Manyadali 16:24 - BAIBLO ALOO NGMAMI KLƆUKLƆU Ɔ

^24-25 Benɛ ni ɔmɛ a bua jɔ a he ɔ, a de ke, “Nyɛ tsɛ Samson kɛ ba nɛ e ba wo wa nya muɔ bɔɔ!” Kɛkɛ nɛ a ya ngɔ Samson kɛ je tsu ɔ mi, nɛ a kɛ lɛ ba da titima enyɔ ɔmɛ a kpɛti, nɛ́ e je ni ɔmɛ a hɛja. Benɛ ni ɔmɛ na lɛ ɔ, a je a mawu ɔ yi, nɛ a de ke, “Wa mawu ɔ ngɔ wa he nyɛlɔ, kɛ nɔmlɔ nɛ kpata wa zugba a hɛ mi, nɛ́ e gbe wa ti nihi babauu ɔ kɛ wo wa dɛ mi!”

Manyadali 16:24 ပူးပေါင်းရင်းမြစ်များ

Daniel 5:4

nɛ a je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi.

Kpojemi 11:10

Nihi tsuo ngɛ je nɛ ɔ mi ɔ ma nya kaa nimli enyɔ nɛ ɔmɛ gbo. A tsui maa nɔ a mi, nɛ a maa ke a sibi ní, ejakaa jamɛ a gbali enyɔ ɔmɛ ngɔ haomi babauu kɛ ba je ɔ mi.

Habakuk 1:16

A jaa a ya amɛ, nɛ a sãã bɔhi haa mɛ, ejakaa a ya amɛ haa mɛ ní kpakpahi.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.

Ezekiel 20:14

Se i ha we nɛ e ba mi ja, ejakaa je ma amɛ nɛ na bɔ nɛ i kpaka ye ma a kɛ je Egipt ɔ, ye biɛ he guɛ ma gbo ngɛ a hɛ mi.

Yesaya 37:20

Lɔ ɔ he ɔ, Yawɛ, wa Mawu, i kpa mo pɛɛ nɛ o kpɔ wɔ kɛ je Asiria matsɛ ɔ dɛ mi, konɛ je ma amɛ tsuo pɛpɛɛpɛ nɛ a le kaa mo Yawɛ, mo nɔ kake too ji Mawu.”

Kronika I, 10:9

A po Saul yi, nɛ a je ta hwumi ní ɔmɛ ngɛ e he, nɛ a kɛ tsɔ nihi ke a ya kpa Filistia tsuo, nɛ́ a sɛɛ manye munyu nɛ ɔ ha amaga amɛ, kɛ ma a tsuo.

Samuel I, 31:9

A po Saul yi, nɛ a je ta hwumi ní ɔmɛ ngɛ e he, nɛ a kɛ tsɔ nihi ke a kɛ ya kpa Filistia tsuo, nɛ a ngɔ manye munyu ɔ ya ha amaga amɛ, kɛ ma a tsuo.

Manyadali 15:16

Nɛ Samson de ke, “I ngɔ teji tsitsa wu kɛ gbe nyumuhi akpe; i ngɔ teji tsitsa wu kɛ tsɔtslɔɔ a mi pue si.”

Manyadali 15:8

Samson ya tua mɛ, nɛ e gbe mɛ pɛsɛpɛsɛ. Lɔ ɔ se ɔ, e ho nɛ e ya hi Etam tɛ sa puɔ ɔ mi.

Mose V, 32:27

Se i be blɔ ngmɛe nɛ a he nyɛli ɔmɛ nɛ a fĩa ke mɛ lɛ a ye ye ma a nɔ, be mi nɛ imi, Yawɛ nitsɛ nɛ i kpata a hɛ mi.’

La 97:7

Amaga jali, kɛ nihi tsuo nɛ fĩaa kɛ fɔɔ yakayaka wɔhi a nɔ, nyɛ hɛ mi pue si pɛ! Nyɛ mawuhi tsuo, nyɛ kpla si ngɛ Yawɛ hɛ mi.

Manyadali 15:14

Benɛ e ba su Lehi ɔ, Filisti bi ɔmɛ he ose kɛ ba na lɛ. Tlukaa a, Yawɛ mumi ɔ ba e nɔ wawɛɛ nitsɛ, nɛ e tsɔ tangme ɔmɛ nɛ blaa e nine ɔ pue si kaa doti nɛ la sɛ mi.