Manyadali 17:12 - BAIBLO ALOO NGMAMI KLƆUKLƆU Ɔ

¹² Mika wo Levi no niheyo ɔ osɔfo, nɛ e hi Mika we ɔ mi.

Manyadali 17:12 ပူးပေါင်းရင်းမြစ်များ

Manyadali 18:30

Dan bi ɔmɛ ngɔ amaga a kɛ ma si, nɛ a bɔni lɛ jami. Gershom binyumu Yonatan, Mose bibi ɔ, kɛ e bimɛ nɛ ba ngɛ e se ɔ, ye osɔfo ha Dan wɛtso ɔ kɛ ya si ligbi ɔ nɛ a nuu zugba a nɔ bi ɔmɛ nyɔguɛ.

Matsɛmɛ I, 12:31

Jehanɛ, Yeroboam ma jami hehi ngɛ yoku ɔmɛ a nɔ. E hla ma a mi nimli saisaa nɛ e wo mɛ osɔfo; nihi nɛ ji Levi wɛtso ɔ mi po, e wo mɛ osɔfo.

Mose IV, 16:5

nɛ e de Kora kɛ e se nyɛɛli ɔmɛ ke, “Hwɔɔ mɔtu ɔ, Yawɛ nitsɛ maa tsɔɔ wɔ nɔmlɔ nɛ ji e nɔ, kɛ nɔ nɛ ji nɔ klɔuklɔu. Nɔmlɔ nɛ ji e nɔ nɛ e maa hla a, Yawɛ ma ha nɛ e hɛ lɛ kɛ ba e ngɔ.

Mose IV, 18:1

Yawɛ de Aaron ke, “O kɛ o bimɛ ɔmɛ, kɛ o tsɛ we ɔ, nyɛ ji ni nɛmɛ nɛ he klɔuklɔu ɔ he sɔ tloo, se nɔ́ nɛ kɔɔ osɔfo yemi ní tsumi ɔ he ɔ lɛɛ o kɛ o bimɛ ɔmɛ kɛkɛ nyɛ sane ji lɔ ɔ.

Manyadali 17:11

Levi no niheyo ɔ kplɛɛ kaa e kɛ Mika maa hi si, nɛ e ba pee kaa e bimɛ ɔmɛ a ti nɔ kake.

Manyadali 17:13

Mika de ke, “Kpaako i na kaa Yawɛ maa gbaa mi; ejakaa i ná Levi no osɔfo.”

Manyadali 18:4

E de mɛ ke, “I kɛ Mika so somi ko; e bɔ mi apaa, nɛ i ngɛ osɔfo yee ha lɛ.”