Manyadali 16:30 - BAIBLO ALOO NGMAMI KLƆUKLƆU Ɔ

³⁰ nɛ e de ke, “Ha nɛ i kɛ Filisti bi ɔmɛ nɛ gbo!” Kɛkɛ nɛ Samson ngɔ e he wami tsuo kɛ tsɛ̃ titima amɛ; nɛ tsu ɔ hule pue matsɛmɛ ɔmɛ, kɛ nihi tsuo pɛpɛɛpɛ nɛ ngɛ lejɛ ɔ a nɔ. Nɛ nimli nɛ Samson gbe ligbi ɔ nɛ e gbo ɔ, a hiɛ kulaa pe nimli nɛ e gbe ngɛ e wami be mi.

Manyadali 16:30 ပူးပေါင်းရင်းမြစ်များ

Filipibi 2:8

E ba e he si, nɛ e bu tue hluu kɛ ya su gbeje tete; e gbo sɛumi tso nɔ gbenɔ.

Mateo 16:25

Ejakaa nɔ tsuaa nɔ nɛ hlaa kaa e baa e klaa yi ɔ, e maa laa lɛ; se nɔ tsuaa nɔ nɛ ngɔɔ e wami ngɔ fɔɔ he ngɛ ye he ɔ, e nine maa su nɔ ekohu.

1 Tesalonikabi 5:2

Ejakaa nyɛ nitsɛmɛ nyɛ le tsɔ kaa Nyɔmtsɛ ɔ maa ba tlukaa kaa bɔ nɛ julɔ baa nyɔ mi.

Kolosebi 2:15

Kristo kpɔ he wami ngɛ mumi mi nɔ yeli, kɛ he wami ɔmɛ a dɛ. E bɔ mɛ ahlua paa, nɛ e kɛ tsɔɔ je ɔ kaa niinɛ e ye kunimi.

Filipibi 2:30

Ejakaa Kristo ní tsumi ɔ he ɔ, e piɛ nguɛ nya nɛ e sake e he lo ngɔ fɔ he. Se e pee enɛ ɔ tsuo kɛ sɔmɔ mi ngɛ nyɛ nane mi.

Filipibi 2:17

Ke e maa ba mi kaa a ma plɛ ye muɔ kɛ pue nyɛ he bɔ nɛ nyɛ ngɛ sãe kɛ ngɛ nyɛ hemi kɛ yemi he ní tsue ɔ nɔ po ɔ, ye bua maa jɔ, nɛ i kɛ nyɛ ma nya.

Ni Tsumi 21:13

Se e he nɔ ke, “Mɛni nyɛ ngɛ pee nɛ ɔ; nyɛ ngɛ ya foe kɛ ma tsɔ ye tsui kpa? Imi lɛɛ, pi fimi nɛ a maa fi mi ngɛ Yerusalem ɔ kɛkɛ nɛ i ngɛ blɔ hyɛe, se mohu i pee klaalo nɛ ma gbo ngɛ Nyɔmtsɛ Yesu he ngɛ lejɛ ɔ.”

Ni Tsumi 20:24

Se imi lɛɛ ye wami tete he hia we mi. Nɔ́ nɛ he hia mohu ji kaa ní tsumi nɛ Nyɔmtsɛ Yesu ha mi ɔ, ma tsu kɛ gbe nya. Lɔ ɔ ji kaa ma fiɛ sane kpakpa a nɛ tsɔɔ kaa Mawu mi mi hi ha adesahi tsuo ɔ.

Fiɛlɔ 9:12

Nɔmlɔ adesa li e be. Be yayami ba naa nɔ tlukaa kaa bɔ nɛ lo duɔ ya, aloo kaa bɔ nɛ lohwe pɛlitsɛ duɔ klama a.

La 62:3

Kɛ yaa su mɛni be nyɛ tsuo nyɛ ma bla kɛ hao nɔ kake too kikɛ nɛ ɔ, nɔ nɛ ngɛ kaa gbogbo nɛ ku, nɛ miɔ nɛ e maa nɔ si ɔ?

Hiob 31:3

Anɛ e kpataa we yiwutsotsɛmɛ a hɛ mi lo? Anɛ e gbla we yayami peeli a tue lo?

Hiob 20:5

yiwutsotsɛ hɛ mi nyami ɔ, e se kɛ we; nɛ nɔmlɔ nɛ li Mawu ɔ, e bua jɔmi peeɔ kuku kɛkɛ.

Mose I, 3:15

Ma pee o kɛ yo ɔ he nyɛli; o nina kɛ lɛ hu e nina maa pee he nyɛli. A maa fia o yi nɔ́, nɛ mo hu o maa kɔ a nane se ja.”

Manyadali 15:15

Kɛkɛ nɛ e na teji ko nɛ gbo kɛ we tsitsa mi wu. E ba si nɛ e kɛ̃, nɛ e kɛ gbe nyumuhi akpe.

Manyadali 15:8

Samson ya tua mɛ, nɛ e gbe mɛ pɛsɛpɛsɛ. Lɔ ɔ se ɔ, e ho nɛ e ya hi Etam tɛ sa puɔ ɔ mi.

Manyadali 14:19

Tlukaa a, Yawɛ mumi ɔ ba e nɔ, nɛ e pue nɔ kɛ ho Ashkelon ya; nɛ e ya gbe nyumuhi nyingmi etɛ ngɛ lejɛ ɔ. E kpa a he níhi, nɛ e ngɔ he dlami tade ɔmɛ kɛ ba ha nyumu ɔmɛ nɛ tsɔɔ ajo ɔ sisi ɔ. Nɛ e kɛ mi mi fumi je kɛ ho e ma mi ya.

Manyadali 16:29

Kɛkɛ nɛ Samson ngɔ e nine hiɔ kɛ muɔ kɛ fua kpɛti titima enyɔ ɔmɛ nɛ hɛɛ tsu ɔ kpɛkpɛtɛɛ;

Manyadali 16:31

Pee se ɔ, Samson nyɛminyumu ɔmɛ, kɛ e tsɛ we ɔ tsuo ho nɛ a ya ngɔ e gbogboe ɔ, nɛ a ya pu ngɛ e tsɛ Manoa yɔkɔ ɔ mi, ngɛ Zora kɛ Eshtaol a kpɛti. Samson da Israel ma a nya jeha nyingmi enyɔ.