. Nyɛɛ gbe lɛ, konɛ nɔ́ yayami nɛ ɔ ko hi nyɛ kpɛti hu.

Mose V, 29:18

Nyɛ nɛ nyɛ daa si ngɛ hiɛ ɔ mwɔnɛ ɔ, nyɛɛ hyɛ saminya nɛ nɔ ko nɔ ko kó je Yawɛ, wa Mawu ɔ se kɛ ya ja ma je li a mawu ɔmɛ, nyumu jio, yo jio, weku jio, wɛtso jio. Nɔ́ nɛ ɔ ngɛ kaa tso sipoku nɛ maa wa, nɛ maa ngɔ e duɔ kɛ gbla haomi kɛ ba nyɛ nɔ.

Mose V, 5:9

Ko kpla si ha mɛ, nɛ ko ja mɛ hulɔ; ejakaa imi Yawɛ, o Mawu ɔ, a kɛ mi plee we nɔ́ he. I gblaa ni nɛmɛ nɛ nyɛɛɔ mi ɔ, kɛ a bimɛ, kɛ a bibimɛ a tue hluu kɛ ya siɔ yi nɔ etɛne kɛ eywiɛne bimɛ a nɔ;

Manyadali 5:8

Benɛ Israel bi ɔmɛ ya hla mawu hehi ɔ, ta te si ngɛ zugba a nɔ. Se Israel nyumuhi akpe nyingmi eywiɛ ɔmɛ ɔ, a nɛ tsɛ̃i, loo akplɔ ngɛ nɔ kake po dɛ mi.

Mose V, 33:17

Yosef he wa kaa na ku; se e tsuɔ ní kaa na yo nɛ hɛ mi wo la. E he wami ɔ bɔbɔyoo pɛ lɛ ngɛ Manase; se hiɛhiɛɛ ɔ ngɛ Efraim. Yosef buaa a nya kɛ fieɔ a he nyɛli ɔmɛ kɛ yaa se lokoo kaa bɔ nɛ na kɛ e kolihi siɔ nɔ ɔ.”

Mose V, 32:15

“Yawɛ ma a na ní kpɔtɔɔ; kɛkɛ nɛ a tsɔ atuã; a ye ní kpakpa nɛ a tɔ saminya. Se a je Mawu nɛ ji a bɔlɔ ɔ he, nɛ a kua a yi wami helɔ nɛ se be ɔ.

Manyadali 8:33

Benɛ Gideon gbo ɔ, Israel bi ɔmɛ kua Mawu ekohu, nɛ a ngɔ Baal Berit ngɔ pee a mawu.

Manyadali 10:11

Yawɛ de Israel ma a ke, “Egipt, Amor, Amon, Filisti,

La 78:58

A kɛ a jami he ɔmɛ wo e mi mi la, nɛ a we amaga amɛ ha nɛ e pee kaa hunga jelɔ.

La 106:36

A sɔmɔ a we amaga amɛ, nɛ enɛ ɔ ha nɛ a kpa Mawu se nyɛɛmi.

Mose II, 13:3

Mose de ma a ke, “Nyɛ kai kikɛmɛ a ligbi nɛ ɔ nɛ nyɛ hia kɛ je Egipt, kɛ je nyɔguɛ yemi sisi ɔ. Ligbi nɛ ɔ nɛ Yawɛ kɛ he wami kpetekpleenyɛ je nyɛ kɛ je lejɛ ɔ nɛ. Nyɛ ko ye masa ní ngɛ ligbi nɛ ɔ nɔ.

Mose II, 13:9

Nɛ enɛ ɔ maa pee kaa okadi ngɛ nyɛ nine he, kɛ nyɛ hɛ nya, konɛ Yawɛ mlaa a nɛ hi nyɛ nya daa; ejakaa he wami kpetekpleenyɛ nɛ Yawɛ kɛ je nyɛ kɛ je Egipt.

Mose II, 13:14

Hwɔɔ se ke nɔ ko binyumu bi lɛ ke mɛni ji kusumi nɛ ɔ sisi ɔ, e de lɛ ke, ‘Yawɛ kɛ he wami kpetekpleenyɛ je wɔ kɛ je nyɔguɛ yemi sisi ngɛ Egipt.

Mose II, 13:16

Kusumi nɛ ɔ maa pee okadi ngɛ o nine he, kɛ o hɛ nya, ejakaa he wami kpetekpleenyɛ nɛ Yawɛ kɛ je wɔ kɛ je Egipt.’ ”

Mose V, 4:25

“Ke nyɛ se kɛ ngɛ zugba a nɔ, nɛ nyɛ ná bimɛ, kɛ bibimɛ ɔ, nyɛ ko pee yayami kaa nyɛ maa puɛ amaga ko nɛ ngɛ su ko kulaa ha nyɛ he. E ji yayami agbo ngɛ Yawɛ hɛ mi nɛ ma ha e mi mi maa wo la.

Mose V, 6:12

nyɛɛ hyɛ nɛ hi, nɛ nyɛ hɛ ko je Yawɛ nɔ. Ejakaa lɛ nɛ je nyɛ kɛ je Egipt zugba a nɔ, he nɛ a ye nyɛ nyɔguɛ ngɛ ɔ.

Yeremia 16:11

Ke a bi mo ja a, de mɛ ke, Yawɛ ke, ‘Nyɛ nɛmɛ ɔmɛ je ye se nɛ a ya ja mawu kpahi, nɛ a sɔmɔ mɛ. A kua mi, nɛ ye mlaa amɛ hu a yi nɔ.