Manyadali 15:19 - BAIBLO ALOO NGMAMI KLƆUKLƆU Ɔ

¹⁹ Kɛkɛ nɛ Mawu bli muɔ nyafii ko nɛ ngɛ Lehi ɔ nya, nɛ nyu je mi kɛ ba. Benɛ Samson nu nyu ɔ, e hɛ mi tsɔ lɛ; nɛ e na he wami ekohu. Lɔ ɔ he ɔ, a wo lejɛ ɔ biɛ ke Hakore, nɛ e ngɛ Lehi kɛ ba si mwɔnɛ ɔ.

Manyadali 15:19 ပူးပေါင်းရင်းမြစ်များ

Yesaya 44:3

“Nihi nɛ kuma ngɛ mɛ yee ɔ, ma ha mɛ nyu nɛ a nu. Ma ha zugba gbigbli ɔ nyu, nɛ pahi maa hia. Ma ngɔ ye mumi ɔ kɛ wo o bimɛ ɔmɛ a mi, nɛ ma gbaa o nina a.

Mose I, 45:27

Se benɛ a bɔ lɛ nɔ́ tsuaa nɔ́ nɛ Yosef de mɛ, nɛ e na zugba lɛ ɔmɛ nɛ Yosef ngɔ mane nɛ a kɛ ba ngɔ lɛ kɛ ba a, e nɔ gbagba te.

La 34:6

Nɔ́ nalɔ nɛ ɔ fa kue ha Yawɛ; Yawɛ bu lɛ tue, nɛ e je lɛ kɛ je e haomi ɔmɛ tsuo a mi.

Yesaya 40:29

Ni nɛmɛ nɛ gbɔjɔ, nɛ pɔ tɔ mɛ ɔ, e haa mɛ he wami.

Yesaya 40:26

Nyɛ wo nyɛ yi nɔ nɛ nyɛɛ hyɛ hiɔwe! Mɛnɔ lɛ bɔ dodoe ɔmɛ nɛ nyɛ ngɛ hyɛe ɔ? Nɔ nɛ jeɔ mɛ kpo kaa ta buli babauu, nɛ e kɛ eko tsuaa eko biɛ tsɛɔ lɛ ɔ! E he wami, kɛ nyɛmi kpetekpleenyɛ ɔ nya a, kake ngmelu po laa we.

La 120:1

Benɛ i ngɛ haomi mi ɔ, i kpa ngmlaa kɛ tsɛ Yawɛ, nɛ e bu mi tue.

Samuel I, 30:12

Lɔ ɔ se ɔ, a ha lɛ ngmɔkɔ kɛ wai yiblii sau enyɔ nɛ e ye, kɛkɛ nɛ e hɛ mi tsɔ lɛ; ejakaa e yi ní, nɛ e nui nyu ligbi etɛ sɔuu.

Mose II, 17:15

Mose ma bɔ sami la tɛ ko nɛ e wo lɛ ke, “Yawɛ ji ye we aflangaa.”

Mose I, 30:30

Benɛ i ba a, lohwe bɔɔ pɛ o ngɛ. Se amlɔ nɛ ɔ lohwe ɔmɛ bɔ, nɛ a he hiɛ babauu; Yawɛ gu ye nɔ nɛ e kɛ gbaa mo babauu. Amlɔ nɛ ɔ, e su be nɛ ma to blɔ nya kɛ ha imi nitsɛ ye we ɔ.”

Mose I, 28:19

E wo lejɛ ɔ biɛ ke Betel, se sa a, a tsɛɛ ma nɛ ngɛ lejɛ ɔ ke Luz.

Mose I, 16:13

Hagar bi e he ke, “Anɛ i na Mawu niinɛ, nɛ ye hɛ ngɛ kɛ mwɔɔ lo?” Lɔ ɔ he ɔ, e tsɛ Yawɛ nɛ kɛ lɛ ba tu munyu ɔ ke, “Mawu nɛ hyɛɛ nɔ.”

Mose IV, 20:11

Kikɛ nɛ ɔ nɛ Mose de pɛ kɛkɛ nɛ e wo e nine nɔ, nɛ e kɛ e tso ɔ fia tɛ sa a si enyɔ, nɛ nyu babauu je mi babaaba ha ma kpekpemi ɔ, kɛ a lohwe ɔmɛ nɛ a nu.

Manyadali 15:9

Pee se ɔ, Filisti bi ɔmɛ ya bua a he nya ngɛ Yuda, nɛ a je lejɛ ɔ kɛ ya tua Lehi.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

La 110:7

Matsɛ ɔ maa nu pa nɛ ngɛ blɔ ɔ he ɔ mi nyu, lɔ ɔ maa wo lɛ he wami, nɛ e maa ye kunimi.