Manyadali 19:20 - BAIBLO ALOO NGMAMI KLƆUKLƆU Ɔ

²⁰ Nɔmoyo ɔ de ke, “Nyɛ hee! Mawu nɛ gbaa nyɛ! Nɔ́ tsuaa nɔ́ nɛ maa hia nyɛ ɔ, ma pee ha nyɛ; se magbɛ ɔ nɔ kɛkɛ nɛ nyɛ ko hwɔ.”

Manyadali 19:20 ပူးပေါင်းရင်းမြစ်များ

Manyadali 6:23

Se Yawɛ de lɛ ke, “He jɔmi ha mo. Koo ye gbeye; o be gboe!”

1 Yohane 3:18

Ye bimɛ nɛ i suɔ! Ke wa ke wa suɔ nɔ ko ɔ, wa ko de kɛ nya kɛkɛ; wa suɔmi ɔ nɛ pee anɔkuale suɔmi nɛ jee kpo ngɛ ní peemi mi.

1 Petro 4:9

Nyɛ he nyɛ sibi atuu ngɛ nyɛ wehi a mi, nɛ nyɛ ko de ke nɔ́ nɛ ɔ peemi wa tsɔ.

Hebribi 13:2

Nyɛ ko jɔɔ nibwɔ peemi hulɔ, ejakaa nibwɔ peemi nɔ nɛ ni komɛ gu kɛ he hiɔwe bɔfohi atuu nɛ a li tete.

Galatabi 6:6

Nɔ nɛ a ngɛ lɛ ní tsɔɔe ɔ, kɛ e tsɔɔlɔ ɔ nɛ dla ní kpakpahi nɛ e ngɛ ɔ.

1 Korintobi 1:3

Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ.

Romabi 12:13

Ni klɔuklɔu ɔmɛ nɛ e fi mɛ ɔ, nyɛɛ ye bua mɛ; nɛ nyɛɛ bɔ nibwɔ peemi he mɔde.

Yohane 14:27

“I ngɛ nyɛ sie kɛ he jɔmi. Imi nitsɛ ye he jɔmi i ngɛ sie ha nyɛ. Pi bɔ nɛ je ɔ haa a nɛ i kɛ ngɛ nyɛ hae ɔ. Nyɛ ko ye nyɛ tsui; nɛ nyɛ ko je fɔ̃ hulɔ.

Kronika I, 12:18

Tlukaa a, Mawu mumi ɔ ba a ti nɔ kake nɔ. A tsɛɛ lɛ Amasai, nɛ lɛ ji nɔ nɛ ba pee ta buli “Nyingmi etɛ ɔmɛ” a nyatsɛ. Amasai kpa ngmlaa, nɛ e de ke, “Ishai binyumu David lee! Wa ngɛ o se oo, wa ngɛ o se! David lee, mo he manye, mo he manye! David he piɛli, nyɛ he manye, nyɛ he manye! Ejakaa, o Mawu ɔ piɛɔ o he.” Kɛkɛ nɛ David he mɛ, nɛ e pee mɛ e we asafoatsɛmɛ.

Samuel I, 25:6

nɛ a de lɛ ke, “He manye, ye nyɛmi. He jɔmi nɛ ba o we ɔ, kɛ o nɔ́ tsuaa nɔ́ nɔ.