Manyadali 16:20 - BAIBLO ALOO NGMAMI KLƆUKLƆU Ɔ

²⁰ Delila de lɛ ke, “Samson! Filisti bi ɔmɛ ma mo numi!” Kɛkɛ nɛ Samson hɛ tsɛ̃, nɛ e de ke, “Ma je kpo kaa bɔ nɛ i peeɔ daa a, nɛ ma ya hoso ye he.” Se e li tete kaa Yawɛ je e se.

Manyadali 16:20 ပူးပေါင်းရင်းမြစ်များ

Samuel I, 16:14

Jehanɛ Yawɛ mumi ɔ je Saul nɔ, nɛ Yawɛ ha mumi yayami ko ba hao lɛ.

Samuel I, 18:12

Saul ye David gbeye, ejakaa Yawɛ kɛ David ngɛ; se lɛ Saul ɔ lɛɛ Yawɛ je e se.

Yoshua 7:12

Enɛ ɔ he je nɛ Israel bi ɔmɛ nyɛ we a he nyɛli ɔmɛ nɛ; a ngɛ fo tue ngɛ a nya, ejakaa mɛ nitsɛmɛ hu a plɛ pee níhi nɛ sa nɛ a kpata a hɛ mi! I kɛ nyɛ be si hie hu; ja nyɛ kpata níhi nɛ i wo nyɛ mlaa ke nyɛ ko ta he ɔ a hɛ mi!

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

2 Korintobi 3:5

Ní tsumi nɛ ɔ, wa be dee ke wɔ nitsɛmɛ wa ngɛ he wami nɛ wa ma nyɛ tsu. He wami nɛ wa ngɛ ɔ, Mawu lɛ ha wɔ.

Hosea 7:9

nɛ nibwɔ ɔmɛ butu ma a, se e li. Israel li tete kaa e nyagbe su ta.

Yesaya 42:24

Mɛnɔ lɛ ngɔ Yakob kɛ ha nɛ a ha e níhi, nɛ mɛnɔ ha nɛ a fia lɛ ojo ɔ? Yawɛ nitsɛ, nɔ nɛ wa pee yayami kɛ si ɔ, lɛ ji nɔ nɛ ha enɛ ɔmɛ tsuo ba! Wa bɛ wa je mi bɔ nɛ e ngɛ hlae, nɛ mlaa amɛ nɛ e wo wɔ ɔ hu wa yi a nɔ.

Manyadali 16:14

Lɔ ɔ he ɔ, benɛ Samson hwɔ mahe ɔ, Delila ya hɔɔ Samson yi bwɔmi kuukuu kpaago ɔmɛ tsuo ngɔ bla pee kake, nɛ e fi kɛ wo plɛɛko he. Kɛkɛ nɛ e de lɛ ke, “Samson! Filisti bi ɔmɛ ma mo numi!” Samson hɛ tsɛ̃, nɛ e gbla e yi bwɔmi ɔ kɛ je plɛɛko kɛ bo lomi klama kɛ ya a mi.

Mateo 17:20

Yesu he nɔ ke, “Ejakaa nyɛ hemi kɛ yemi pi. Niinɛ, i ngɛ nyɛ dee ke, ke nyɛ ngɛ hemi kɛ yemi nɛ kle kaa sinapi wu ɔ, nyɛ ma de yo nɛ ɔ ke, ‘Hiaa kɛ je hiɛ ɔ kɛ ya lejɛ ɔ,’ nɛ e maa hia. Nɔ́ ko nɔ́ ko peemi be wae ha nyɛ!” [

Mateo 17:16

I ngɔ lɛ kɛ ba o kaseli ɔmɛ a ngɔ, se a nyɛ we nɛ a tsa lɛ.”

Manyadali 16:9

Jamɛ a be ɔ mi ɔ, e ha nɛ nyumu komɛ ya wo ka ngɛ se tsu ko mi. Kɛkɛ nɛ e de lɛ ke, “Samson! Filisti bi ɔmɛ ma mo numi!” Se Samson tsɔ kɛ̃ɛ̃ mi kpa amɛ kaa bɔ nɛ ke la sa bo lomi kpa he nɛ e tsɔɔ ɔ. Lɔ ɔ he ɔ, laami sane nɛ ngɛ he nɛ e naa e he wami ɔ kɛ jeɔ ɔ, a li.

Manyadali 16:3

Se Samson hwɔ si kɛ ya si nyɔ mi kpɛti pɛ. Benɛ e te si ɔ, e hia ma a agbo ɔ sinya amɛ, sinya tso enyɔ ɔmɛ, kɛ dade ɔ nɛ a kɛ bile agbo ɔ se ɔ tsuo pɛpɛɛpɛ. E ngɔ mɛ fɔ e konɔ kɛ ho yoku ɔ nɛ ngɛ Hebron hɛ mi ɔ yi mi ya.

Mose V, 32:30

Kɛ pee kɛɛ nɛ nɔ kake maa fie nihi akpe? Kɛ pee kɛɛ nɛ nihi enyɔ pɛ maa wo nihi akpe nyɔngma fo? Yawɛ, a Mawu ɔ kua mɛ; a Mawu ngua a ngmɛɛ a he.

Mose IV, 14:9

Se, nyɛ ko tsɔ Yawɛ hɛ mi atuã. Nimli nɛ ngɛ zugba a nɔ hu, nyɛ ko ye mɛ gbeye; wa maa ye a nɔ kunimi hɛngmɛfia. A he wami nya ba si, se wɔɔ lɛɛ Yawɛ kɛ wɔ ngɛ. Lɔ ɔ he ɔ, nyɛ ko ye mɛ gbeye.”

Manyadali 16:19

Delila fiɛ Samson he kɛ ya si e hwɔ mahe ngɛ e tɛ nɔ. Benɛ Samson hwɔ mahe ɔ, Delila tsɛ nyumu ko nɛ e ba sã Samson yi bwɔmi kuukuu kpaago ɔmɛ. Lɔ ɔ se ɔ, Delila bɔni lɛ kongomi, ejakaa Samson he wami ɔ si lɛ.

Manyadali 16:21

Kɛkɛ nɛ Filisti bi ɔmɛ nu lɛ, nɛ a ta e hɛngmɛ ɔmɛ. Lɔ ɔ se ɔ, a ngɔ lɛ kɛ ho Gaza ya, nɛ a ya bɔ lɛ akɔblee pãhi; nɛ a ha nɛ e wɛɛɔ blɛfo ngɛ he nɛ a wo lɛ tsu ngɛ ɔ.

Samuel I, 18:10

E nɔ jena a, mumi yayami ko nɛ je Mawu ngɔ ba Saul nɔ, nɛ e bɔni munyu tumi basabasa ngɛ e we ɔ mi kaa godotsɛ. Jamɛ a be ɔ, David ngɛ kpa saku ɔ fiae kaa bɔ nɛ e peeɔ daa ligbi ɔ. Saul hɛɛ e we akplɔ ɔ ngɛ e dɛ mi,