Manyadali 16:17 - BAIBLO ALOO NGMAMI KLƆUKLƆU Ɔ

¹⁷ Nyagbenyagbe ɔ, e gba Delila e laami sane ɔmɛ tsuo. E de lɛ ke, “Kɛ je benɛ i ngɛ ye nyɛ mi mi lokoo ɔ, a tsukɔ ye he ngɔ ha Mawu kaa Nazir no; lɔ ɔ he ɔ, asoyi nya yɛ ye yi mi hyɛ. Ke a sã ye yi nɔ pɛ ye he wami ɔ maa je ye mi. Kɛkɛ ma gbɔjɔ, nɛ ma hi kaa bɔ nɛ nɔmlɔ adesa tsuaa nɔmlɔ adesa ngɛ ɔ.”

Manyadali 16:17 ပူးပေါင်းရင်းမြစ်များ

Mika 7:5

Nyɛ ko he nyɛ nyɛmimɛ nyɛɛ ye; nyɛ ko ngɔ nyɛ hɛ ngɔ fɔ nyɛ huɛmɛ a nɔ; yo nɛ o kɛ lɛ hwɔɔ si po, hyɛ o nya nɔ ngɛ e he.

Abɛ Womi 12:23

Ní lelɔ maa e nya kɛ toɔ e nile nɔ. Kuasia lɛɛ e tuɔ munyu puu, nɛ lɔ ɔ nihi kɛ naa kaa kuasia ji lɛ.

Manyadali 13:5

Ke o fɔ binyumuyo nɛ ɔ, asoyi kó ya e yi mi; ejakaa kɛ je e fɔmi be ɔ, a maa tsukɔ e he kɛ ha Mawu, nɛ e maa hi si kaa Nazir no. Israel kpɔmi kɛ je Filisti bi ɔmɛ a dɛ mi ɔ, lɛ nɛ e ma ba je sisi.”

Mose IV, 6:5

“Ligbi abɔ nɛ e ngɛ Nazir no si womi nɛ ɔ sisi ɔ, e ko sã e yi nɔ. E ngmɛɛ e yi bwɔmi he nɛ e ka gagaaga; nɛ e pee e he klɔuklɔu.

Ni Tsumi 18:18

Paulo kɛ nyɛmimɛ ɔmɛ hi si ngɛ Korinto be saii. Lɔ ɔ se ɔ, e kɛ mɛ ye sɛ, nɛ e ngɔ Priskila, kɛ Akuila kɛ piɛ e he, nɛ a ya wó lɛ kɛ ba Siria. Loko lɛ ɔ maa hia ngɛ Kenkrea a, Paulo ha a sɛ e yi ha lɛ, ejakaa be ko ɔ, e wo Mawu si ko.

Abɛ Womi 29:12

Nɔ yelɔ nɛ lakpa munyu tue e buɔ ɔ, e tsɔli tsuo peeɔ yiwutsotsɛmɛ.

Mose IV, 6:2

“Mo de Israel bi ɔmɛ ke, ke nyumu ko, loo yo ko je blɔ ka Nazir no peemi kita, nɛ e wo si kaa e maa ngɔ e he ngɔ ha Yawɛ ɔ,

Manyadali 16:16

Bɔ nɛ Delila ngɛ Samson tsui yee nɛ e ngɛ lɛ haoe daa ligbi kɛ e munyu ɔmɛ ɔ, be ko ba su nɛ Samson nyɛ we hu.

Manyadali 16:18

Benɛ Delila na kaa e de lɛ anɔkuale ɔ tsuo ɔ, e tsɔ ya de Filisti matsɛmɛ ɔmɛ ke, “Nyɛɛ kpale kɛ ba si kake nɛ ɔ pɛ; ejakaa jehanɛ lɛɛ e gba mi e yi mi nɔ́ tsuaa nɔ́.” Kɛkɛ nɛ Filisti matsɛmɛ ɔmɛ ba, nɛ benɛ a ma a, a hɛɛ sika a kɛ ba.

Abɛ Womi 13:3

Nɔ nɛ hyɛɛ e lilɛ nɔ saminya a, e yi naa wami. Nɔ nɛ tuɔ munyu puu ɔ, e hɛ mi kpataa.