Manyadali 16:6 - BAIBLO ALOO NGMAMI KLƆUKLƆU Ɔ

⁶ Kɛkɛ nɛ Delila de Samson ke, “I kpa mo pɛɛ nɛ o tsɔɔ mi he nɛ o naa o he wami kpetekpleenyɛ ɔ kɛ jeɔ. Ke a ngɛ hlae nɛ a jɔɔ o he ɔ, mɛni a kɛ maa fi mo?”

Manyadali 16:6 ပူးပေါင်းရင်းမြစ်များ

Mika 7:5

Nyɛ ko he nyɛ nyɛmimɛ nyɛɛ ye; nyɛ ko ngɔ nyɛ hɛ ngɔ fɔ nyɛ huɛmɛ a nɔ; yo nɛ o kɛ lɛ hwɔɔ si po, hyɛ o nya nɔ ngɛ e he.

Mika 7:2

Anɔkualetsɛmɛ ta zugba a nɔ; dalɔ kake ngmelu po be. Nɔ tsuaa nɔ ngɛ blɔ ko hlae nɛ e kɛ pue muɔ si; nɔ tsuaa nɔ ngɛ lɛ nitsɛ e nyɛmi klama tsɔe.

Abɛ Womi 26:28

Lakpatsɛ nyɛɔ nihi nɛ e ye a he lakpa a. Munyu dɔkɔbii tulɔ puɛɔ nɔ́.

Abɛ Womi 22:14

Yo yaholɔ nya mi ngɛ kaa muɔ voo nɛ a tsua kɛ fɔ si. Nihi nɛ Yawɛ mi mi fu mɛ lɛ a nɔɔ muɔ nɛ ɔ mi.

Abɛ Womi 7:21

Yo nɛ ɔ kɛ e nya mi munyu ngɔngɔɛ ɔ gbe niheyo ɔ yi mi hluu kɛ ya si e nine su niheyo ɔ nɔ.

Abɛ Womi 6:26

Nyumu ma nyɛ ma ya su yo yaholɔ, nɛ e ma ha lɛ abolo bɔbɔyoo ko kɛkɛ. Se ke e ya ta yogbayo he ɔ, lɛɛ pe e hɛ mi kpata pɛsɛpɛsɛ ji lɔ ɔ nɛ.

La 12:2

Nɔ tsuaa nɔ ngɛ e nyɛmi lakpa yee. Nɔ tsuaa nɔ kɛ munyu ngɔngɔɛ ngɛ e nyɛmi sisie.

Manyadali 16:5

Filisti matsɛmɛ ɔmɛ ba yo ɔ ngɔ, nɛ a ba de lɛ ke, “Moo gbe Samson yi mi nɛ e tsɔɔ mo he nɛ e naa e he wami kpetekpleenyɛ ɔ kɛ jeɔ, kɛ bɔ nɛ wa maa pee nɛ wa nine maa su e nɔ, konɛ waa fi lɛ, nɛ waa jɔɔ e he. Wa ti nɔ tsuaa nɔ ma ha mo sika hiɔ akpe kɛ e nya lafa.”

Manyadali 16:7

Samson de lɛ ke, “Ke a ngɔ kɛ̃ɛ̃ mi kpa he kpaago nɛ gbli we kɛ fi mi ɔ, ma gbɔjɔ, nɛ ma hi kaa bɔ nɛ nɔmlɔ adesa tsuaa nɔmlɔ adesa ngɛ ɔ.”

Manyadali 14:17

Yo ɔ fo ya kɛ wo lɛ ligbi kpaago ɔmɛ tsuo nɛ a ngɛ okplɔɔ ɔ he ɔ. Ligbi nɛ ji kpaago ɔ nɔ ɔ, Samson tsɔɔ e yo ɔ ajo ɔ sisi, ejakaa e ngɛ lɛ haoe tsɔ. Kɛkɛ nɛ lɛ hu e ya de Filisti bi ɔmɛ.

Nehemia 6:4

A tsɔ kɛ sɛ gbi nɛ ɔ nɔuu kɛ ba si eywiɛ, nɛ imi hu i ha mɛ heto nɛ ɔ nɔuu si eywiɛ ɔmɛ tsuo.