Manyadali 16:16 - BAIBLO ALOO NGMAMI KLƆUKLƆU Ɔ

¹⁶ Bɔ nɛ Delila ngɛ Samson tsui yee nɛ e ngɛ lɛ haoe daa ligbi kɛ e munyu ɔmɛ ɔ, be ko ba su nɛ Samson nyɛ we hu.

Manyadali 16:16 ပူးပေါင်းရင်းမြစ်များ

Luka 18:5

se akɛnɛ yalɔyo nɛ ɔ ngɛ ye nya dooe he je ɔ, ma hyɛ nɛ a ye dami sane ha lɛ. Ke i pee we ja a, e maa hi ye ngɔ bae kpamisa, nɛ e be hae nɛ ma na tue mi jɔmi.’ ”

Luka 11:8

Aa, mɛni maa ba? I ngɛ nyɛ dee ke, ke ka e huɛ nɛ ji lɛ ɔ he jinɛ e be si tee nɛ e ha lɛ nɔ́ ko; se akɛnɛ e ngɛ e nya dooe kpamisa he je ɔ, e maa te si kɛ̃, nɛ e ma ha lɛ nɔ́ tsuaa nɔ́ nɛ e ngɛ hlae ɔ.

Marko 14:24

Yesu de mɛ ke, “Ye muɔ nɛ a ngɔ pue si ha nihi babauu nɛ a kɛ sɔu Mawu somi ɔ nya ji nɛ ɔ nɛ.

Yona 4:9

Se Mawu bi Yona ke, “E da ha mo kaa o mi mi fuɔ tso nɛ ɔ lo?” Yona he nɔ ke, “I ngɛ he blɔ kaa ye mi mi fuɔ kɛ ya siɔ gbenɔ mi po.”

Hiob 21:4

Imi ɔ, tsa pi nɔmlɔ adesa nɛ i kɛ na; i kɛ Mawu lɛ na. Mɛni he je e sɛ kaa ye susuma haoɔ mɔ?

Manyadali 16:15

Delila de lɛ ke, “Ke o ke o suɔ mi, se imi nɔmlɔ tso ɔ lɛɛ o tsui be ye he ɔ, kɛ ji nɔ́ nɛ ɔ sisi kɛɛ? Si etɛ sɔuu ji nɛ ɔ nɛ o pee mi kuasia; se he nɛ o naa o he wami kpetekpleenyɛ ɔ kɛ jeɔ ɔ, lɔ ɔ lɛɛ o tsɔɔ we mi.”

Manyadali 16:17

Nyagbenyagbe ɔ, e gba Delila e laami sane ɔmɛ tsuo. E de lɛ ke, “Kɛ je benɛ i ngɛ ye nyɛ mi mi lokoo ɔ, a tsukɔ ye he ngɔ ha Mawu kaa Nazir no; lɔ ɔ he ɔ, asoyi nya yɛ ye yi mi hyɛ. Ke a sã ye yi nɔ pɛ ye he wami ɔ maa je ye mi. Kɛkɛ ma gbɔjɔ, nɛ ma hi kaa bɔ nɛ nɔmlɔ adesa tsuaa nɔmlɔ adesa ngɛ ɔ.”

Manyadali 14:16

Samson yo ɔ hia ya kɛ ya na e huno ɔ, nɛ e de lɛ ke, “Mamoo o sume mi, nɛ o buá peeɔ o ní kaa o suɔ mi! O sia ye ma mi bi ɔmɛ ajo, se o tsɔɔ we mi sisi!” Samson de lɛ ke, “Hyɛ, tsaatsɛ kɛ maa po i de we mɛ, nɛ moo lɛɛ ma de mo?”

Manyadali 14:17

Yo ɔ fo ya kɛ wo lɛ ligbi kpaago ɔmɛ tsuo nɛ a ngɛ okplɔɔ ɔ he ɔ. Ligbi nɛ ji kpaago ɔ nɔ ɔ, Samson tsɔɔ e yo ɔ ajo ɔ sisi, ejakaa e ngɛ lɛ haoe tsɔ. Kɛkɛ nɛ lɛ hu e ya de Filisti bi ɔmɛ.