Manyadali 17:2 - BAIBLO ALOO NGMAMI KLƆUKLƆU Ɔ

² Ligbi ko ɔ, e de e nyɛ ke, “Benɛ a ju o sika hiɔ yi akpe kɛ e nya lafa nɛ o gbiɛ julɔ ɔ, i nu he. O nɛ, jamɛ a sika hiɔ ɔ ngɛ ye dɛ; imi lɛ i ngɔ.” E nyɛ ɔ de lɛ ke, “Ye bi, Yawɛ nɛ gbaa mo!”

Manyadali 17:2 ပူးပေါင်းရင်းမြစ်များ

Mose I, 14:19

nɛ e gbaa lɛ, nɛ e de ke, “Mawu Hiɔwe No, Hiɔwe kɛ zugba bɔlɔ ɔ nɛ gbaa Abram!

Nehemia 13:25

Lɔ ɔ he ɔ, i ka nyumu ɔmɛ a hɛ mi, nɛ i gbiɛ mɛ; i fia ni komɛ ní, nɛ i hiaa a yi bwɔmi. Jehanɛ, i ha a kɛ Mawu biɛ ka kita ke mɛ nitsɛmɛ, kɛ a binyumu ɔmɛ be nibwɔhi a biyi ɔmɛ ngɔe, nɛ a biyi ɔmɛ hu be nibwɔhi gbae kɔkɔɔkɔ hu.

La 10:3

Yayami peelɔ fĩaa kɛ fɔɔ níhi nɛ e tsui suɔ a nɔ. Nɔmlɔ nɛ hɛ kɔɔ nɔ́ nɔ ɔ, e gbiɛɛ Yawɛ, nɛ e kuaa lɛ.

Mose II, 20:7

“Ko tsɛ Yawɛ, o Mawu ɔ biɛ yaka gu; ejakaa nɔ tsuaa nɔ nɛ peeɔ ja a, Yawɛ kɛ e he be lɛ kee.

Abɛ Womi 28:24

Nɔ nɛ juɔ e tsɛ, loo e nyɛ, nɛ e deɔ ke tsa pi yayami ji lɔ ɔ, e kɛ ojo fialɔ ɔ, slɔɔto be a kpɛti.

Yeremia 48:10

Nihi nɛ tsuɔ ní ha Yawɛ kɛ yi si fiami ɔ, a gbiɛ mɛ. Ni nɛmɛ nɛ sume kaa a maa ngɔ klaate kɛ pue muɔ si kaa bɔ nɛ Yawɛ fa mɛ ɔ, a gbiɛ mɛ!

Mateo 26:74

Jehanɛ ɔ lɛɛ, Petro de ke, “I na Mawu kaa nɔ́ nɛ i ngɛ dee ɔ, anɔkuale! Ke pi ja a, Mawu nɛ gbla ye tue! I li nyumu ɔ!” Amlɔ ɔ, kungwɔ kpa nɔ́.

Romabi 9:3

ngɛ ye nyɛmimɛ ɔmɛ a he. Ye weku li ji mɛ ngɛ he lo nya, nɛ i ko suɔ kaa ngɛ mɛɛ a he ɔ, a bu mi musutsɛ, nɛ a po mi kɛ je Kristo he.

1 Korintobi 16:22

Nɔ tsuaa nɔ nɛ sume Nyɔmtsɛ ɔ, a gbiɛ lɛ! Wa Nyɔmtsɛ, ba!

Mose V, 27:16

“ ‘Mawu maa gbiɛ nɔ tsuaa nɔ nɛ pueɔ e tsɛ, loo e nyɛ hɛ mi si.’ “Ma a tsuo ma he nɔ ke, ‘Amen!’

2 Yohane 1:11

Ke nɔ ko ha lɛ hɛ mi ɔ, e tsɔɔ kaa e kɛ lɛ peeɔ kake kɛ tsuɔ ní yayamihi.

Manyadali 17:1

Nyumu ko nɛ a tsɛɛ lɛ Mika a hi Efraim yo ɔmɛ a nɔ be ko.

Manyadali 17:3

E kpale sika hiɔ yi akpe kɛ e nya lafa a kɛ ha e nyɛ ɔ; nɛ e nyɛ ɔ de ke, “I ngɛ sika hiɔ nɛ ɔ he tsukɔe ha Yawɛ ngɛ ye binyumu ɔ he, konɛ a ngɔ kɛ pee amaga nɛ a hlɔ, nɛ a kɛ sika hiɔ ha he.”

Manyadali 5:23

Yawɛ bɔfo ɔ de ke, “Nyɛɛ gbiɛ Meroz; nyɛɛ gbiɛ ma mi bi ɔmɛ wawɛɛ! Ejakaa a bɛ nɛ a ba piɛ Yawɛ he benɛ e kɛ he nyɛli ɔmɛ ngɛ hwue ɔ.”

Rut Womi 3:10

Nɛ Boaz de lɛ ke, “Yawɛ maa gbaa mo, ye bi, kaa o kɛ nɔ́ nɛ o pee nɛ ɔ tsɔɔ weku no kpakpa peemi he okadi pe níhi kulaa nɛ o pee ha o nganyɛ ɔ po, kaa o ya nyɛɛ we nihewi ohiatsɛmɛ, loo niatsɛmɛ a se.

Samuel I, 14:24

Israel bi ɔmɛ na nɔ jamɛ a ligbi ɔ, ejakaa Saul ka kita pue ma a nɔ ke, “Nɔ nɛ li peemi nɛ e maa ye nɔ́ ko loko je maa jɔ, be mi nɛ i na we ma ye he nyɛli ɔmɛ a he lue lolo ɔ, a gbiɛ jamɛatsɛ ɔ.” Lɔ ɔ he ɔ, nɔ ko nɔ ko sɛ e nya nɔ́ ko ligbi ɔ tsuo.

Samuel I, 14:28

Kɛkɛ nɛ ni ɔmɛ a ti nɔ kake de lɛ ke, “Wɔ tsuo pɛpɛɛpɛ wa pee gbedee kɛ hwɔ; se o tsɛ ka kita ngɔ fɔ ma a nɔ ke, ‘Nɔ tsuaa nɔ nɛ maa ye nɔ́ ko mwɔnɛ ɔ, a gbiɛ lɛ.’ ”

Samuel I, 15:13

Benɛ Samuel ba su Saul ngɔ ɔ, Saul fɔ lɛ nɛ e de lɛ ke, “Yawɛ nɛ e gbaa mo! I ye Yawɛ fami ɔ nɔ.”

Samuel I, 23:21

Saul de mɛ ke, “Yawɛ maa gbaa nyɛ kaa nyɛ na mi mɔbɔ.

Samuel I, 26:19

Ye nyɔmtsɛ, moo bu nɔ́ nɛ o tsɔlɔ ma de mo nɛ ɔ tue. Ke Yawɛ lɛ pee loko o ngɛ ye se blɔ hlae ɔ, lɛɛ e ngmɛ mi blɔ nɛ ma sã bɔ kɛ kpata lɛ. Se ke nimli adesahi a ní tsumi ɔ, lɛɛ Yawɛ nɛ e gbiɛ mɛ; ejakaa mwɔnɛ ligbi nɛ ɔ, a fie mi kɛ je Yawɛ zugba a nɔ kɛ ho ma kpa nɔ ya nɛ ma ya ja mawu kpahi ngɛ lejɛ ɔ.