Manyadali 18:10 - BAIBLO ALOO NGMAMI KLƆUKLƆU Ɔ

¹⁰ Ke nyɛ ya a, nyɛ maa na zugba agbo ko kɛ e mi nimli nɛ nɔ́ ko nɔ́ ko pee we mɛ kɔmɔ. Niinɛ, zugba, he nɛ je nɛ ɔ mi nɔ́ ko nɔ́ ko hia we ngɛ ɔ, jamɛ a zugba a ji zugba nɛ Mawu ngɔ kɛ wo nyɛ dɛ mi nɛ ɔ nɛ.”

Manyadali 18:10 ပူးပေါင်းရင်းမြစ်များ

Manyadali 18:27

Benɛ Dan bi ɔmɛ a nine su ní ɔmɛ nɛ Mika pee ɔ, kɛ e osɔfo ɔ a nɔ ɔ, a ho nɛ a ya tua Laish ma kɛ e mi bi kpoo nɛ nɔ́ ko nɔ́ ko pue we a tsui nɔ ɔ ngɛ Bet Rehob bi ɔmɛ a kɔ̃ ɔ mi. A kɛ klaate gbe ma a mi bi ɔmɛ, nɛ a mɛ ma a he la. Nɔ ko nɔ ko ji ngmlaa ha mɛ, ejakaa Laish kɛ Sidon he kɛ, nɛ jehanɛ hu, a kɛ nɔ ko nɔ ko be bɔmi. Dan bi ɔmɛ dla po ma a, nɛ a hi lejɛ ɔ.

Manyadali 18:7

Kɛkɛ nɛ nyumu ni enuɔ ɔmɛ je lejɛ ɔ, nɛ a pue nɔ kɛ ho Laish ya. A na kaa lejɛ ɔ ma a mi bi ɔmɛ a he mi jɔ mɛ kaa Sidon bi ɔmɛ. A ngɛ kpoo nɛ nɔ́ ko nɔ́ ko pue we a tsui nɔ; a ngɛ níhi babauu, nɛ je nɛ ɔ mi nɔ́ ko nɔ́ ko hia we mɛ. Jehanɛ se hu, a kɛ Sidon bi ɔmɛ a he kɛ, nɛ a kɛ nɔ ko nɔ ko bɔɛ.

1 Timoteo 6:17

Niatsɛmɛ nɛ ngɛ nyɛ kpɛti ɔ, nyɛɛ a nɔ nɛ a ko wo a he nɔ. Á ko ngɔ a hɛ ngɔ fɔ ní nɛ a na a nɔ, ejakaa ní nami se maa po. Á ngɔ a hɛ ngɔ fɔ Mawu mohu nɔ. Lɛ nɛ e haa wɔ ní kpakpahi babauu nɛ wa yeɔ faa.

Ezekiel 20:6

Jamɛ a ligbi ɔ, i ka mɛ kita ke ma je mɛ kɛ je Egipt zugba a nɔ, nɛ ma kpaka mɛ kɛ ya zugba ko nɛ i hla ha mɛ, zugba kpakpa nɛ baa ní saminya, nɛ e ngɛ fɛu pe kulaa nɔ.

Yoshua 6:16

Si kpaagone ɔ, benɛ osɔfo ɔmɛ ma bɔni titimati ɔmɛ kpami pɛ nɛ Yoshua fa ma a ke, “Nyɛ he ose, ejakaa Yawɛ ngɔ ma a ngɔ wo nyɛ dɛ!

Mose V, 4:1

Jehanɛ Mose de Israel ma a ke, “Nyɛɛ bu mlaa amɛ nɛ ma tsɔɔ nyɛ ɔ tue, nɛ nyɛɛ ye a nɔ, konɛ nyɛ yi nɛ na wami, nɛ́ nyɛ ya ngɔ zugba a nɛ Yawɛ, nyɛ nɛmɛ a Mawu ɔ kɛ ngɛ nyɛ hae ɔ.

Mose V, 2:29

Kaa bɔ nɛ Esau nina a nɛ ngɛ Edom yo ɔ nɔ, kɛ Moab bi ɔmɛ hu nɛ ngɛ Ar ɔ pee ha wɔ ɔ, mo hu ngmɛɛ wɔ blɔ kɛ ya si wa ma ya po Yordan pa a, kɛ ya zugba nɛ Yawɛ, wa Mawu ɔ ha wɔ ɔ nɔ.’

Mose II, 3:8

Lɔ ɔ he ɔ, i kple si kɛ ba, konɛ ma ba kpɔ mɛ kɛ je Egipt bi ɔmɛ a dɛ mi, nɛ ma je mɛ kɛ je zugba nɛ ɔ nɔ kɛ ya zugba kpakpa nɛ kle, nɛ baa ní nɔ. Kanaan bi, Hit bi, Amor bi, Periz bi, Hiv bi, kɛ Yebus bi a hi he ɔ i ngɛ tsɔɔe ɔ nɛ.

Manyadali 18:9

A he nɔ ke, “Nyɛ ha waa ho nɛ wa ya tua mɛ! Wa ya hyɛ zugba a, nɛ e hi saminya. Anɛ nyɛ maa hi si gu, nɛ nyɛ be nɔ́ ko pee ngɛ he lo? Nyɛɛ ya nɛ nyɛ ya ngɔ zugba a nɔuu!

Manyadali 18:11

Kɛkɛ nɛ nyumuhi lafa ekpa nɛ je Dan bi ɔmɛ a wɛtso ɔ mi ɔ kpla gbaja, nɛ a dla a he kɛ ta hwumi níhi. A hia kɛ je Zora kɛ Eshtaol,

Yoshua 2:23

Lɔ ɔ se ɔ, slaali ɔmɛ kple si kɛ je yoku ɔmɛ a nɔ, nɛ a po pa a kɛ ho Nun bi Yoshua ngɔ ya. A ya bɔ lɛ níhi nɛ ya ba a nɔ ɔ tsuo.

Yoshua 2:24

A de Yoshua ke, “Niinɛ, Yawɛ ngɔ zugba a tsuo ngɔ ha wɔ. Wa he ɔ, sawale nu zugba a nɔ bi ɔmɛ.”