Manyadali 18:17 - BAIBLO ALOO NGMAMI KLƆUKLƆU Ɔ

¹⁷ Se nyumu ni enuɔ ɔmɛ nɛ ya slaa zugba a, mɛɛ lɛɛ a sɛ we ɔ mi, nɛ a ya ngɔ amaga nɛ a hlɔ nɛ a kɛ sika hiɔ ha he ɔ, kɛ efɔd ɔ, kɛ amaga nɛ a kpɛ́ ɔ, be mi nɛ osɔfo ɔ, kɛ nyumuhi lafa ekpa amɛ nɛ mia kɛ ta hwumi ní ɔ daa si ngɛ agbo ɔ nya a.

Manyadali 18:17 ပူးပေါင်းရင်းမြစ်များ

Manyadali 18:14

Kɛkɛ nɛ nyumu ni enuɔ ɔmɛ nɛ ya slaa Laish zugba a de a nyɛmimɛ ɔmɛ ke, “Anɛ nyɛ le kaa efɔd, kɛ amaga nɛ a kpɛ́, kɛ amaga nɛ a hlɔ nɛ a kɛ sika hiɔ ha he ngɛ we ɔ kake mi lo? Lɔ ɔ he ɔ, nyɛɛ hyɛ bɔ nɛ nyɛ maa pee ha!”

Manyadali 18:2

Lɔ ɔ he ɔ, Dan bi ɔmɛ hla nyumuhi katsɛmɛ enuɔ kɛ je a wɛtso ɔ mi, nɛ a tsɔ mɛ kɛ je Zora kɛ Eshtaol nɛ a ya slaa zugba a. Benɛ a su Efraim yo ɔ nɔ ɔ, a ya to Mika we ɔ mi.

Mika 5:13

Ma ywia nyɛ amaga amɛ, nɛ ma hule nyɛ wɔ piɛ ɔmɛ; nyɛ be níhi nɛ nyɛ nitsɛmɛ nyɛ pee kɛ nyɛ nine sɔmɔe hu.

Yesaya 46:7

A ngɔɔ amaga a ngɔ fɔɔ a konɔ; a kɛ ya maa si ngɛ he ko, nɛ e nyɛ we nɛ e mimiɛɔ e he po kɛ je he nɛ e maa si ngɛ ɔ! Ke nɔ ko fa kue ha lɛ ɔ, e nyɛ we nɛ e haa lɛ heto, nɛ e nyɛ we nɛ e jeɔ nɔ ɔ kɛ jeɔ haomi mi hulɔ.

Samuel I, 4:11

A kpɔ Mawu somi daka a, nɛ Hofni kɛ Finehas, Eli binyumu enyɔ ɔmɛ hu gbo.

Manyadali 6:31

Se Yoash de ni ɔmɛ tsuo nɛ ba bɔle lɛ ɔ ke, “Baal he nɛ nyɛ ngɛ pɛe nɛ ɔ? Baal he nɛ nyɛ ngɛ fae nɛ ɔ? Nɔ tsuaa nɔ nɛ ngɛ Baal he pɛe ɔ, a maa gbe lɛ loko je maa na. Baal ɔ, ke mawu ji lɛ ɔ, nyɛ ha e fa lɛ nitsɛ e he; e bɔ sami la tɛ lɛ a ywia a nɛ!”

Mose II, 32:20

E wo na bi ɔ nɛ a pee ɔ, nɛ e mɛ he la, nɛ e sile. Lɔ ɔ se ɔ, e wɛɛ lɛ nɛ e pee mamu bukɔbukɔ, nɛ e ngɔ fĩa nyu hɛ mi, nɛ e ngɔ ha Israel bi ɔmɛ nɛ a nu.

Mose I, 31:19

Jamɛ a be ɔ mi ɔ, Laban ho e to ɔmɛ a he bwɔmi sami ya; nɛ benɛ e be we ɔ mi ɔ, Rahel ju e tsɛ wɔ ɔmɛ.

Mose I, 31:30

I le kaa o hɛ ngɛ jae ngɛ we he, nɛ lɔ ɔ he o je ɔ nɛ. Se mɛni he je o ju ye wɔ ɔmɛ kɛ je?”

Manyadali 18:16

Dan bi lafa ekpa amɛ nɛ mia kɛ ta hwumi ní ɔmɛ ɔ daa si ngɛ agbo ɔ nya.

Manyadali 18:18

Benɛ ni ɔmɛ ya sɛ Mika we ɔ mi, nɛ a ya ngɔ tso amaga nɛ a hlɔ nɛ a kɛ sika hiɔ ha he ɔ, kɛ efɔd ɔ, kɛ amaga nɛ a kpɛ́ ɔ, osɔfo ɔ bi mɛ ke, “Mɛni nyɛ ngɛ pee nɛ ɔ?”

Samuel I, 19:13

Enɛ ɔ se ɔ, Mikal ngɔ amaga ko kɛ fɔ sa a nɔ, nɛ e ngɔ sɔnue nɛ a kɛ apletsi he bwɔmi pee fɔ e yi je, nɛ e ngɔ bo ha he.

Yesaya 41:29

Nyɛɛ hyɛ, mawu nɛ ɔmɛ tsuo pi nɔ́ ko nɔ́ ko kulaa; a nyɛ we nɔ́ ko kpakpa nɛ a tsu. Amaga amɛ nɛ a puɛ ɔ, a he be se nami; a ngɛ kaa kɔɔhiɔ kɛkɛ.”

Ezekiel 21:21

Babilonia matsɛ ɔ ma ba da si ngɛ blɔ gbla a nya, konɛ e kla kɛ hla blɔ nɛ e maa gu. E ma huanya e kɛ̃ɛ̃ mi bi ɔmɛ; e ma bi ní ngɛ amaga amɛ a ngɔ, nɛ e maa hyɛ lohwe nɛ a gbe ɔ fafali mi.

Hosea 3:4

Kikɛ nɛ ɔ Israel bi hu maa hi si be babauu nɛ a be matsɛmɛ, loo hɛ mi nyɛɛli. Bɔ sami, kɛ tɛ titimahi a jami se maa po; nɛ amagahi, kɛ níhi nɛ a kɛ klaa a, ekoeko be si hie hu.