Manyadali 17:5 - BAIBLO ALOO NGMAMI KLƆUKLƆU Ɔ

⁵ Kikɛmɛ a Mika nɛ ɔ ngɛ lɛ nitsɛ e jami he kɛ e mi amagahi nɛ a kpɛ́. E pee efɔd, nɛ e wo e binyumu ɔmɛ a ti nɔ kake osɔfo.

Manyadali 17:5 ပူးပေါင်းရင်းမြစ်များ

Manyadali 18:14

Kɛkɛ nɛ nyumu ni enuɔ ɔmɛ nɛ ya slaa Laish zugba a de a nyɛmimɛ ɔmɛ ke, “Anɛ nyɛ le kaa efɔd, kɛ amaga nɛ a kpɛ́, kɛ amaga nɛ a hlɔ nɛ a kɛ sika hiɔ ha he ngɛ we ɔ kake mi lo? Lɔ ɔ he ɔ, nyɛɛ hyɛ bɔ nɛ nyɛ maa pee ha!”

Manyadali 8:27

Gideon ngɔ ní ɔmɛ kɛ pee amaga, nɛ e kɛ to Ofra nɛ ji e ma a mi. Israel bi ɔmɛ tsuo je Mawu se, nɛ a ya ja amaga nɛ ɔ ngɛ lejɛ ɔ; nɛ nɔ́ nɛ ɔ plɛ pee klama kɛ ha Gideon kɛ e we ɔ.

Mose I, 31:19

Jamɛ a be ɔ mi ɔ, Laban ho e to ɔmɛ a he bwɔmi sami ya; nɛ benɛ e be we ɔ mi ɔ, Rahel ju e tsɛ wɔ ɔmɛ.

Manyadali 18:24

E he nɔ ke, “Nyɛ ba ngɔ ye osɔfo ɔ, kɛ amagahi nɛ i pee ɔ, nɛ nyɛ je kɛ yaa! Mɛni piɛ ha mi? Nɔ́ nɛ ɔ ngɔ nyɛ nya nɛ nyɛ kpale ngɛ mi bie ke, ‘Mɛni ngɛ mo pee?’ ”

Mose I, 31:30

I le kaa o hɛ ngɛ jae ngɛ we he, nɛ lɔ ɔ he o je ɔ nɛ. Se mɛni he je o ju ye wɔ ɔmɛ kɛ je?”

Hosea 3:4

Kikɛ nɛ ɔ Israel bi hu maa hi si be babauu nɛ a be matsɛmɛ, loo hɛ mi nyɛɛli. Bɔ sami, kɛ tɛ titimahi a jami se maa po; nɛ amagahi, kɛ níhi nɛ a kɛ klaa a, ekoeko be si hie hu.

Mose II, 29:9

Fi mlɛ mi fimi níhi kɛ wo a mlɛ mi, nɛ o bu mɛ pɛɛ. Bɔ nɛ o maa wo Aaron kɛ e binyumu ɔmɛ osɔfo ji nɛ ɔ nɛ. Kɛkɛ ɔ, osɔfo ní tsumi ɔ maa pee a nɔ́; nɛ enɛ ɔ maa pee mlaa nɛ fɔɔ si kɛ yaa neneene.

Mose II, 28:15

“Gugue tade ɔ nɛ a kɛ leɔ ye yi mi ɔ, moo pee lɛ ngɛ ga mi; bɔ nɛ o pee efɔd ɔ, ja nɔuu o pee lɛ. Níhi nɛ ó ngɔ kɛ pee enɛ ɔ hu ji nɛ ɔmɛ nɛ: sika tsu kpa, kpa bluu, kpa tsu, kpa nɛ hɛɛ alamua tu su, kɛ kpa kpakpa nɛ a tslɔ.

Hebribi 5:4

Hɛ mi nyami nɛ ɔ, nɔ ko ngɔɛ kɛ ha lɛ nitsɛ e he. Mawu pɛ lɛ hlaa nɔ, nɛ e woɔ lɛ osɔfo nɔkɔtɔma pe kulaa kaa bɔ nɛ e hla Aaron ɔ.

Hosea 8:14

“Israel ma a hɛ je a bɔlɔ ɔ nɔ, nɛ a ya ma we nguanguahi. Yuda ma hu po mahi babauu nɛ a fia gbogbo ngɔ wo a he. Se ma ha la maa sã we nguangua amɛ, kɛ ma amɛ nɛ a fia gbogbo wo a he ɔ tsuo.”

Ezra 1:7

Kãhi kɛ kpluhi nɛ Matsɛ Nebukadnezer ya muɔ kɛ je Mawu we ɔ ngɛ Yerusalem, nɛ e kɛ ya wo e mawu ɔmɛ a we ɔ mi ɔ, Matsɛ Sirus kpale mɛ tsuo ngɔ ha.

Matsɛmɛ I, 12:31

Jehanɛ, Yeroboam ma jami hehi ngɛ yoku ɔmɛ a nɔ. E hla ma a mi nimli saisaa nɛ e wo mɛ osɔfo; nihi nɛ ji Levi wɛtso ɔ mi po, e wo mɛ osɔfo.

Samuel I, 23:6

Benɛ Ahimelek binyumu Abiatar tu fo kɛ bu David nɔ kɛ ya Keila a, e hɛɛ efɔd ɔ kɛ ho.

Mose II, 28:4

Tadehi nɛ á kpɛ ɔ ji nɛ ɔmɛ nɛ: gugue tade, efɔd, tade klɔii, hiɔwe tade nɛ a lo, pɛɛ, kɛ mi mi fimi nɔ́. Á kpɛ tade klɔuklɔu nɛ ɔmɛ kɛ ha o nyɛminyumu Aaron, kɛ e binyumu ɔmɛ, konɛ a sɔmɔ mi kaa osɔfohi.

Mose II, 24:5

Lɔ ɔ se ɔ, e tsɔ nihewi ɔmɛ ekomɛ nɛ a kɛ nahi ya sã sami bɔ, kɛ tue mi jɔmi bɔ kɛ ha Yawɛ.

Mose IV, 3:10

Ngɔɔ osɔfo ní tsumi ɔ ngɔ wo Aaron, kɛ e binyumu ɔmɛ pɛ a dɛ mi; nɔ kpa ko nɛ maa hɛ lɛ kɛ su ní tsumi nɛ ɔ he ɔ, a gbe lɛ.”

Manyadali 17:4

Benɛ e kpale sika a kɛ ha e nyɛ ɔ, e nyɛ ɔ je e mi lafa enyɔ kɛ ha sika hiɔ galɔ, nɛ e kɛ pee amaga nɛ a hlɔ nɛ kɛ sika hiɔ ha he; nɛ a ngɔ amaga a kɛ ma Mika we ɔ mi.

Manyadali 18:30

Dan bi ɔmɛ ngɔ amaga a kɛ ma si, nɛ a bɔni lɛ jami. Gershom binyumu Yonatan, Mose bibi ɔ, kɛ e bimɛ nɛ ba ngɛ e se ɔ, ye osɔfo ha Dan wɛtso ɔ kɛ ya si ligbi ɔ nɛ a nuu zugba a nɔ bi ɔmɛ nyɔguɛ.

Yesaya 44:13

Tso galɔ ngɔɔ kpa kɛ susuu tso, e ngɔɔ kadimi nɔ́ kɛ kadiɔ, nɛ e ngɔɔ ga dade kɛ hlɔɔ tso ɔ he kɛ peeɔ nɔ́ ko nɛ je nɔmlɔ; e ngɔɔ nɔ́ kɛ e he fɛu nɛ ɔ kɛ ya maa we mi.

Ezekiel 21:21

Babilonia matsɛ ɔ ma ba da si ngɛ blɔ gbla a nya, konɛ e kla kɛ hla blɔ nɛ e maa gu. E ma huanya e kɛ̃ɛ̃ mi bi ɔmɛ; e ma bi ní ngɛ amaga amɛ a ngɔ, nɛ e maa hyɛ lohwe nɛ a gbe ɔ fafali mi.

Samuel I, 19:13

Enɛ ɔ se ɔ, Mikal ngɔ amaga ko kɛ fɔ sa a nɔ, nɛ e ngɔ sɔnue nɛ a kɛ apletsi he bwɔmi pee fɔ e yi je, nɛ e ngɔ bo ha he.

Matsɛmɛ I, 12:32

Jehanɛ, Yeroboam ngɔ nyɔhiɔ kpaanyɔne ɔ we ligbi nɛ ji nyɔngma kɛ enuɔ ɔ ngɔ pee nyami ligbi kaa bɔ nɛ e ngɛ ngɛ Yuda a. E ya sãã bɔ ngɛ bɔ sami la tɛ ɔ nɔ ngɛ Betel kɛ haa sika tsu na bi ɔmɛ nɛ e puɛ ɔ. E ngɔ osɔfo ɔmɛ hu ya to jami he ɔmɛ nɛ e ma ngɛ Betel ɔ.

Ezekiel 21:26

Bɔ nɛ imi Nyɔmtsɛ Yawɛ, i ngɛ dee ji nɛ ɔ nɛ. Pɛne o yi fimi nɔ́ ɔ, je matsɛ pɛɛ ɔ ngɛ o yi! Níhi ma tsake; bɔ nɛ a ngɛ ɔ, a be ja hie hu; nɔ́ nɛ ba si ɔ a ma wo nɔ; nɔ́ nɛ a wo nɔ ɔ, a maa ba lɛ si! Wó ni guhi nɔ yeli. Ha nɛ nɔ yeli nɛ ba pee ni guhi!