Manyadali 16:10 - BAIBLO ALOO NGMAMI KLƆUKLƆU Ɔ

¹⁰ Delila de Samson ke, “Hyɛ kaa o pee mi kuasia, nɛ o mlɔɔ mi! I kpa mo pɛɛ, moo tsɔɔ mi bɔ nɛ a ma plɛ kɛ fi mo ha.”

Manyadali 16:10 ပူးပေါင်းရင်းမြစ်များ

Manyadali 16:13

Delila de Samson ke, “Kɛ ba si amlɔ nɛ ɔ, kuasia sɔuu kɛkɛ o ngɛ mi pee; nɛ o ngɛ mi mlɔɔe hulɔ. Moo tsɔɔ mi bɔ nɛ a ma plɛ kɛ fi mo ha.” Samson de lɛ ke, “Ke o ngɔ ya kɛ lo ye yi bwɔmi kuukuu kpaago ɔmɛ tsuo ngɔ bla pee kake, nɛ o kɛ plɛɛko ka lɛ kɛ wo bo lomi klama he ɔ, ma gbɔjɔ, nɛ ma hi kaa bɔ nɛ nɔmlɔ adesa tsuaa nɔmlɔ adesa ngɛ ɔ.”

Luka 22:48

Se Yesu bi lɛ ke, “Yuda, o ma fiɔ ye nya he, konɛ o kɛ tsɔɔ imi Nɔmlɔ Bi ɔ, ye se blɔ?”

Ezekiel 33:31

Lɔ ɔ he ɔ, ye ma a baa o ngɔ, nɛ a ba hii si ngɛ o hɛ mi nɛ a buɔ munyu ɔmɛ tue, se nɔ́ nɛ o deɔ mɛ ke a pee ɔ, lɔ ɔ lɛɛ a pee we. Á yeɔ nɔ he fɛu, nɛ a se nami he pɛ a susuɔ.

Abɛ Womi 24:28

Koo ye odase kɛ si o nyɛmi yaka gu, nɛ koo ngɔ o nya mi munyu hu kɛ sisi nɔ.

Manyadali 16:7

Samson de lɛ ke, “Ke a ngɔ kɛ̃ɛ̃ mi kpa he kpaago nɛ gbli we kɛ fi mi ɔ, ma gbɔjɔ, nɛ ma hi kaa bɔ nɛ nɔmlɔ adesa tsuaa nɔmlɔ adesa ngɛ ɔ.”

Manyadali 16:9

Jamɛ a be ɔ mi ɔ, e ha nɛ nyumu komɛ ya wo ka ngɛ se tsu ko mi. Kɛkɛ nɛ e de lɛ ke, “Samson! Filisti bi ɔmɛ ma mo numi!” Se Samson tsɔ kɛ̃ɛ̃ mi kpa amɛ kaa bɔ nɛ ke la sa bo lomi kpa he nɛ e tsɔɔ ɔ. Lɔ ɔ he ɔ, laami sane nɛ ngɛ he nɛ e naa e he wami ɔ kɛ jeɔ ɔ, a li.

Manyadali 16:11

Samson de lɛ ke, “Ke a ngɔ tangme hehi nɛ a kɛ tsu we nɔ́ ko hyɛ kɛ fi mi ɔ, ma gbɔjɔ, nɛ ma hi kaa bɔ nɛ nɔmlɔ adesa tsuaa nɔmlɔ adesa ngɛ ɔ.”

Nehemia 6:4

A tsɔ kɛ sɛ gbi nɛ ɔ nɔuu kɛ ba si eywiɛ, nɛ imi hu i ha mɛ heto nɛ ɔ nɔuu si eywiɛ ɔmɛ tsuo.