Manyadali 19:6 - BAIBLO ALOO NGMAMI KLƆUKLƆU Ɔ

⁶ Kɛkɛ nɛ nyumu ni enyɔ ɔmɛ hi si nɛ a ye ní, nɛ a nu dã; nɛ yo ɔ tsɛ ɔ de nyumu ɔ ke, “Moo hwɔ hiɛ ɔ gbɔkuɛ nɛ ɔ hulɔ, nɛ o na bua jɔmi.”

Manyadali 19:6 ပူးပေါင်းရင်းမြစ်များ

Manyadali 19:9

Benɛ nyumu ɔ, kɛ e plã a, kɛ e tsɔlɔ ɔ dla nɛ a maa ho ɔ, e ngatsɛ ɔ de lɛ ke, “Hyɛ, du bu ta; nyɛɛ hwɔ hiɛ ɔ! O nɛ, je jɔ; nyɛɛ hwɔ hiɛ ɔ kɛ yaa si je maa na, nɛ o bua nɛ jɔ o he; konɛ nyɛɛ te si hwɔɔ mɔtu mla, nɛ nyɛ pue nɔ kɛ ho o ma a mi ya.”

Rut Womi 3:7

Benɛ Boaz ye ní nɛ e nu nɔ́ ko, nɛ e bua jɔ e he ɔ, e ho nɛ e ya hwɔ si ngɛ ngma nɛ a bua nya a kasa nya. Rut pee blɛuu nɛ e ya kpa bo ngɛ e nane he, nɛ e hwɔ lejɛ ɔ.

Ester 1:10

Ligbi nɛ ji kpaago ɔ, benɛ matsɛ ɔ nu dã nɛ e bua jɔ saminya a, e tsɛ e he buli kpaago ɔmɛ nɛ a puɛ mɛ ɔ. Mɛ ji Mehunan, Bizta, Habona, Bigta, Abagta, Zeta, kɛ Kakas.

Kpojemi 11:13

Jamɛ a be ɔ nɔuu ɔ, zugba mimiɛ wawɛɛ; ma a mi dlami nyɔngma mi kake hɛ mi kpata, nimli akpe kpaago gbo, nɛ ni nɛmɛ nɛ piɛ ɔ ye gbeye, nɛ a wo Mawu nɛ ngɛ hiɔwe ɔ hɛ mi nyami.

Kpojemi 11:10

Nihi tsuo ngɛ je nɛ ɔ mi ɔ ma nya kaa nimli enyɔ nɛ ɔmɛ gbo. A tsui maa nɔ a mi, nɛ a maa ke a sibi ní, ejakaa jamɛ a gbali enyɔ ɔmɛ ngɔ haomi babauu kɛ ba je ɔ mi.

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Luka 12:19

Kɛkɛ ɔ, ma de ye klaa ke, o he ngɛ ní loo! O ngɛ ní babauu nɛ a ngɔ to ha mo jehahi fuu. Fiɛ o yi nɔ bɔɔ! Yé ní, nɛ o nu ní, nɛ o na bua jɔmi!’

La 104:15

O haa lɛ dã nɛ ma ha lɛ bua jɔmi, nu nɛ ma ha nɛ e he womi nɔ ma tsɔ, kɛ niye ní nɛ maa wo lɛ he wami.

Samuel I, 25:36

Benɛ Abigail kpale e se kɛ ba we ɔ mi ɔ, o nɛ Nabal nɛ ngmɛ okplɔɔ kaa matsɛ. Nabal de dã kpɔtɔɔ, nɛ e bua jɔ e he, lɔ ɔ he ɔ, Abigail bɔɛ lɛ amaniɛ ko kɛ ya si je na.

Manyadali 9:27

A ya nga a nɔ nɛ a ya kplɔ wai yiblii ngɛ wai ngmɔ ɔmɛ a mi kɛ ba pee dã; nɛ a fiɛ nɛ a na bua jɔmi saminya. Lɔ ɔ se ɔ, a ya ye ní nɛ a nu dã ngɛ a mawu ɔ we ɔ; nɛ a jɛ Abimelek saminya ngɛ lejɛ ɔ.

Manyadali 19:7

Benɛ Levi no ɔ te si nɛ e maa je ɔ, e ngatsɛ ɔ hɛɛ mi hluu nɛ e tsi e nya nɛ e hwɔ lejɛ ɔ ekohu.

Samuel II, 13:28

Absalom fa e tsɔli ɔmɛ ke, “Ke Amnon nu wai nɛ e bua jɔ e he ɔ, nyɛɛ hi lɛ huɔe konɛ ke i de ke, ‘Nyɛɛ fia Amnon nɔ́,’ pɛ nɛ nyɛɛ gbe lɛ. Imi nɛ i fa nyɛ ɔ nɛ. Nyɛ ko ye gbeye! Nyɛɛ pee kã; nɛ nyɛ ha nɛ a na kaa nyumuhi ji nyɛ.”

Matsɛmɛ I, 21:7

Ahab yo Yezebel bi lɛ ke, “Mo ji Israel matsɛ ɔ, aloo pi mo?” E ya nɔ de lɛ ke, “Tee si nɛ o ye ní, nɛ o ná bua jɔmi; ma ngɔ Yezreel no, Nabot wai ngmɔ ɔ kɛ ha mo!”