Manyadali 16:13 - BAIBLO ALOO NGMAMI KLƆUKLƆU Ɔ

¹³ Delila de Samson ke, “Kɛ ba si amlɔ nɛ ɔ, kuasia sɔuu kɛkɛ o ngɛ mi pee; nɛ o ngɛ mi mlɔɔe hulɔ. Moo tsɔɔ mi bɔ nɛ a ma plɛ kɛ fi mo ha.” Samson de lɛ ke, “Ke o ngɔ ya kɛ lo ye yi bwɔmi kuukuu kpaago ɔmɛ tsuo ngɔ bla pee kake, nɛ o kɛ plɛɛko ka lɛ kɛ wo bo lomi klama he ɔ, ma gbɔjɔ, nɛ ma hi kaa bɔ nɛ nɔmlɔ adesa tsuaa nɔmlɔ adesa ngɛ ɔ.”

Manyadali 16:13 ပူးပေါင်းရင်းမြစ်များ

Manyadali 16:12

Lɔ ɔ he ɔ, Delila ya hla tangme hehi nɛ e kɛ ba fi Samson; nɛ e de lɛ ke, “Samson! Filisti bi ɔmɛ ma mo numi!” Jamɛ a be ɔ mi ɔ, nyumu ɔmɛ ya wo ka ngɛ se tsu ko mi. Samson tsɔ tangme ɔmɛ nɛ a ngɔ kɛ fi e kɔni ɔmɛ kaa a tsɔɔ nazee.

Manyadali 16:14

Lɔ ɔ he ɔ, benɛ Samson hwɔ mahe ɔ, Delila ya hɔɔ Samson yi bwɔmi kuukuu kpaago ɔmɛ tsuo ngɔ bla pee kake, nɛ e fi kɛ wo plɛɛko he. Kɛkɛ nɛ e de lɛ ke, “Samson! Filisti bi ɔmɛ ma mo numi!” Samson hɛ tsɛ̃, nɛ e gbla e yi bwɔmi ɔ kɛ je plɛɛko kɛ bo lomi klama kɛ ya a mi.

Manyadali 14:17

Yo ɔ fo ya kɛ wo lɛ ligbi kpaago ɔmɛ tsuo nɛ a ngɛ okplɔɔ ɔ he ɔ. Ligbi nɛ ji kpaago ɔ nɔ ɔ, Samson tsɔɔ e yo ɔ ajo ɔ sisi, ejakaa e ngɛ lɛ haoe tsɔ. Kɛkɛ nɛ lɛ hu e ya de Filisti bi ɔmɛ.

Manyadali 16:10

Delila de Samson ke, “Hyɛ kaa o pee mi kuasia, nɛ o mlɔɔ mi! I kpa mo pɛɛ, moo tsɔɔ mi bɔ nɛ a ma plɛ kɛ fi mo ha.”