Manyadali 19:9 - BAIBLO ALOO NGMAMI KLƆUKLƆU Ɔ

⁹ Benɛ nyumu ɔ, kɛ e plã a, kɛ e tsɔlɔ ɔ dla nɛ a maa ho ɔ, e ngatsɛ ɔ de lɛ ke, “Hyɛ, du bu ta; nyɛɛ hwɔ hiɛ ɔ! O nɛ, je jɔ; nyɛɛ hwɔ hiɛ ɔ kɛ yaa si je maa na, nɛ o bua nɛ jɔ o he; konɛ nyɛɛ te si hwɔɔ mɔtu mla, nɛ nyɛ pue nɔ kɛ ho o ma a mi ya.”

Manyadali 19:9 ပူးပေါင်းရင်းမြစ်များ

Luka 24:29

Se a nyɛ e nɔ, nɛ a de lɛ ke, “Ba to wɔ; ejakaa je ngɛ jɔe, nɛ e piɛ bɔɔ nɛ du ma bu.” Nɛ e kɛ mɛ ho, nɛ e ya to mɛ.

Abɛ Womi 27:1

Koo fĩa kɛ fɔ hwɔɔ nɔ, ejakaa kɛ je mwɔnɛ ɔ kɛ yaa si hwɔɔ ɔ, o li nɔ́ nɛ maa ba ngɛ mi.

Manyadali 19:6

Kɛkɛ nɛ nyumu ni enyɔ ɔmɛ hi si nɛ a ye ní, nɛ a nu dã; nɛ yo ɔ tsɛ ɔ de nyumu ɔ ke, “Moo hwɔ hiɛ ɔ gbɔkuɛ nɛ ɔ hulɔ, nɛ o na bua jɔmi.”

Manyadali 19:8

Ligbi nɛ ji enuɔ ɔ, e te si mɔtu kpla konɛ e hia blɔ ɔ. Se yo ɔ tsɛ ɔ de lɛ ke, “Moo wo o nya mi nɔ́ ko, nɛ o mlɛ kɛ yaa si gbɔkuɛ.” Nɛ mɛ ni enyɔ ɔmɛ tsuo a ye ní.

Manyadali 19:10

Se nyumu ɔ kplɛɛ we kaa e maa hwɔ lejɛ ɔ jamɛ a ligbi ɔ. E kɛ e plã a, e tsɔlɔ ɔ, kɛ teji enyɔ ɔmɛ nɛ a wo a nɔ ní ɔ pue nɔ kɛ ya si a ya su Yebus (nɛ ji Yerusalem) hanɔ.

Rut Womi 3:7

Benɛ Boaz ye ní nɛ e nu nɔ́ ko, nɛ e bua jɔ e he ɔ, e ho nɛ e ya hwɔ si ngɛ ngma nɛ a bua nya a kasa nya. Rut pee blɛuu nɛ e ya kpa bo ngɛ e nane he, nɛ e hwɔ lejɛ ɔ.

Samuel II, 13:28

Absalom fa e tsɔli ɔmɛ ke, “Ke Amnon nu wai nɛ e bua jɔ e he ɔ, nyɛɛ hi lɛ huɔe konɛ ke i de ke, ‘Nyɛɛ fia Amnon nɔ́,’ pɛ nɛ nyɛɛ gbe lɛ. Imi nɛ i fa nyɛ ɔ nɛ. Nyɛ ko ye gbeye! Nyɛɛ pee kã; nɛ nyɛ ha nɛ a na kaa nyumuhi ji nyɛ.”