Manyadali 2:10 - BAIBLO ALOO NGMAMI KLƆUKLƆU Ɔ

¹⁰ Jamɛ a yi nɔ bi ɔmɛ tsuo kulaa hu ba gbo. Nɛ yi nɔ kpa bimɛ nɛ ba ngɛ a se ɔ, mɛɛ lɛɛ a li Yawɛ, kɛ ní tsumi nɛ e tsu ha Israel ɔ.

Manyadali 2:10 ပူးပေါင်းရင်းမြစ်များ

Mose I, 15:15

Mo nitsɛ lɛɛ o maa hi si kɛ yaa si o maa bwɔ kotokoto, nɛ o ma gbo ngɛ he jɔmi mi, nɛ a maa pu mo.

Mose I, 25:17

Ishmael ye jeha lafa kɛ nyingmi etɛ kɛ kpaago nɛ e gbo.

Mose I, 49:33

Benɛ Yakob ka e bimɛ ɔmɛ kita a gbe nya a, e ya hwɔ si ekohu, nɛ e gbo.

Samuel II, 7:12

Ke o gbo, nɛ a ya dla mo ngɛ o nɛmɛ ɔmɛ a hwɔ he ɔ, ma tle nɔ ko si ngɛ o se, nɛ ji mo nitsɛ o mi mi bi; nɛ ma to e matsɛ yemi ɔ sisi.

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

Hiob 21:14

Yayami peeli deɔ Mawu ke e je a nɔ, ejakaa a hla we e blɔ ɔmɛ nɛ a le.

Mose II, 1:6

Be ko se ɔ, Yosef kɛ e nyɛmimɛ ɔmɛ, kɛ jamɛ a yi nɔ bi ɔmɛ tsuo ba gbo.

Mose II, 1:8

Jehanɛ ɔ, matsɛ he ko ba bɔni tsɛ yemi ngɛ Egipt, nɛ lɛɛ e li Yosef.

Mose II, 5:2

Se Farao ɔ bi mɛ ke, “Mɛnɔ ji jamɛ a Yawɛ ɔ? Mɛni he je nɛ e sa kaa ma bu e gbi tue nɛ ma ha Israel nɛ ho ɔ? I li Yawɛ nɛ ɔ, nɛ pohu i be hae nɛ a ya.”

Yesaya 5:12

Nyɛ tsɛɔ ní yemi nɛ nyɛ nuɔ dã; nyɛ fiaa saku, nɛ nyɛ nyaa; nyɛ kpaa bɛ, nɛ nyɛ hii miɛ. Se akɛnɛ nɔ́ nɛ Yawɛ ngɛ pee ɔ lɛɛ nyɛ susuu we he kulaa he je ɔ,

Yeremia 22:16

E ye ohiatsɛmɛ, kɛ nɔ́ nali a sane ha mɛ, nɛ e nɔ́ tsuaa nɔ́ ya nɔ bɔ nɛ sa. Anɛ pi enɛ ɔ peemi ji Yawɛ lemi lo?

Yeremia 31:34

Nɔ ko pa be e nyɛmi, loo e he nɔ ko tsɔɔe hu ke e le Yawɛ, ejakaa nɔ tsuaa nɔ maa le mi, kɛ je jokuɛyo pe kulaa nɔ kɛ yaa si nɔkɔtɔma pe kulaa nɔ. Ma ngɔ a he yayami ɔmɛ kɛ pa mɛ, nɛ a ní yayami ɔmɛ hu i be kaie hu. Imi, Yawɛ lɛ i de.”

Yeremia 9:2

I ná nɛ i ngɛ hi he ko ngɛ nga a nɔ kaa nibwɔhi a to he kikɛ nɛ ɔ; jinɛ i ko je ye ma mi bi ɔmɛ a he kulaa nɛ i ya hi lejɛ ɔ banee! Ejakaa a ngɛ kaa yaholi; nimli yayamihi ji mɛ tsuo pɛpɛɛpɛ; a yi mi anɔkuale.

Yeremia 9:3

Daa nɛ ɔ, a duɔ a lilɛ nya ngɔ to kaa kɛ̃ɛ̃ nɛ a dɔ mi nɛ a ma tsɛ̃. Lakpa, kɛ sisimi sɔuu ji zugba a nɔ; anɔkuale be. Yawɛ ke, “Ye ma mi bi ɔmɛ peeɔ yayami nɔtonɔto; se imi lɛɛ a li mi kaa a Mawu.”

Yeremia 9:5

Nɔ tsuaa nɔ ngɛ e nyɛmi sisie, nɛ nɔ ko nɔ ko tu we anɔkuale. A lilɛ be kɛ lakpa yemi, nɛ a kplɛɛ we kaa a ma kpa yayami peemi.

Mose IV, 27:13

Ke o hyɛ ta a, mo hu o ma gbo kaa bɔ nɛ o nyɛminyumu Aaron gbo ɔ;

Luka 20:32

Pee se ɔ, yo ɔ hu ba gbo.

Ni Tsumi 13:36

David ɔ, benɛ e tsu nɔ́ nɛ Mawu to ha lɛ ke e ba tsu ngɛ e be ɔ mi gbe nya a, e gbo, nɛ a pu lɛ ngɛ he nɛ a pu e nɛmɛ ɔmɛ ngɛ ɔ, nɛ e puɛ.

Mose V, 31:16

Yawɛ de Mose ke, “E be kɛe nɛ o ma gbo; nɛ o gbenɔ se ɔ, Israel ma a be mi anɔkuale yee hu; a be somi nɛ i kɛ mɛ so ɔ nɔ yee. A maa je ye se ya ja ma se mawuhi nɛ ngɛ zugba a nɔ he nɛ a yaa a.

2 Tesalonikabi 1:8

kɛ la nɛ ngɛ tsoe plamplam. Nihi nɛ li Mawu, kɛ ni nɛmɛ nɛ bui Nyɔmtsɛ Yesu sane kpakpa a, e kɛ mɛ maa to ní.

Tito 1:16

A deɔ ke a le Mawu, se a ní peepee tsɔɔ we jã. Yakayaka nimli, kɛ atuã tsɔli ji mɛ; a tsu we nɔ́ kpakpa ko gblee.

Yoshua 24:31

Yoshua wami ligbi ɔmɛ tsuo ɔ, ma a sɔmɔ Yawɛ. Yoshua gbenɔ se, be mi nɛ ma nimeli nɛ na ní nguanguahi tsuo nɛ Yawɛ tsu ha Israel ɔ na we nɛ a gbo lolo ɔ, a ya nɔ nɛ a sɔmɔ Yawɛ ja nɔuu.

Samuel I, 2:12

Eli binyumu ɔmɛ ɔ, yakayaka nimli ji mɛ; a bui Yawɛ,