Manyadali 18:25 - BAIBLO ALOO NGMAMI KLƆUKLƆU Ɔ

²⁵ Dan bi ɔmɛ de lɛ ke, “Ke o hla we nɛ nimli nɛ ɔmɛ a muklii mi nɛ fu, nɛ a kpata o kɛ o we bi ɔmɛ tsuo nyɛ hɛ mi ɔ, lɛɛ moo pee kɔ̃.”

Manyadali 18:25 ပူးပေါင်းရင်းမြစ်များ

Hiob 3:5

Ha nɛ e pee mɔbɔ ligbi, nɛ je ɔ mi nɛ wo diblii kpii. Ha nɛ bɔku tuu ba ha pu ɔ hɛ mi.

Samuel II, 17:8

Hushai ya nɔ nɛ e de ke, “Mo nitsɛ o le kaa o tsɛ kɛ e we bi ɔmɛ ɔ, katsɛmɛ ji mɛ, nɛ a hɛ mi pee klamaklama kaa osisiblisi nɛ nɔ ko ya muɔ e bimɛ ngɛ nga nɔ. Jehanɛ se hu, o tsɛ ɔ, ta bulɔ kpanaa ji lɛ; e hí e we bi a kpɛti nyɔ mi.

Samuel I, 30:6

David hao wawɛɛ nitsɛ; ejakaa e we bi ɔmɛ a hɛ dɔ ngɛ a bimɛ ɔmɛ nɛ a be ɔ a he. Jehanɛ hu a de ke a maa fia lɛ tɛ. Se Yawɛ, David Mawu ɔ wo lɛ he wami.

Manyadali 18:24

E he nɔ ke, “Nyɛ ba ngɔ ye osɔfo ɔ, kɛ amagahi nɛ i pee ɔ, nɛ nyɛ je kɛ yaa! Mɛni piɛ ha mi? Nɔ́ nɛ ɔ ngɔ nyɛ nya nɛ nyɛ kpale ngɛ mi bie ke, ‘Mɛni ngɛ mo pee?’ ”

Manyadali 18:26

Kɛkɛ nɛ Dan bi ɔmɛ tsa a nyɛɛmi ɔ nɔ. Benɛ Mika na kaa a he wa pe lɛ ɔ, e kpale e se kɛ ho we mi ya.