Manyadali 15:18 - BAIBLO ALOO NGMAMI KLƆUKLƆU Ɔ

¹⁸ Jehanɛ, kuma ba ye Samson wawɛɛ nitsɛ; nɛ e fa kue ha Yawɛ nɛ e de ke, “O tsu manye ní tsumi nguaa nɛ ɔ kɛ gu o tsɔlɔ ɔ nine nɔ. Anɛ kuma nɛ gbe mi, nɛ mɔmlɔtɔtsɛmɛ nɛ ɔmɛ a nine nɛ su ye nɔ lo?”

Manyadali 15:18 ပူးပေါင်းရင်းမြစ်များ

Hebribi 11:32

Anɛ e hia kaa ma pa de nɔ́ ko lo? Be ngɛ jinɛ i ko sɛɛ nyɛ Gideon, Barak, Samson, Yefta, David, Samuel, kɛ gbali ɔmɛ tsuo a he ní.

Yohane 19:28

Benɛ Yesu na kaa a gbe nɔ́ tsuaa nɔ́ nya a, bɔ nɛ pee nɛ ngmami ɔ nɛ ba mi ɔ, e de ke, “Kuma ngɛ mi yee!”

Samuel II, 1:20

Nyɛ ko tu munyu nɛ ɔ nɛ Gat bi ba nu. Nyɛ ko sɛɛ ngɛ Ashkelon gbɛjegbɛ ɔmɛ a nɔ. Ke pi ja a, Filisti yi ɔmɛ ma na bua jɔmi. Ke pi ja a, wɔ jali a biyi ɔmɛ ma nya.

Samuel I, 27:1

David de ngɛ e yi mi ke, “Saul maa gbe mi tlukaa ligbi kake, lɔ ɔ he ɔ, nɔ́ nɛ sa mi peemi ji ma tu fo kɛ ho Filisti bi ɔmɛ a zugba a nɔ ya. Saul nine mi maa je wu, nɛ e maa jɔɔ ye se nyɛɛmi ngɛ Israel huza amɛ a nɔ, nɛ ye yi ma na wami.”

Samuel I, 17:36

I gbe jatahi kɛ osisiblisihi hyɛ, nɛ ja nɔuu ma pee kikɛmɛ a Filisti no mɔmlɔtɔtsɛ nɛ ɔ, ejakaa e bɔ Mawu hɛ kalɔ ɔ tabo ɔmɛ ahlua.”

Samuel I, 17:26

David bi nyumu ɔmɛ nɛ daa si ngɛ e kasa nya a ke, “Nɔ nɛ maa gbe Filisti no nɛ ɔ, nɛ́ e ma je Israel kɛ je ahlua bɔmi nɛ ɔ mi ɔ, mɛni a maa pee ha lɛ? Mɛnɔ ji kikɛmɛ a Filisti no mɔmlɔtɔtsɛ nɛ ɔ, nɛ e ngɛ Mawu hɛ kalɔ ɔ tabo ɔmɛ ahlua bɔe kikɛ nɛ ɔ?”

Manyadali 16:28

Kɛkɛ nɛ Samson fa kue ha Yawɛ ke, “Yawɛ Nyɔmtsɛ, i kpa mo pɛɛ, mo kai mi jehanɛ. Mawu lee, mo ha mi ye he wami ɔ si kake nɛ ɔ pɛ, konɛ ma ye ye he lue ngɛ Filisti bi ɔmɛ a nɔ, ngɛ ye hɛngmɛ enyɔ ɔmɛ a he.”

Manyadali 8:4

Jamɛ a be ɔ mi ɔ, Gideon kɛ nyumuhi lafa etɛ ɔmɛ nɛ piɛ e he ɔ ya su Yordan pa a nya, nɛ a po pa a. Jamɛ a be ɔ, pɔ tɔ mɛ, nɛ hwɔ gbe mɛ.

Mose I, 32:31

Benɛ Yakob je Peniel ɔ, pu gba; nɛ e gbongu ɔ nɛ huã he je ɔ, e nyɛ we nɛ e nyɛɛ tutuutu.

Mose I, 20:11

Abraham he nɔ ke, “Jinɛ i susu kaa nɔ ko nɔ ko be hiɛmɛ nɛ ɔ nɛ yeɔ Mawu gbeye; i susu kaa ma mi bi ɔmɛ maa gbe mi, nɛ a ma kpɔ ye yo ɔ ngɛ ye dɛ.

Manyadali 15:17

Benɛ e tu munyu ɔ ta a, e sake tsitsa wu ɔ ngɔ fɔ he. Nɛ a wo lejɛ ɔ biɛ ke Ramat Lehi.

Manyadali 14:3

Se e tsɛ kɛ e nyɛ bi lɛ ke, “Anɛ yo ko yo ko be o nyɛmimɛ ɔmɛ a biyi ɔmɛ, kɛ wa ma mi bi ɔmɛ tsuo a kpɛti, loko o yaa ngɔ yo ngɛ Filisti bi mɔmlɔtɔtsɛmɛ nɛ ɔmɛ a kpɛti ɔ?” Samson de e tsɛ ɔ ke, “Yaa nɛ o ya bi e si ha mi, ejakaa i suɔ lɛ.”