Manyadali 19:5 - BAIBLO ALOO NGMAMI KLƆUKLƆU Ɔ

⁵ Ligbi nɛ ji eywiɛ ɔ, a te si mɔtu kpla nɛ a dla konɛ a pue blɔ, se yo ɔ tsɛ ɔ de e ngatsɛ ɔ ke, “Moo mlɛ nɛ o wo o nya mi nɔ́ ko loko o ho.”

Manyadali 19:5 ပူးပေါင်းရင်းမြစ်များ

Manyadali 19:8

Ligbi nɛ ji enuɔ ɔ, e te si mɔtu kpla konɛ e hia blɔ ɔ. Se yo ɔ tsɛ ɔ de lɛ ke, “Moo wo o nya mi nɔ́ ko, nɛ o mlɛ kɛ yaa si gbɔkuɛ.” Nɛ mɛ ni enyɔ ɔmɛ tsuo a ye ní.

Mose I, 18:5

I kɛ niye ní bɔbɔyoo ko hu ma ba ha nyɛ nɛ nyɛɛ ye, konɛ nyɛ na he wami nɛ nyɛ kɛ tsa nyɛ nyɛɛmi ɔ nɔ. Nyɛ wo ye hɛ mi nyami kaa nyɛ ba ye we ɔ mi; lɔ ɔ he ɔ, nyɛ ha ma sɔmɔ nyɛ.” A he nɔ ke, “Saminya! Pee kaa bɔ nɛ o de ɔ.”

Ni Tsumi 9:19

Benɛ e ye ní ɔ, e na he wami. Saulo kɛ Yesu se nyɛɛli ɔmɛ nɛ ngɛ Damasko ɔ hi si ligbi bɔɔ ko.

Yohane 4:34

Yesu de mɛ ke, “Ye niye ní ji kaa ma pee nɔ nɛ tsɔ mi ɔ suɔmi nya ní; nɛ́ nɔ́ nɛ e tsɔ mi tsumi ɔ, ma gbe nya.

La 104:15

O haa lɛ dã nɛ ma ha lɛ bua jɔmi, nu nɛ ma ha nɛ e he womi nɔ ma tsɔ, kɛ niye ní nɛ maa wo lɛ he wami.

Matsɛmɛ I, 13:7

Enɛ ɔ se ɔ, matsɛ ɔ de gbalɔ ɔ ke, “Ha waa ho we mi ya nɛ o ya wo o nya mi nɔ́ ko. Ma wo mo nɔ́ nɛ o pee ha mi nɛ ɔ he hiɔ.”

Samuel I, 30:12

Lɔ ɔ se ɔ, a ha lɛ ngmɔkɔ kɛ wai yiblii sau enyɔ nɛ e ye, kɛkɛ nɛ e hɛ mi tsɔ lɛ; ejakaa e yi ní, nɛ e nui nyu ligbi etɛ sɔuu.

Manyadali 19:4

E ngatsɛ ɔ tsi e nya, nɛ e ye ligbi etɛ ngɛ e ngɔ. A ye ní, nɛ a nu dã, nɛ a hwɔ lejɛ ɔ.