Manyadali 16:2 - BAIBLO ALOO NGMAMI KLƆUKLƆU Ɔ

² Benɛ Gaza bi ɔmɛ nu kaa Samson ba lejɛ ɔ, a ya sa ma a yi, nɛ a wo ka ha Samson ngɛ agbo ɔ nya nyɔ mi tsuo. A pee dii nyɔ ɔ mi tsuo, nɛ a de a sibi ke, “Nyɛ ha waa mlɛ kɛ yaa si mɔtu loko waa gbe lɛ.”

Manyadali 16:2 ပူးပေါင်းရင်းမြစ်များ

Samuel I, 23:26

Saul kɛ e we bi ɔmɛ ngɛ yoku ɔ kasa kake, nɛ David hu kɛ e we bi ɔmɛ ngɛ yoku ɔ kasa kake. A ngɛ esɔ yee nɛ a je Saul kɛ e we bi ɔmɛ a dɛ mi, ejakaa Saul kɛ e we bi ɔmɛ miɔ nɛ a ma sá David kɛ e we bi ɔmɛ a yi, nɛ a nuu mɛ.

Ni Tsumi 9:24

Se Saulo nu a somi ɔ he. Daa nyɔ kɛ pia a, nihi ngɛ ma agbo ɔmɛ a nya bue, konɛ a gbe lɛ.

Ni Tsumi 23:15

Lɔ ɔ he ɔ, nyɛɛ kɛ kpe ngua a mi bi ɔmɛ tsuo nyɛ ha nyɛ gbi ya su Roma asafoatsɛngua a. Nyɛ de lɛ ke e ngɔ Paulo ngɔ mane nyɛ. Nyɛɛ buá de lɛ ke nyɛ ngɛ hlae nɛ nyɛɛ hyɛ e sane ɔ mi fitsofitso. Se wɔɔ lɛɛ wa maa pee klaalo, nɛ wa maa gbe lɛ loko e maa su nyɛ ngɔ.”

Mateo 27:1

Benɛ je na a, osɔfo nikɔtɔma amɛ, kɛ ma nimeli ɔmɛ tsuo so Yesu yi nɔ, konɛ a gbe lɛ.

Mateo 21:38

Se benɛ huli ɔmɛ na e bi ɔ mohu ɔ, a de a he ke, ‘Ɛhɛɛ, ní yelɔ ɔ ji nɛ ɔ nɛ! Nyɛɛ ba; nyɛ ha waa gbe lɛ nɛ wa nine nɛ su e weto ní ɔ nɔ!’

Samuel I, 19:11

Jamɛ a nyɔ ɔ mi nɔuu ɔ, Saul tsɔ nihi kɛ ho David we ɔ mi ya nɛ́ a ya huɔ lɛ, konɛ mɔtu nɛ a gbe lɛ. Se David yo Mikal de lɛ ke, “Ke o ji hiɛ ɔ nyɔ nɛ ɔ mi nɛ o he o yi wami ɔ, hwɔɔ ɔ, a maa gbe mo.”

Manyadali 15:18

Jehanɛ, kuma ba ye Samson wawɛɛ nitsɛ; nɛ e fa kue ha Yawɛ nɛ e de ke, “O tsu manye ní tsumi nguaa nɛ ɔ kɛ gu o tsɔlɔ ɔ nine nɔ. Anɛ kuma nɛ gbe mi, nɛ mɔmlɔtɔtsɛmɛ nɛ ɔmɛ a nine nɛ su ye nɔ lo?”

Luka 21:20

“Ke nyɛ na nɛ he nyɛli ba sa Yerusalem ma a yi ɔ, kɛkɛ nyɛ maa le kaa ma a hɛ mi kpatami be ɔ su ta.

Manyadali 16:3

Se Samson hwɔ si kɛ ya si nyɔ mi kpɛti pɛ. Benɛ e te si ɔ, e hia ma a agbo ɔ sinya amɛ, sinya tso enyɔ ɔmɛ, kɛ dade ɔ nɛ a kɛ bile agbo ɔ se ɔ tsuo pɛpɛɛpɛ. E ngɔ mɛ fɔ e konɔ kɛ ho yoku ɔ nɛ ngɛ Hebron hɛ mi ɔ yi mi ya.