Manyadali 18:29 - BAIBLO ALOO NGMAMI KLƆUKLƆU Ɔ

²⁹ A kɛ a tsɛ Dan, Yakob binyumu ɔ biɛ wo ma a; jinɛ sa a, a tsɛɛ ma a ke Laish.

Manyadali 18:29 ပူးပေါင်းရင်းမြစ်များ

Matsɛmɛ I, 15:20

Benhadad kplɛɛ Asa munyu ɔ nɔ, nɛ e tsɔ e tatsɛmɛ ɔmɛ nɛ a ya tua Israel ma amɛ. A ngɔ Iyon, Dan, Abel Bet Maaka, Kinerot, kɛ Naftali zugba amɛ tsuo.

Yoshua 19:47

Benɛ Dan bi ɔmɛ a zugba je a dɛ ɔ, a kuɔ yo ɔ nɛ a ya tua Laish ma a. A gbe ma mi bi ɔmɛ tsuo, nɛ a ngɔ ma a ngɔ pee a nɔ́. A tsake ma a biɛ Laish ɔ, nɛ a ngɔ a nɛ̃, Dan biɛ ngɔ wo ma a.

Mose I, 14:14

Benɛ Abram nu kaa a ba nu e wɔfase Lot kɛ ho ɔ, e kɛ e tsɔli lafa etɛ kɛ nyɔngma kɛ kpaanyɔ nɛ a le ta hwumi hia ta kɛ nyɛɛ matsɛmɛ eywiɛ ɔmɛ a se kɛ ya su Dan tɔɔ.

Manyadali 20:1

Israel ma kpekpemi ɔ tsuo hia, nɛ a ba bua a he nya ngɛ Yawɛ hɛ mi ngɛ Mizpa. A je Dan kɛ ya si Beersheba, kɛ Gilead zugba a hu nɔ.

Samuel II, 17:11

Imi lɛɛ, ga nɛ ma wo mo ji kaa o ha nɛ a bua Israel tsuo nya ha mo kɛ je Dan kɛ yaa si Beersheba. A he nɛ hiɛ babauu kaa wo nya zia, nɛ mo nitsɛ o nyɛɛ a hɛ mi kɛ ya ta a.

Mose I, 32:28

Nyumu ɔ de lɛ ke, “A be o biɛ tsɛe ke Yakob hu. O kɛ Mawu kɛ nimlihi nɔ kunɔ, nɛ o ye kunimi; lɔ ɔ he ɔ, jehanɛ a ma tsɛ mo ke Israel.”

Mose I, 30:6

Rahel wo lɛ biɛ ke Dan, nɛ e de ke, “Mawu wo mi nguɔ. E nu ye kue fami ɔ, nɛ e ha mi binyumu.”

Manyadali 18:7

Kɛkɛ nɛ nyumu ni enuɔ ɔmɛ je lejɛ ɔ, nɛ a pue nɔ kɛ ho Laish ya. A na kaa lejɛ ɔ ma a mi bi ɔmɛ a he mi jɔ mɛ kaa Sidon bi ɔmɛ. A ngɛ kpoo nɛ nɔ́ ko nɔ́ ko pue we a tsui nɔ; a ngɛ níhi babauu, nɛ je nɛ ɔ mi nɔ́ ko nɔ́ ko hia we mɛ. Jehanɛ se hu, a kɛ Sidon bi ɔmɛ a he kɛ, nɛ a kɛ nɔ ko nɔ ko bɔɛ.

Yeremia 8:16

Wa he nyɛli ɔmɛ ba sɛ Dan ma a mi momo. Wa ngɛ a okpɔngɔ ɔmɛ a he nue nɛ a ngɛ a gugwɔ mi flie ngɛ lejɛ ɔ. Ke okpɔngɔ ɔmɛ ngɛ pɛe kikɛ nɛ ɔ, kɛkɛ zugba a tsuo ngɛ mimiɛe. Wa he nyɛli ɔmɛ ba konɛ a ba kpata zugba a hɛ mi, kɛ nɔ́ tsuaa nɔ́ nɛ ngɛ zugba a nɔ, wa ma a, kɛ ma mi bi ɔmɛ tsuo.”

Mose V, 34:1

Kɛkɛ nɛ Mose je Moab nga kplanaa a nɔ, nɛ e ya kuɔ Nebo yo ɔ kɛ ho Pisga yo ɔ yi mi ya, ngɛ Yordan beleku je. Yawɛ kɛ zugba a tsuo pɛpɛɛpɛ tsɔɔ lɛ ngɛ lejɛ ɔ: Gilead zugba muza a tsuo, kɛ ya muɔ Dan ma a ngɛ omleyi je,