Manyadali 18:6 - BAIBLO ALOO NGMAMI KLƆUKLƆU Ɔ

⁶ Osɔfo ɔ de mɛ ke, “Nyɛɛ ya kɛ manye! Yawɛ maa bu nyɛ he ngɛ blɔ ɔ nɔ.”

Manyadali 18:6 ပူးပေါင်းရင်းမြစ်များ

Matsɛmɛ I, 22:6

Kɛkɛ nɛ Ahab ya kpee gbali ɔmɛ kɛ ba, maa pee nimli lafa eywiɛ, nɛ e bi mɛ ke, “Ma ya nɛ ma ya tua Ramot Gilead, loo ma ko ya?” A he nɔ ke, “Yaa, Yawɛ maa ngɔ ma a kɛ wo o dɛ mi.”

1 Tesalonikabi 3:11

Wa Tsɛ Mawu ɔ nitsɛ, kɛ wa Nyɔmtsɛ Yesu nɛ a bli blɔ ha wɔ nɛ waa ba nyɛ ngɔ ekohu.

Yeremia 23:32

Nyɛɛ bu nɔ́ nɛ imi Yawɛ, i ngɛ dee ɔ tue! Gbali nɛ sɛɛɔ lakpa nlami ɔ, i kɛ mɛ ná. A sɛɛɔ kikɛmɛ a nlami nɛ ɔmɛ, nɛ a kɛ lakpa yemi, kɛ fiami kpataa ye ma a nane. I tsɔ we mɛ, nɛ i fa we mɛ ke a ya tsu nɔ́ ko kaa kikɛ nɛ ɔ; a he be se nami ko kulaa kɛ ha ma a. Imi, Yawɛ lɛ i de.”

La 33:18

Nihi nɛ yeɔ Yawɛ gbeye; nihi nɛ ngɔɔ a hɛ ngɔ fɔɔ e nɔ kaa e na mɛ mɔbɔ ɔ, Yawɛ buu a he.

Matsɛmɛ I, 22:15

Benɛ Mikaya ba su Matsɛ Ahab ngɔ ɔ, matsɛ ɔ bi lɛ ke, “Mikaya, anɛ i kɛ Matsɛ Yehoshafat waa ya nɛ wa ya tua Ramot Gilead, aloo wa ko ya?” Mikaya he nɔ ke, “Yawɛ ngɔ ma a kɛ wo o dɛ mi; yaa nɛ o ya tua ma a, nɛ o maa ye kunimi.”

Matsɛmɛ I, 22:12

Gbali kpa amɛ tsuo gba kikɛ nɛ ɔ nɔuu, nɛ a de ke, “Yawɛ maa ngɔ Ramot Gilead kɛ wo o dɛ mi; yaa nɛ o ya tua ma a, nɛ o maa ye kunimi.”

Mose V, 11:12

Yawɛ, nyɛ Mawu ɔ baa zugba nɛ ɔ yi, nɛ e buu he jeha a mi tsuo.

Manyadali 18:5

A de lɛ ke, “Wa kpa mo pɛɛ, mo bi Mawu ha wɔ kaa blɔ nɛ wa hia nɛ ɔ maa pee jɔjɔɛ ha wɔ lo.”

Manyadali 18:7

Kɛkɛ nɛ nyumu ni enuɔ ɔmɛ je lejɛ ɔ, nɛ a pue nɔ kɛ ho Laish ya. A na kaa lejɛ ɔ ma a mi bi ɔmɛ a he mi jɔ mɛ kaa Sidon bi ɔmɛ. A ngɛ kpoo nɛ nɔ́ ko nɔ́ ko pue we a tsui nɔ; a ngɛ níhi babauu, nɛ je nɛ ɔ mi nɔ́ ko nɔ́ ko hia we mɛ. Jehanɛ se hu, a kɛ Sidon bi ɔmɛ a he kɛ, nɛ a kɛ nɔ ko nɔ ko bɔɛ.

Samuel I, 1:17

Eli de lɛ ke, “O kɛ he jɔmi nɛ ya; Israel Mawu ɔ ma ha mo nɔ́ tsuaa nɔ́ nɛ o bi lɛ ɔ.”

Mose II, 4:18

Mose kpale kɛ ho e ngatsɛ Yetro ngɔ ya nɛ e ya de lɛ ke, “I kpa mo pɛɛ, ha mi blɔ nɛ ma kpale kɛ ya Egipt, nɛ ma ya hyɛ kaa ye nyɛmimɛ ɔmɛ ngɛ je mi kɛ mwɔɔ lo.” Yetro de Mose ke, “Blɔ ngɛ faa; blɔ ɔ nɔ nɛ jɔ ha mo.”